Kɔlɔnikɔ Maa-ŋuŋ 28:2 - Bible

² Gɛ́ɛ tí, è mù-siɣe é tɔ́ɔ ǹyɛɛ dîai, “Ŋánûa, ka káwoli tɔ́ɔ ḿâ. Ŋá gbɛtɛ ŋ́gili ŋá a gɛ́ɛ ŋá pɛ́rɛ tɔɔ ƃɛ́i kwa pɔri Yâwɛɛ ŋɔgbanaŋ-woo-kɛɛ maa Gãlai seêi naai da ƃɛ́i Kúɣâlai a pɔri gɔ̀ɔ tɔɔ̂i naai. Ŋá mɛni kpɛtɛɛ kɛ́ a pîlaŋ bɛ́rɛi ní tɔɔ mɛ̂ni ma.

Yálá laawoo hɛɓɛ (dc)

² Ya ɓə, tɔɔmun Davidə ə haŋą ə tɔɔ, yɛ diɛ: «Ną́n nonnii, ka pɛlɛɛ nwɔ́ nuą diɛ! 'Ka ká wəli tɔɔ mą́ą́! Ŋą́ kɛ kpɔ bɔ, ŋą́ pɛlɛ́ tɔɔ, ɓɛi Yai-Laa ŋą mįnɛ̨ kəhii a kɛ laa, da gu wɔ Yálái kɔ́wɔ hvilɛn ɉii. Ŋą́ą́ bɛlɛ́i tii tɔɔ hɛnŋąą ɲąąkpɔn.

Yálá laawoo hɛɓɛ

² Ya ɓə, tɔɔmun Davidə ə haŋą ə tɔɔ, yɛ diɛ: «Ną́n nonnii, ka pɛlɛɛ nwɔ́ nuą diɛ! 'Ka ká wəli tɔɔ mą́ą́! Ŋą́ kɛ kpɔ bɔ, ŋą́ pɛlɛ́ tɔɔ, ɓɛi Yai-Laa ŋą mįnɛ̨ kəhii a kɛ laa, da gu wɔ Yálái kɔ́wɔ hvilɛn ɉii. Ŋą́ą́ bɛlɛ́i tii tɔɔ hɛnŋąą ɲąąkpɔn.

Kɔlɔnikɔ Maa-ŋuŋ 28:2 ပူးပေါင်းရင်းမြစ်များ

Zɛnɛse 48:2

Dí mò Zeeka ma dîyɛɛi, “Íloŋ Zosɛ a pá ípɔ naa.” Nya ƃe Zeeka è kɔ̀ ma é mu sìɣe é sée gbìŋ ŋá.

Tɔɔɓɛlaa dɔlɔɔ 1:47

É kúla nyíti pôlu gâloŋ ŋɔtíi kɛ́-ƃela kpaya-kpayai dí pà a gɛ́ɛ dí yee-see-mu kɛ́ a kúnuu-namui Gâloŋ Deeƃé. Da m̀ôi dîyɛɛi, ‘Ɣâla é Saloma kɛ́ ǹáa é kúla é tɛ́ɛ yâ, é ŋɔkâloŋ-laai su kɛ́tɛ é tɛ́ɛ íwɔ̂i ma.’ Gâloŋ è ŋuŋ ma pìlaŋ ŋɔgbìŋ ŋá.

Tɔɔɓɛlaa dɔlɔɔ 5:3

“Í gɔ́lɔŋ a gɛ́ɛ ńâŋ Deeƃé fé pɔri ní kɛ̀ pɛ́rɛ tɔɔ̂i Ŋɔɣâlai Yâwɛɛ láai su vɛli mɛni ma, kpɛ́ni fêi, ŋɔkpɔara-ƃelai dí kɛ̀ a dítinaŋɔɔ ma a kɔ́ é lɛ́ɛ la zu Yâwɛɛ é ŋɔkpɔara-ƃelai kélee pú gɔ́ɔ mu.

