Kɔlɔnikɔ Maa-ŋuŋ 25:1 - Bible

¹ Gâloŋ Deeƃé da gɔ-kuluƃa-ŋai mɛi-ƃelai dí kɔ̀yɛŋ dí Asafa, Eemaŋ, da Zedutuŋ dílônii-sinaai síɣe a gɛ́ɛ díkɛ ŋ̀ule too-mɛnii láa túɛ Ŋ̀âla-pɛrɛ Kɛ́tɛi mu. Dítii ƃé kɛ̀ díkɛ Ɣâla ŋɔworɛ̂-wooi ƃò wule-woo, kɔnîŋ pɛlɛ-pɛlɛɛ, gbaya-gbaya da nyɛ̃-nyɛ́ŋ woo-ŋa su. Diai dí dílaa sìɣe m̀ɛnii ŋí kɛ́ mɛni mai ƃé kɛ̀ a:

Yálá laawoo hɛɓɛ (dc)

¹ Davidə da gɔlaɠa nwun nąmįną di Asafə lonnii, Heman lonnii da Yedutun lonnii kulɔ ɉu, di di hee a dee, diɛi kɛi Yálá kwəi mɛ̨nį hukulɔ a gwɛnįn, bɛlɛgwəi gwɛnįn da lalo. Nuąi kɛ gólo yili ɓa, diɛ ka:

Yálá laawoo hɛɓɛ

¹ Davidə da gɔlaɠa nwun nąmįną di Asafə lonnii, Heman lonnii da Yedutun lonnii kulɔ ɉu, di di hee a dee, diɛi kɛi Yálá kwəi mɛ̨nį hukulɔ a gwɛnįn, bɛlɛgwəi gwɛnįn da lalo. Nuąi kɛ gólo yili ɓa, diɛ ka:

Kɔlɔnikɔ Maa-ŋuŋ 25:1 ပူးပေါင်းရင်းမြစ်များ

Tɔɔɓɛlaa dɔlɔɔ 10:12

Gâloŋ è Amɔ̂ŋ wuru-kpono-ŋai kɛ̀ a Yâwɛɛ ŋɔɣâla-pɛrɛ kɛ́tɛi yée-mu wuru-ŋai da gâloŋ-pɛrɛ kɛ́tɛi yée mu wuru-ŋa. Dí da kɛ̀ a kɔnîŋ-ŋa da maa sîi da kpɛ́ni-ŋa bêle kɛ́-ƃelai mɛni ma.

Tɔɔɓɛlaa veelɛ 3:15

Kɛ́lɛ ka pa ḿî a kɔnîŋ ɣale-nûu tɔnɔ.” Gɔnîŋ ɣale-nûui kɛ́ɛ ŋɔkɔnîŋ ɣalêi, Yâwɛɛ ŋɔmɔ̂leŋ è pà Ilasa kponôi.

Kɔlɔnikɔ Maa-ŋuŋ 13:8

Deeƃé da ǹûai kélee díkɛ̀ lii-nɛ̃ɛ kulâi kpɔ́ a zu kɛ́tɛ díkɛ laa-maa tɛ̂ tɛ̀ɛ Ɣâla pɔ́. Dí kɛ̀ pêle kɛ̂i díkɛ mãla díkɛ ɣale-sãa kɛ́ɛ yɛ̂ɛ kɔnîŋ, gbuŋ-gbuŋ, nyɛ̃ɛ-yɛ́ŋ ɣàle díkɛ túru fɛɛ.

Kɔlɔnikɔ Maa-ŋuŋ 15:28

Eezuɛ-ŋai kélee dí tɔ̀ɔ Yâwɛɛ Ŋɔkpanaŋ-woo kɛ́ɛ maa Gãlai ma dí pá la Zerusâlɛŋ díkɛ làɣi kpɔ́ a zu kɛ́tɛ, díkɛ lii-nɛ̃ɛ kùla, díkɛ sua-mĩla turu fɛ̀ɛ. Dí kɛ̀ nyɛ̃-nyɛ́ŋ ɣàle, kɔnîŋ da pêle kɛ́-sãa da kpɛ́ni-ŋa.

