Korɛntə dɔlɔɔ 12:8 - Bible

⁸ Táre-woo tɛɛ̂i dɔnɔ pɔ M̀ɔlêŋ sârai, mɛni-kɔlɔŋ woo tɛ̂ɛi dɔnɔ pɔ M̀ɔlêŋ tɔnɔi sârai,

Yálá laawoo hɛɓɛ (dc)

⁸ Kili-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Kili tanɔ̨n tii haalai;

Yálá laawoo hɛɓɛ

⁸ Nįį-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Nįį tanɔ̨n tii haalai;

Korɛntə dɔlɔɔ 12:8 ပူးပေါင်းရင်းမြစ်များ

Nehemi 9:20

Í Ímɔ̂leŋ lɛ́lɛɛi pù díkponôi, é Dɔ̂ŋ mɛi káa kili ŋa pono tɛɛ dípɔ. Í mana tɛ̀ɛ dípɔ dí mii, í yá tɛ́ɛ dípɔ díkpele mɛni ma.

Zôo 32:8

Gáa a tɔ̃yâ a gɛɛ núu kélee táreɛ̂ɛi. Kɛ́lɛ a dárei ŋí sɔlɔ ƃô Ŋ̀wála-wâla kélee Ɣalai yêei.

Mąątɛ̨nɛ̨ 143:10

Yá ƃé íkaa a Ŋáɣâlai, ítûa-pere lɛ́ ḿâ a gɛɛ ŋá sía la. Ye ḿɛi káa a ǹɛ́lɛɛ í ḿbîlaŋ pere lɛ́lɛɛ ma.

Lɛɛ gbɔwɔ ɓa 31:3

Ŋa ǹáa fɛ́ɛ a ŋámɔ̂leŋ, táre mɛni-ŋa-káa da yɛrɛ sii kélee,

Hanwon 2:6

Ɣâla Yâwɛɛ ƃa táre tɛ̀ɛ. Ǹyaa ƃé sɛŋ kɔ́lɔŋɔɔ da mɛni ŋá-kaa a kûla ǹyêei.

Azaya 50:4

Ǹuu-namui Yâwɛɛ a m̀ɛnii ƃó ḿâ ŋa pâi m̀ôi. A m̀ó ḿâ a gɛ́ɛ ŋá diai líi kúla nyii-ŋai dífii kpɛɛ̂i. A gɛ̀ ŋá ŋ́oli lá ƃó a ɣele ƃɔ̂i kélee, a gɛɛ ŋá m̀ɛnii mɛni a pâi ǹɛ̂i ḿâi.

Azaya 59:21

Ŋa pâi kpanaŋ-woo kɛ̂i káyêei. Ŋa pâi ŋámɔlêŋ tɛɛ̂i kápɔ ŋá ŋásɛŋ-lɛɛi ŋai lɛ́ɛ káyêei wɔ́lɔ-wɔlɔ. É síɣe sâa ma, ka pâi kɛ̂i a ŋ́oo mɛni-ƃela. Ka m̀ɛni-ŋai ŋí lɛ́ kálônii dîa, diaŋ dí ǹɛ́ a gɛ́ɛ dia máŋ da pɔ̂ri kɛ̂i a ŋ́oo mɛni-ƃela é síɣe sâa ma é lí tuɛ-pere.”

Danîa 2:21

Nya ƃe a mɛni-ŋa maa fâleŋ. A gɛ̀ fólo lá-ƃoɔɔ é tɛ́ɛ, sama tãi é pá. A kâloŋ-ŋa sèe gɛ́ díwolo. A táre tɛ̀ɛ dáre-ƃelai pɔ́, gɛ́ mɛni ŋá káa tɛ̀ɛ diai pɔ́ da mɛni ŋá kaai.

Maafîu 13:11

È díwoo su tòo, ǹyɛɛ diai, “Káa ƃe Ŋ̀âla-taa kâloŋ-laai su loo-mɛni-ŋai kɔ́lɔŋɔɔ tɛɛ̂i kápɔ. Kɛ́lɛ, ve tɛɛ ni dípɔ.

Gɛlaɠaa 6:3

M̀ɛni ma, ŋánûa, ka núu sã́a lɛ́lɛɛ lɔ́ɔlu mɛi feerɛ kɔ́ri kásama nyíi-ŋai dílaa fɛɛ a M̀ɔlêŋ da tarei, a gɛ́ɛ ku dítɔɔ mɛnii ŋí láa tuɛ.

Lomaŋ 15:14

Ŋánûa, ńyãa kpîŋ ńii lâai kámɛni ma a gɛ́ɛ káa kpîŋ kálaa fɛɛ̂i a lɛ́lɛ-laa, kálaa fɛ́ɛ a táre kélee, pɔ̂ri kɛ́ ƃo káa a gɛ́ɛ ka sɛŋ lɛ kákîe-ni dîa.

