Korɛntə dɔlɔɔ 1:9 - Bible

⁹ Ɣâla sã́âi, nyíi kátòli Ǹóŋ Zîsɛ Kôrai Kúnuu-namui ŋɔkɛ-naai sui.

Yálá laawoo hɛɓɛ (dc)

⁹ A kulɔ nwoo ɓa, a Yálái ti ká təli, yɛ ka non Jesus Kristə ni ká yee lɔ gii hu, yai a gu Nąmu.

Yálá laawoo hɛɓɛ

⁹ A kulɔ nwoo ɓa, a Yálái ti ká təli, yɛ ka non Jesus Kristə ni ká yee lɔ gii hu, yai a gu Nąmu.

Korɛntə dɔlɔɔ 1:9 ပူးပေါင်းရင်းမြစ်များ

Mąątɛ̨nɛ̨ 100:5

Yâwɛɛ sɔŋ lɛ̂lɛɛi, ŋɔwɛli kɛ́-maai kóyaŋ fé ma, ŋɔteniŋ ƃô-laai káa naa é síɣe núu-suu tɔnɔ ma é tóo gbéli ma.

Azaya 11:5

A pâi ŋɔnûai mɛi kâai tɔ̃yâ-laa da teniŋ ƃô-pere su.

Azaya 25:1

Yâwɛɛ, yá ƃa Ŋáɣâlai. Ŋa pâi ƃaa kɛ́-maa tɛɛ̂i ípɔ, ŋá ílaa maa tɛ́. Ya mɛni kpaya-kpayaa mĩli-miliɛɛ támaa kɛ́. M̀ɛni kpaya-kpayaa mĩli-miliɛ-ŋai ŋí káa a m̀ɛnii í gbɛ̀tɛ tãi su-kôyaa tɛɛ pôlu ma.

Azaya 49:7

M̀ɛnii ŋí Yâwɛɛ, Eezuɛ ŋuŋ ma ƃó Ɣala Maa Waai, è mò ŋɔtíi kɛ́-nuui ma. Lɔii-ŋuŋ-ŋa su-ƃela dí díyee kùla ǹúui ŋí mu, dí tɔ́ɔ m̀a, gɛ́ ƃò a ǹúu láa túɛ-ƃelai yée mu nuu. È mò m̀a ǹyɛɛi, “Kâloŋ-ŋa da pâi íkâai íŋuŋ ma ƃóɔɔ, dí ŋumɛ mâa tɛɛ ípɔ. Ǹúu láa túɛ-ƃelai da pâi íkâai dí tóo íkɔɔ mu, dí ƃaa kɛ́ maa tɛ́ɛ ípɔ.” A pâi kɛ̂i tí, kpɛ́ni fêi, Eezuɛ Ŋɔɣâla Maa Waa tɔnɔi, a ziɣe zu a gɛ́ɛ é kɛ́ a ŋɔtíi kɛ́-nuu.

Lonon mo 23:19

Ɣâla fa lɛ́ɛ kɛ̀ yɛ̂ɛ berei núu kpune a gɛ̀ lai. Va ǹíi maa fâleŋ yɛ̂ɛ berei núu-kpune a gɛ̀ lai. A ŋɔkono-tee-wooi ŋ̀á-see kɛ̀. Mɛnii a mòi, a ŋ̀á-see kɛ̀.

Maafîu 24:35

Ŋelei da ǹɔii da pâi kpɛɛ̂i, kɛ́lɛ, ŋáwooi fé pâi wɔ́lɔ kpɛɛ̂i.

Ɉaan 17:21

a gɛɛ díkelee dí kɛ́ zu tɔnɔɔ; yɛ̂ɛ berei la yá Ńâŋ máŋ íkaa la ŋ́gbonôi, ǹyaŋ ŋ́gɛ ƃò íkponôi, a gɛɛ dia máŋ dí kɛ́ kúkponôi a gɛɛ ǹɔii é láa la a gɛɛ yá ƃe ńdɛ̀ɛ.

Lomaŋ 11:17

Kɛ́lɛ, eêi kɛ̀ ŋulɔ-wuru lɛ́lɛɛi ŋoŋo da-ni dîi kɛ̀ a ŋaleɛ, ǹyaŋ yái íkaa ŋulɔ-wuru nyɔ́mɔɔi dí íwoŋo siɣe dí ŋuru-woŋo-ɣaleɛi pɛ́ŋ pɛlɛ la a gɛ́ɛ í ŋuru lɛlɛɛi ŋɔlɛ́lɛ-laai da sɔlɔ ƃo,

Lomaŋ 8:28

Ku gɔ́lɔŋ a gɛ́ɛ diai dí Ɣâla wɛli ni mɛni kélee a kɛ̂ gîe ma a ǹɛ́lɛɛ dímɛni ma, nyíi-ŋai e dítoli yɛ̂ɛ berei ŋɔsapoi káa lai.