Kɔlɔnikɔ Maa-ŋuŋ 23:2

Gâloŋ Deeƃé è Eezuɛ mɛi-ƃelai kélee, zâla láa-soŋ-ƃelai da Liiva-ŋai kélee ŋáa tɛ̀ gîe ma.

Kɔlɔnikɔ Maa-ŋuŋ 25:2

Asafa ǹônii-sinaai Zakɔ, Zosɛ, Nɛtaniɛ da Asarela. Dílaa túɛ-nuui ƃé kɛ̀ a Asafa. Asafa a kâa Ɣâla ŋɔwóoi ƃó ƃɛ́i kélee gâloŋ a kâa m̀o ma a gɛ́ɛ é m̀ó naai.

Kɔlɔnikɔ Maa-ŋuŋ 25:3

Zedutuŋ ǹônii-sinaai ƃé kɛ̀ a: Gedalia, Zeri, Zesaya, Simei, Asabia, da Matitia. Díkelee díkɛ̀ lɔ́ɔlu mɛi da. Dínâŋ Zedutuŋ ƃé kɛ̀ dílaa túɛ. Díwɔ̂ tii ƃé kɛ̀ a gɛ́ɛ díkɛ Ɣâla ŋɔwóoi ƃò, díkɛ laa-ma-tɛ da sɛɣɛ-fei tɛ̀ɛ Yâwɛɛ pɔ́ a kɔnîŋ woo.

Kɔlɔnikɔ Maa-ŋuŋ 25:9

Dí ŋ̀ule too-ƃelai ŋáa kɔ̀lɛ a núu-kpulu buu feerɛ káo náaŋ. Dí díkelee dílaa pɔ̃yɛ díkaa-laai su-ƃelai láa túɛ-nuui láa mu-pere a tɛɛ-ŋa. Ǹyaŋ bere ƃé dí dílaa túɛ-ƃelai láa pɔ̃yɛ la ɣɛli ma dítii kɛ́ perei ma: M̀aa-ŋuŋ, Asafa ŋɔkáa-laai su-nuui, Zosɛ, veerɛi, Gedalia, zaaƃai, Zakɔ, ǹáaŋ, Zeri, ǹɔ́ɔlui, Nɛtaniɛ, m̀ɛi-dai, Bukia, m̀ɛi-feerɛi, Zɛsarela, m̀ɛi-saaƃai, Zesaiya m̀ɛi-náaŋ, Matania, buui, Simei, buu-káo-tɔnɔi, Azariɛ, buu-káo-feerɛi, Asaƃia, buu káo-saaƃai Sebuɛ, buu káo náaŋ, Matitaya, buu káo-lɔ́ɔlui, Zɛrimɔ, buu káo-lɔ́ɔlu mɛi-dai, Anania, buu káo-lɔ́ɔlu mɛi-feerɛi, Zosibɛkasa, buu káo-lɔ́ɔlu mɛi-saaƃai, Anani, buu káo-lɔ́ɔlu mɛi-náaŋ, Malɔti, buu-feerɛi, Iliata, buu-feerɛ káo-tɔnɔi, Otiɛ, buu-feerɛ káo-feerɛi, Gidaati, buu káo saaƃai, Maaziɔ, buu káo-naaŋ, Lomati Izɛ.

Kɔlɔnikɔ Maa-ŋuŋ 6:16

Liiva ǹônii-sinaai láa ƃé kɛ̀ a Gɛsɔŋ, Koa, Melali.

Kɔlɔnikɔ Maa-ŋuŋ 6:33

Zinâai ŋí ƃe da kâa kɛ̀ ŋ̀ule-ŋai tôoi da dílônii. Ǹûai kùla Koa ŋɔsuui su kolii sui ƃé kɛ̀ a: Zoɛ ǹóŋ Eemaŋ. Ǹyaa ƃé kɛ̀ ŋ̀ule too nuu-kpului maa-ŋuŋ láa tuɛ. Ŋɔkáa-laa ɣɛlii pîlaŋɔɔi Zeeka ŋ̀ɔi ma bere sîi ŋí su: Diai gáa-laai ŋí sui ƃa ǹyaa Eemaŋ, Zoɛ, Samia