Korɛntə dɔlɔɔ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Korɛntə dɔlɔɔ 1:5

kpɛ́ni fêi, ká kɛ̀ a tɔɔ-ƃela pere-sii kélee su gbonôi lóno-woo kélee su da táre kélee,

Korɛntə dɔlɔɔ 13:2

À kɛ̀ máŋ wála-wala káa ńyêei a gɛ́ɛ ŋa Ɣâla-woo ƃó, ŋ́gɛ tàre kili-ŋa-tɛi mɛni kélee su, táre kélee kɛ́ ƃo ńyêei, à kɛ̀ máŋ laa-la kélee káa ńyêei a gɛ́ɛ ŋa pɔ̂ri yée-ŋa siɣêi dítɔɔ̂i, kɛ́lɛ, wɛli-kɛ-maa fe ńyêei, ŋ́gaa nɔ́ kpɛni-kpɛni.

Korɛntə dɔlɔɔ 13:8

Wɛli-kɛ-maa kôyaŋ fe ma; kɛ́lɛ, Ɣâla-woo ƃóɔ a pâi tɛɛ̂i; sîi-woo-ŋa nyíi-ŋai núu fa târe dísui, da pâi tɛɛ̂i; táre a pâi tɛɛ̂i.

Korɛntə dɔlɔɔ 14:26

Le ƃe ŋaŋ, ŋánûa? Kà pà kákîe ma, ǹúui da-ni wule káa díla, da-ni sɛŋ lɛ́ɛ kɛ́ ƃo díyêei, da-ni sii-woo da kpɛni ƃóɔ kɛ́ ƃo díyêei nyíi núu fa târe zui, da-ni la-woo su-kula kɛ́ ƃo díyêei. Tɔɔ mɛni kélee é kɛ́ mɛni lɛ́lɛɛ mɛni ma.

Korɛntə dɔlɔɔ 14:6

Ŋánûa, à kɛ̀ ŋà pà kápɔ ŋ́gɛ lono a sii-woo-ŋa nyíi-ŋai káfa târe dísui, le ƃe ka pɔ̂ri gulâi zu, fɛ̂ɛ ŋa pa kápɔ a mɛni-ŋai Ɣâla a ǹɛ́ mai, kpaa táre, kpaa Ɣâla-woo ƃóɔ, kpaa máŋ sɛŋ lɛ́ɛ?

Korɛntə dɔlɔɔ 2:11

Kpɛ́ni fêi, gbɛ̂ɛ ƃe m̀arâŋ-nuu ŋɔkili-ŋa-siai kɔ́lɔŋ é kúla maa-nuui ti kpîŋ ŋɔmɔ̂leŋ pôlu nyíi gáa gbonôi? Bere nɔ́ ƃe máŋ núu fa târe la Ɣâla ŋɔkili-ŋa-siai su fɛ̂ɛ Ɣâla Ŋɔmɔ̂leŋ.

Korɛntə dɔlɔɔ 2:16

“Kpɛ́ni fêi, gbɛ̂ɛ ƃe Kúnuu-namui kíli ŋá mɛni kɔ́lɔŋ a gɛ́ɛ e mɛni lɛ́ mà?” Kɛ́lɛ, Kôrai ŋɔkili-ŋa-siai káa kúyêei.

Korɛntə veelɛ 1:12

Kpɛ́ni fêi, kúyoŋka téɛɛ ká ŋí, kúkili-ŋa-siai m̀aa sêre-faai ƃa a gɛ́ɛ kwa tûa lɛ́lɛɛ kɛ́ ŋ̀éniɛi su a Ɣâla ŋɔmaa-waa-laai da ŋɔtɔ̃yâ laa-lai. Kútûa lɛ́lɛɛi dámaa káa kápɔ-pere. Kúfe gɛ̀ ní a ǹɔii ŋí su-tarei, kɛ́lɛ, ku gɛ a Ɣâla ŋɔƃɛlɛ-sêei.

Korɛntə veelɛ 11:6

À kɛ̀ máŋ fa pɔ̂ri lônoi a ǹɛ́lɛɛ, táre lɛ́lɛɛ káa ńyêei; pere-sii kélee su kwa nyíŋi ŋá lɛ̀ káa a ǹɛ́lɛɛ mɛni kélee su.

Korɛntə veelɛ 2:14

Kɛ́lɛ, sɛɣɛi-fei é tɛ́ɛ Ɣâla pɔ nyíi a tɔ̂ɔ kútuɛ yee-tɛɛ-maa kélee su Kôrai kponôi, gɛ gbîŋ maa-mɛni kúŋ lɛ́lɛɛ taa-taa kwaa kélee ma kúsârai.

Korɛntə veelɛ 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Korɛntə veelɛ 6:6

a maa-waa-laa, a táre, a lii-kpele, a sɔŋ lɛ́lɛ, a M̀ɔlêŋ Maa Waai, a tɔ̃yâ-wɛli-kɛ-maa,

Korɛntə veelɛ 8:7

Yɛ̂ɛ berei ka mɛni kélee kɛ̀ la a ǹɛ́lɛɛ-kálaa-lai su, kálono-woo su, kátarei su, ka mɛni soŋɔɔ a gbanaŋɔɔ su, da káwɛli-kɛ-maai su nyíi gáa káyêei kúmɛni mai-ka gáa a gɛ́ɛ ká Ɣâla ŋɔtíi lɛ́lɛɛi ŋí kɛ́ máŋ a ǹɛ́lɛɛ.