Lomaŋ 8:30

Diai e dísèe díŋuŋ ŋá a maa-ŋuŋ e dítoli máŋ; diai e dítòlii, e díkɛ̀ a tɔ̃yâ-ƃela; diai e díkɛ̀ a tɔ̃yâ-ƃelai, e folo-laa tɛ̀ɛ dípɔ máŋ.

Lomaŋ 9:24

Nyíti su-kulâi ƃa kúa máŋ a kútoli. Kúfe kula ni nɔ́ Zûu-ŋai sama, kɛ́lɛ, kúta-ni dí kula Zɛ̃tai-ŋai sama.

Korɛntə dɔlɔɔ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Korɛntə dɔlɔɔ 10:13

Yee-laa-maa da fe niî pá ní kápɔ nyíi ve niî pá ní núu pɔi. Ɣâla sã́âi, nyíi ve pâi nɛɛ̂i naa yee-laa-maa e pa kápɔ nyíi dɛɛi káwala-walai mai, kɛ́lɛ, tãi yee-laa-maa à pà lai, Ɣâla máŋ a pâi kúkula-perei tɛɛ̂i a gɛ́ɛ pɔ̂ri e kɛ́ káa ka tɔɔ zu.

Korɛntə dɔlɔɔ 10:16

Ǹûa-kpele-kɔɛi kwa lûwa làa mai, ve a kɛ-zu-tɔnɔɔ Kôrai ŋãai su? Gbóloi kwa ŋalei, ve a kɛ-zu-tɔnɔɔ Kôrai kpono su?

Korɛntə veelɛ 1:18

Yɛ̂ɛ berei Ɣâla sã́âi la kpɔ́ a tɔ̃yâi, kúwooi fe niî kɛ́ ni a Ooei, Kpa.

Galatə 1:15

Kɛ́lɛ, tãi ǹúui ńzee dí lɛ́ɛ pâi ḿaa sɔlɔ ƃôi, e ńdòli la ŋɔƃɛlɛ-sêei sârai,

Galatə 2:20

Kwa Kôrai dí kúkpàmo wúru su-tíyeŋɔɔ ma; ǹyaŋ fe ŋɔ́nɔ ɣele ma, fɛ̂ɛ Kôrai nyíi gáa ŋ́gbonôi; vulu-laai nâa ŋa gɛ̂i ŋ́gbonôi, ŋa gɛ̂i a laa-la Ɣâla Ǹóŋ kponôi nyíi ŋ́wɛ̀li é gbîŋ tɛɛ ḿɛni mai.

Ifisiɛŋ 3:6

Nya ƃa, berei Zɛ̃tai-ŋai díkaa la a pɔɔ-sɛŋ-namela dia máŋ. Díkaa a gbono tɔnɔi su-ƃela da, dí ƃo a gono-teei sɔlɔ-ƃo-ƃela da Zîsɛ Kôrai kponôi Duŋ Lɛ́lɛɛi sârai.

Dutɛrɔnome 32:4

“Gáa a kɔni, gɛ́ tîi maa waa, dûa-pere kélee sãa. Gáa a kili kɛ-zu Ɣala, va pɔara maa kɛ̀. Zɔŋ lɛ̂lɛɛi, gɛ́ ƃò a tɔ̃yâ Ɣala.

Dutɛrɔnome 7:9

Ka gɔ́lɔŋ a gɛɛ Káɣâlai Yâwɛɛ káa a Ɣâla. Gáa a kili-kɛ-zu ɣala nyii a ŋɔwɛli-kɛ-maa kono-teei ŋ̀aa-see kɛ̀ núu wála-wala seêi támaa mì nyii-ŋai da ŋ̀wɛli dí kɛ́ ŋɔkono-teei ŋ̀aa-see kɛi.

Kolosə 1:24

Ŋa nâa lii-nɛ̃ɛ kulâi ŋámɛni-soli-kaai su kámɛni ma. Ŋ́gaa mɛni-solii ŋí ŋ̀aa-see kɛ̂i a ŋ́gbono. Kôrai e mɛni-solii ŋí lɛ̀ɛ naa mî ŋɔkponoi mɛni ma, ǹyaa ƃa Kôrai-toli-kpɔŋ.

Tɛsalonikə dɔlɔɔ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Tɛsalonikə veelɛ 2:14

Nyíŋi mɛni ma e kátòli kútuŋ lɛ́lɛɛi sârai a gɛ́ɛ ka Kúnuu-namui Zîsɛ Kôrai ŋɔfólo-laai sɔlɔ ƃó.