Kɔlɔnikɔ Maa-ŋuŋ 6:39

Asa ƃé kɛ̀ a ŋ̀ule too nuu-kpului veerɛi láa túɛ. Ŋɔkáa-laai pilaŋɔɔi Liiva ŋ̀ɔi ma bere sîi ŋí su. Zu-ƃelai ƃa: Asa, Belekaya, Simea,

Kɔlɔnikɔ Maa-ŋuŋ 6:44

Melali kolii su nuui Kesi ǹóŋ Itaŋ ƃé ŋ̀ule too nuu-kpului zaaƃaai láa túɛ. Ŋɔkáa-laai pîlaŋɔɔi Liiva ŋ̀ɔi ma bere sîi ŋi su. Zu-ƃelai ƃa: Ǹyaa Itaŋ, Kisi, Abidi, Maalu,

Kɔlɔnikɔ Maa-ŋuŋ 9:33

Liiva-ŋai da-ŋa díkɛ̀ a ŋ̀unle too-ƃelai Ŋ̀âla-pɛrɛi Kɛ́tɛi mu. Ǹûai ŋí láa túɛ-ƃelai da kâa ǹyii Ŋ̀âla-pɛrɛi Kɛ́tɛi ŋɔloŋpo da-ni su, kpɛ́ni fêi, dítii ƃé kɛ̀ dí wule tóo Ŋ̀âla-pɛrɛ Kɛ́tɛi mu a kpíni da fólo.

Kɔlɔnikɔ Veerɛi 23:1

Atalia kɛ́ɛ a kâloŋ ŋɔkóraŋ ǹɔ́ɔlu mɛi feerɛi su, Zioda è gbîŋ kpɛ̀tɛ da gɔ-kûluƃa láa túɛ-ƃelai kɛ̀ núu ŋuŋ tɛi-tɛi mɛi dí kpanaŋ-woo kɛ́ díloai. Ǹûai kpîŋ ƃé kɛ̀ a Azaria nyíi kɛ̀ a Ziroaŋ ǹóŋ-surɔŋ, Isimaɛ nyíi kɛ̀ a Zioana ǹóŋ-surɔŋ, Azaria nyíi kɛ̀ a Obɛɛ ǹóŋ-surɔŋ, da Maaseia nyíi kɛ̀ a Adaia ǹóŋ-surɔŋ é pɛ́lɛ Ɛlisafa ma nyíi kɛ̀ a Zikuli ǹóŋ-surɔŋ.

Kɔlɔnikɔ Veerɛi 23:13

È nàa kàa é gâloŋ káa tɔɔ̂ŋ-ni ŋɔpɛ́rɛ yée-mu-wurii kɔlɛ Ŋ̀âla-pɛrɛ Kɛ́tɛi ŋɛ́i-tuɛ. Ŋɔtíi kɛ́-ƃelai da dúru fɛ́ɛ-ƃelai kélee dí kɛ́ ƃò tɔɔ̂i-ni gɔlɛ ma, ǹyaŋ ǹɔii su-ƃelai kélee dí kɛ̀ tɔɔ̂-ni naa díkɛ lii-nɛ̃ɛ kùla díkɛ túru fɛ̀ɛ, díkɛ laa-maa tɛ̂ wule tòo a wule-too sãa. Atalia kɛ́ɛ a m̀ɛnii ŋí naa káai, è làɣi ǹyɛɛi, “Kâloŋ yée mɛ-ɣale tua ká ŋí!”

Kɔlɔnikɔ Veerɛi 23:18

Naa pôlu ma, Zeoiada è Yâwɛɛ ŋɔpɛ́rɛ kɛ́tɛi mɛi káa mɛni lɛ̀ɛ zâla láa-soŋ-ƃelai nyii-ŋai kɛ̀ a Liiva-ŋai yêei, nyii-ŋai Deeƃé è wɔ́lɔ dí lɛ̀ Ŋ̀âla-pɛrɛ Kɛ́tɛi mu a gɛ́ɛ díkɛ kéreŋ sala kula Yâwɛɛ mɛni ma yɛ̂ɛ berei bɔ̃yɛɛi la Mose ŋɔtɔ̂ŋ kɔlɔi sui a gɛ́ɛ da kɛ̀ sâla kulâi díkɛ lii-nɛ̃ɛ kùla díkɛ wule tòo yɛ̂ɛ berei Deeƃé è wɔ́lɔ mò lai.

