Kɔlɔnikɔ Maa-ŋuŋ 6:71 - Bible

⁷¹ Gɛsɔŋ ŋɔsuui su-ƃelai dí ŋuŋ-ma ƃo taa-lêe-ŋai ŋí da naa tii kɛ́ lɔɔ sɔlɔ ƃô é kula Manasɛ ŋɔsuui gbua tɔnɔ yêei. Daa-ŋai kpîŋ ƃé kɛ̀ a Golɛŋ nyíi kɛ Basãŋ kpiniŋ sui da Asitarɔ.

Kɔlɔnikɔ Maa-ŋuŋ 6:71 ပူးပေါင်းရင်းမြစ်များ

Kɔlɔnikɔ Maa-ŋuŋ 6:70

Dí Anɛ da Bileaŋ kɛ̀ Manasɛ ŋɔsuui gbua dɔnɔ sui tɛ̂ɛ máŋ dípɔ da naa tii kɛ́ lɔɔ-ŋai.

Kɔlɔnikɔ Maa-ŋuŋ 6:72

Dí Kedɛ da Dabɛra tɛ̀ɛ dípɔ Isaka ŋɔsuui su-ƃelai dílɔii su,

Dutɛrɔnome 1:4

Maa tãi tí ƃé è kùla la gâloŋ-ŋai ŋí yée mɛi ɣâlei: Amora-ŋai díkâloŋ Siɔŋ nyii kɛ̀ Ɛsibɔŋ, Basãŋ kaloŋ Oŋ nyii kɛ̀ Asataro da Ɛdurii.

Dutɛrɔnome 4:43

Gwaa-ŋai ŋí ma ƃe daa-lêe-ŋai dí kɛ̀ naa: Bezɛ taa-leei nyii kɛ̀ a Lubiŋ ŋɔsuui su-ƃelai dítaa-lêei dɔnɔ vɛ̃ɛ-kpâlaŋ sui. Lemɔ taa-leei nyii kɛ̀ Gilia kpiniŋ sui, nyii gáa a Gâa ŋɔsuui su-ƃelai dítaa-lêei dɔnɔi. Da Golaŋ taa-leei nyii gáa a Manasɛ ŋɔsuui su-ƃelai dítaa-lêei dɔnɔ nyii kɛ̀ Basãŋ kpiniŋ sui.

Zasua 13:31

È Gilia lɔii gbua sîɣe, é seri Asatarɔ da Ɛdire lɔii ma da Basãŋ kaloŋ Oŋ ŋɔtaa lêe-ŋai kélee. Dí ǹɔii ŋí tɛ̀ɛ Manasɛ ǹóŋ Mesɛɛ pɔ́ yɛ̂ɛ berei ŋɔsuui káa lai.

Zasua 20:8

M̀aa kɔ̃̂ɔ taa-lee-ŋai kɛ̀ vóloi kulâi-pere é síɣe Zɛleko pere Zɔdiŋ Ya-leei kɔlɛi ƃé kɛ̀ a: Bizɛ nyíi kɛ̀ vɛ̃ɛ-kpâlaŋ su Lubiŋ lɔii mai, Lemɔ nyíi kɛ̀ Gilia kpiniŋ su Gâa lɔii mai da Golaŋ nyíi kɛ̀ Basãŋ kpiniŋ su Manasɛ lɔii mai.

Zasua 21:27

Dí taa-lêe feerɛ tɛ̀ɛ Liiva-ŋai pɔ́ nyíi-ŋai kùla Gesɛŋ ŋɔsuui su Manasɛ ŋɔlɔii ma. Daa lêe-ŋai ŋí dí kɛ̀ Manasɛ ŋɔsuui su-ƃelai dílɔii ma nyíi-ŋai kɛ̀ Zɔdiŋ Ya-leei kɔlɛ vóloi kulâi-perei. Dia ƃé kɛ̀ a Golaŋ nyíi kɛ̀ Basãŋ kpiniŋ sui, gɛ́ ƃò ŋɔ́nɔ a m̀aa kɔ̃̂ɔ taa-leei dɔnɔ da Bɛ-esitera. Dí daa lêe-ŋai ŋí tɛ̀ɛ dípɔ da dítaa tûlɛ-ŋai láa mii kwaa ma.

Zasua 21:6

Dí taa-lêe puu káo saaƃa tɛ̀ɛ Gesɛŋ ŋɔsuui su-ƃelai pɔ́. Daa lêe-ŋai ŋí dí kɛ̀ Isaka, Asɛ, Nɛfɛtɛli da Manasɛ-ni dílɔii kpîniŋ su Basãŋ lɔii ma.

Zasua 9:10

da nyíi è gɛ̀ a Amɔra kaloŋ feerɛi kɛ̀ Zɔdiŋ Ya-leei polui, Ɛsibɔŋ kaloŋ Siɔŋ da Basãŋ kaloŋ Oŋ nyíi zeɛ́ɛ è kɛ̀ Asɛtarɔ taa-leei sui.