Tɛsalonikə veelɛ 3:3

Kɛ́lɛ, Kúnuu-namui sã́âi; a pâi kákponôi kpananîi é kámɛi káa zɔnyɔ̂ŋ-nuui yêei.

Timote veelɛ 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, e gɛ̀ a gbîŋ-nia-mɛnii ŋɔwála-walai da m̀ɛlɛ-seei nyíi e dɛ̀ɛ kúpɔ Zîsɛ Kôrai kponôi a tãi su kôya.

Timote veelɛ 2:13

À kɛ̀ kwà wàla kɛ́ a kusã́a m̀ɛni ma, gáa a núu sã́a, kpɛ́ni fêi, va pɔri ǹyaa kpíŋ maa-sia toôi.

Taitɔ 1:2

Kwa dîa-ni ŋwɔlɔ-wɔlɔ fúlu-laai maa-kili kɛ-zui káa kúyêei nyíi Ɣâla, nyíi va lɛ́ɛ kɛ̀i, è góno tèe la a tãi su kôyai.

Hebreu 10:23

Kwaa kúkili-kɛ-zui sóŋ a gbanaŋɔɔ nyíi kwa mòi, kúfe siɣe kútɔɔ̂i, kpɛ́ni fêi, ǹúui gono-teei kɛ̀i, zã́âi.

Hebreu 11:11

Laa-la sârai Seera ǹyaa kpîŋ è wala-wala sɔlɔ ƃô a gɛɛ é koo siɣe, berei máŋ è kɛ̀ la a núu pɔlɔi, kpɛ́ni fêi, è Ɣâla kàa a núu sã́a nyíi góno tèe ǹyêei.

Hebreu 2:17

Mɛni ma fɛ̂ɛ é kɛ́ yɛ̂ɛ m̀arâai pere-sii kélee su, a gɛɛ é kɛ́ a sâla láa soŋ-nuu kɛ́tɛ nyíi maloŋ-kâa káa ǹyêei zã́a Ɣâla ŋɔtíi su, a gɛɛ é ǹûai dísɔnyɔ̂ŋ maa-sala kula.

Hebreu 3:1

Mɛni ma, m̀arâa maa waa-ŋai, káai kwa ka-ni ku ŋ̀âla-taa toli-wooi mɛnii, ka kákili ŋá sía é pîlaŋ Zîsɛ ma, nyíi gáa a zia-nuui da zâla láa soŋ-nuu kɛ́tɛi yɛ̂ɛ berei kúlaa-lai káa lai.

Hebreu 3:14

Kpɛ́ni fêi, kwa pâi Kôrai sɔlɔ ƃôi, à kɛ̀ nɔ́ kwa kúlaa-lai maa-ŋuŋ sòŋ a gbanaŋɔɔ é seri gɔ̃yɛŋ ma.

Hebreu 6:18

a gɛɛ kwa kɛ̀ ƃalo-laa sɔlɔ ƃoi, lii-kpele kpanaŋɔɔ é kɛ́ kúyêei, kú kúkili-kɛ-zui sóŋ a gbanaŋɔɔ nyíi gáa kúŋɛi-tuɛi mɛni feerɛ nyíi-ŋai dímaa fa fâleŋ dísârai nyíi-ŋai dífa pɔ̂ri Ɣâla kɛ̂i é ŋɔkono-teei maa fáleŋ.

Piɛrə dɔlɔɔ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee-Ɣalai nyíi a kátoli ŋɔwɔlɔ-wɔlɔ fólo-laai ma Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Zɔ̂ŋ Maa-ŋuŋ 1:3

nyíi kwa gáa, kwa mɛ̀nii, kwa m̀ôi kâa máŋ a gɛɛ kwa kâa-ni kú kɛ́ zu tɔnɔɔ. Ǹyaŋ kwa Nàŋ-nuui da Ǹóŋ Zîsɛ Kôrai-ni kúkaa zu tɔnɔɔ.

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 4:13

Bere-sii ŋí ƃe kwa gɔ̀lɔŋ la a gɛɛ kúkaa Ɣâla kponôi, ǹyaŋ gɛ ƃo kúkponôi, kpɛ́ni fêi, a Ŋɔmɔ̂leŋ kpîŋ tɛɛ kúpɔ.

M̀ɛni-lɛɛi 19:11

È kɛ̀ tí, ŋá Ɣâla-taa káa ǹá ƃóɔ. Ka gáa, soo kole è kɛ̀ naa! Ǹúui kɛ̀ see ni bôlui ǹáa ƃa Sã́a-laa da Tɔ̃yâ-laa. A mɛni ŋá tèe gɛ́ kɔ́ kpɛ̀ tɔ̃yâ-laa su.