Kɔlɔnikɔ Veerɛi 23:9

Gɛ́ɛ tí, è gbála-ŋai da gɔ-kuluƃa-ŋai díkpala ŋá-ɣale kɔli-kalaŋ-ŋai tɛ̀ɛ gɔ-kuluƃa-ŋai mɛi-ƃelai pɔ́-naa. Gɔ́-kɔ-sãai ŋí díwɔ́lɔ kɛ a Gâloŋ Deeƃé pɔɔ. Díwɔlɔ kɛ̀ laai-kɛ pere su Ŋ̀âla-pɛrɛ Kɛ́tɛi mu.

Kɔlɔnikɔ Veerɛi 29:13

Diai kula Ilazafɔŋ ŋɔsuui sui, Siŋri da Zeiɛ. Diai kula Asafa ŋɔsuui sui, Zɛkɛraya da Matania.

Kɔlɔnikɔ Veerɛi 29:14

Diai kula Emaŋ ŋɔsuui sui, Zeiɛ da Simei. Diai kula Zedutuŋ ŋɔsuui sui, Semaiya da Uziɛ.

Kɔlɔnikɔ Veerɛi 31:2

Ɛsekaya è zâla láa-soŋ-ƃelai ƃelai da Liiva-ŋai ŋáa kɔlɛ a gbulu-ŋa yɛ̂ɛ berei dítii-kɛɛi è kɛ lai. Zala-laa-soŋƃelai da Liiva-ŋai díkɛ naa díkɛ kereŋ-sâla da laoi-laa sala kula. Díkɛ naa díkɛ tii kɛ. Díkɛ sɛɣɛ-fei tɛɛ. Díkɛ laa-ma-tɛ wule too Yâwɛɛ ŋɔpɛ́rɛi ŋɔsiɣãŋ-la

Kɔlɔnikɔ Veerɛi 34:12

Zinaai kɛ bɛ́rɛi ŋí tɔ̂ɔi dí dɔ̀ɔ kpɔ́ a tenîŋ ƃo pere. Ǹûai kɛ̀ dílaa tuɛ diî ŋí kɛ mɛni mai ƃɛ́ kɛ́ a: Zoa da Odidaya nyíi ŋai kula Liiva ǹúui Melali ŋɔsuui sui, é pɛlɛ Zɛkɛrɔya da Mesulɛŋ dîa nyíi ŋai kula Koa ŋɔnuu-suui sui. Liiva-ŋai ŋí kélee dakâa pɔri ɣale-sãa ɣalêi a ǹɛ́lɛɛ.

Kɔlɔnikɔ Veerɛi 35:15

Ŋule-too ƃelai nyíi ŋai kɛ̀ a Asafa ŋɔnuu-suui su-ƃelai, díkɛ dítɔɔi ƃɛɛ̂i Deeƃé, Asafa, Emaŋ da Zedutuŋ nyíi kɛ a Ɣâla ŋɔlono-kɛ nuui gâloŋ mɛ̂ni mai díwɔlɔ naa tɛ̀ɛ dípɔi. Ziɣãŋ laƃelei mɛi káa-ƃelai dífe kula ní dítɔɔ̂i, kpɛ́ni fêi, Liiva-ŋai díkɛ Dɛɛ-mɛi kûu mii-sɛŋ kpɛtɛi dímɛ̂ni ma.

Kɔlɔnikɔ Veerɛi 8:14

Naa pôlu ma, Saloma è mɛ̀ni-ŋai ŋaa-see kɛ̀ yɛ̂ɛ berei ǹâŋ Deeƃé è wɔ́lɔ mò la mai. È zâla láa-soŋ-ƃelai ŋáa kɔ̀lɛ a gbulu yɛ̂ɛ berei dítii kɛ́ɛ è kɛ̀ lai. Liiva-ŋai díkɛ̀ naa díkɛ laa-maa-tɛ tɛ̀ɛ, díkɛ ŋɔ́nɔ kpɔŋ mâaa tɛ̀ɛ zâla láa-soŋ-ƃelai pɔ́ ŋ̀ele-kelee tii mɛni ma. È ŋɔ́nɔ ziɣãŋ lá-ƃerei mɛi káa-ƃela tɔ̀ɔ a díkpulu ziɣãŋ lá-ƃerei-ŋai mɛni ma. È díi-ŋai ŋáa kɔ̀lɛ a berei sîi ŋí yɛ̂ɛ berei Ɣâla ŋɔnúui Deeƃé è mò lai.