Kɔlɔnikɔ Maa-ŋuŋ 17:4

“Lí í m̀ó ńyee mu-nuui Deeƃé ma yɛ̂i, ‘Ŋa môi ma a gɛ́ɛ vé a ǹúui é pɛ́rɛ tɔ́ɔ mî nyíi ŋa pâi kɛ̂i mui.

Kɔlɔnikɔ Maa-ŋuŋ 22:14

Ŋa mɛni sôli támaa káa a gɛ́ɛ ŋá Yâwɛɛ ŋɔpɛ́rɛi tɔɔ sãa ŋáa tɛ́ gîe ma. Ŋa gôo pãŋ wála lɔ́ɔlu mɛi saaƃa (8,000), káne pãŋ ŋɔmêeyɔŋ buu lɔ́ɔlu mɛi feerɛ káo lɔ́ɔlu (75,000,000) ƃara da kɔli kpulu kɛ́tɛ nyíi núu fa pɔ̂ri ŋɔwuyɛ kɔ̂ɔnii, wúru da kɔni. Ya pɔ̂ri díta pûi ma a tɛɛ-ŋa.

Kɔlɔnikɔ Maa-ŋuŋ 22:6

È ǹóŋ Saloma tòli é Eezuɛ Ɣalai Yâwɛɛ ŋɔpɛ́rɛi tɔɔ mɛni kélee tùaŋ ma.

Kɔlɔnikɔ Maa-ŋuŋ 22:7

È mò ma ǹyɛɛi, “Ńoŋ, ŋa gbɛ̀tɛ ŋ́gili ŋá a gɛ́ɛ ŋá pɛ́rɛ tɔ́ɔ Ŋáɣâlai Yâwɛɛ ŋɔlaa ma tɛi mɛni ma.

Kɔlɔnikɔ Maa-ŋuŋ 6:31

Deeƃé kɛ́ɛ a pá a Gono-tee Gãlai Yâwɛɛ ŋɔpɛ́rɛ kɛ́tɛi mui pôlu ma è ǹûai ŋí ní siɣe a gɛ́ɛ díkɛ wule tòo naa.

Kɔlɔnikɔ Veerɛi 6:7

“Ńâŋ Deeƃé è wɔ́lɔ gbɛ̀tɛ gíli ŋá a gɛ́ɛ é pɛ́rɛ tɔ́ɔ Yâwɛɛ, Eezuɛ Ɣalai mɛni ma.

Mąątɛ̨nɛ̨ 110:1

Yâwɛɛ è m̀o ŋánuu-namui ma ǹyɛɛi, “See ǹúu-pɔlɔ-ŋai see kwaai ma ńaa mii yee mɛi-pere. Ŋa pâi íkpɔara-ƃelai pûi íkɔɔ mu.”

Mąątɛ̨nɛ̨ 132:14

“Ƃɛ́ ƃé ŋa pâi kɛ̂i naa wɔ́lɔ-wɔlɔ. Ƃɛ́ ƃé ŋa ŋ̀wɛ̀lii a gɛɛ ŋá ǹaa mɛi káa.

Mąątɛ̨nɛ̨ 132:2

Yâwɛɛ, ífe nìa ŋɔkono-teei ma, gono-teei nyii è gɛ̀ yái íkaa a Zeeka Ŋɔɣâlai íyêei ǹyɛɛi,

Mąątɛ̨nɛ̨ 22:22

M̀ɛnii yâ gɛ́i, ŋa pâi maa mɛni ƃôi ŋánûai dîa. Ŋa pâi ílaa ma tɛ̂i díkpɔŋ gîe ma kwaai ma.

Mąątɛ̨nɛ̨ 99:5

Ka Kúɣâlai Yâwɛɛ láa maa tɛ́ ká vɛli, kpɛ́ni fêi, m̀aa wâai.

Azaya 60:13

“Lɛƃanɔŋ ŋɔfólo-laai a pâi pâi ípɔ, pãai, zunipa da sapɔlɔ wuru-ŋai da pâi pâi díkîe ma, dí gɛ́ ŋákwaa maa waai ma é kɛ́ a ǹɛ́lɛɛ, gɛ́ ŋɔfólo-laai m̀aa tɛ̂. Gɛ̀ ní ŋa pâi gâloŋ-pɛrɛi nyii ŋ́gɔɔ pîlaŋɔɔi naai, kɛ̂i é fólo.

Azaya 66:1

Yâwɛɛ è m̀o ǹyɛɛi, “Ŋ̀elei-su ƃa Ŋákâloŋ see-sɛŋ seêi. Ǹɔii ma ƃé ŋa ŋ́gɔɔ tɔ̀ɔ naa. Pɛ́rɛ sîi lé kɛ́ɛ ƃé ka pɔ̂ri dɔɔ̂i ḿɛni mai? Mí ƃé ka pɔ̂ri gbɛtɛ̂i a gɛɛ ŋ́gɛ ḿvii tɔ̀ɔ naai?

Woolaa 2:1

Ǹuu-namui è ǹíi ŋwàna Zãiyɔŋ ma é m̀ɛi pɛ́lɛ a kpíni. È ŋɔkɛ́tɛ-laai kùla ǹyêei é nàa lɛɛ a pilêŋ ŋá. È ǹyée kùla Ŋɔɣâla-pɛrɛ Kɛ́tɛi mu a lii ŋwâna.

Izikiɛ 43:7

“Núu-kpune ǹóŋ, gwaai ŋí ma ƃa ŋá kâloŋ sèe-sɛŋ ŋá. Ŋ́gɔɔ tɔɔ̂i ká ŋí. Ƃɛ́ ƃé ŋa pâi kɛ̂i naa Eezuɛ-ŋai sáma wɔ́lɔ-wɔɔ da wɔlɔ-wɔlɔ. Ǹyaŋ Eezuɛ-ŋai dífe ŋɔ́nɔ pâi ńaa maa-waai maa tĩa karâi. Dia, kpaa máŋ gâloŋ-ŋai dífe ŋɔ́nɔ pâi ḿaa tĩa karâi a ɣâla da kpɛ́ni fɛliɛɛ kpaa máŋ a kâloŋ-ŋa pɔɔkɔŋ tɔɔ́ naa.

Maafîu 25:16

Nya ƃe ǹúui nyii dâla wála lɔ́ɔlui (5,000) sɔlɔ ƃôi, è pɔni-tɔ̀ɔ la a maa felaa é dâla wála lɔ́ɔlu (5,000) sɔlɔ ƃó a gêni.

Gɛlaɠaa 7:49

‘Ŋ̀elei su ƃa ŋátɔɔ-kpeliŋ, ǹɔii ma kɛ́ ƃo a ŋ́gɔɔ-tɔɔi. Lé pɛrɛ ƃé ka pɔ̂ri tɔɔ̂i ḿɛni ma? Kpaa máŋ, mí ƃé gáa a ḿvii-tɔɔi?

Dutɛrɔnome 17:15

É kɛ́ a ǹúui Káɣâlai Yâwɛɛ a ziɣe zu kásamai. É kɛ́ a ǹúui nyii kùla kásuui sui. Káfe ŋɔ̃ya kɛ̀ a kámɛi nûu.

Dutɛrɔnome 17:20

Vé kɛ̀ gíli ŋá a gɛɛ ǹyaa tɔnɔ ƃé maa mɛni kpanaŋɔ̂ɔi é tɛ́ɛ ǹúui gbéli-ŋai dîa. À sìa a dɔ̂ŋ-ŋai ŋí wóo, gɛ̀ ní ǹyaa da ŋɔsuui su-ƃelai da pâi kɛ̂i Eezuɛ lɔii mɛi a tãi su kôyaa.