Ɛsdrasə 2:41

Ŋ̀âla-pɛrɛ-kɛ́tɛi mu wule too-ƃelai dípɛrɛi mu-ƃelai dí kɛ̀ a núu ŋuŋ tɔnɔ pôlu buu feerɛ kao lɔ́ɔlu mɛi saaƃa (128). Dí kùla Asafa ŋɔsuui su.

Ɛsdrasə 6:18

Dí zâla láa soŋ-ƃelai da Liiva-ŋai dítii kɛ́ kwaa-ŋai ma lɛ̀ dîa Zerusâlɛŋ taa-leei su yɛ̂ɛ berei bɔ̃yɛ̂i la Mose ŋɔtɔ̂ŋ kɔlɔi sui.

Nehemi 11:17

Matania è kɛ̀ a Liiva-nuui dɔnɔ nyii zeɛ́ɛ è kɛ̀ Zerusâlɛŋ. Ǹâŋ láa ƃé kɛ̀ a Maka. Matania ǹâŋ pɔlɔ-ŋai ƃé kɛ̀ a Zadi da Asafa. Matania ŋí ƃé kɛ̀ a Ŋ̀âla-pɛrɛ Kɛ́tɛi ŋɔwule too-ƃelai láa túɛ-nuu. È kɛ̀ a ŋ̀ule too-ƃelai téniŋ tɔ̀ɔ nûu zɛɣɛi fé wule-ŋai tòo pere su. Bakukiya ƃé kɛ̀ a Matania kɔlɛ ma nuu. Ada nyaa máŋ è kɛ̀ a Liiva-nuui dɔnɔ nyii zeɛ́ɛ è kɛ̀ Zerusâlɛŋ. Ǹâŋ láa ƃé kɛ̀ a Samua. Ǹâŋ pɔlɔ-ŋai láa ƃé kɛ̀ a Gala da Zedutuŋ.

Nehemi 12:24

Tãi Asabiya, Seribaya, Zasua, Bɛnui da Kamiɛɛ ni díkɛ̀ la a Liiva-ŋai láa túɛ-ƃelai, dí Liiva-ŋai pù díkpulu ma a tɛ̀ɛ-ŋa. Da kâa ǹúu-kpulu-ŋai veerɛ kùla a tãi tɔnɔ a gɛɛ dí kɛ́ laa maa tɛ̂ tɛ̀ɛ Ɣâla pɔ́ díkɛ zɛɣɛ̂i fè, yɛ̂ɛ berei Gâloŋ Deeƃé è wɔ́lɔ bɔ̃yɛ a gɛɛ díkɛ gɛ̀ lai.

Nehemi 12:27

Dí kɛ́ɛ pâi Zerusâlɛŋ siɣãŋ tɛɛ̂i Ɣâla pɔ́i, dí Liiva-ŋai kélee kùla ƃɛ́ɛ-ŋai díkɛ̀ a séɛɛ naai dí pá a dia Zerusâlɛŋ. Dí pà a dia a gɛɛ da kɛ̀ ziɣãŋ tɛɛ̂i Ɣâla pɔ́, díkɛ ǹii-nɛ̃ɛ kuláai su, díkɛ sɛɣɛ-fêi tɛ̀ɛ Ɣâla pɔ́ a wule-ŋa tóɔɔ, díkɛ nyɛ̃ɛ-yɛ̃ŋ-ŋa da kɔnîŋ-ŋa ɣàle.

Mąątɛ̨nɛ̨ 81:2

Ka wule tóo ká ɣale-sãa ɣale. Ka kɔnîŋ da nyɛ́nyɛŋ ɣále ká wule nɛ̃ɛ-ŋa too.

Mąątɛ̨nɛ̨ 81:3

Ka túru fɛ́ɛ gúu kɛ́tɛi su bɛ́mɛlɛ̂ŋ kaoi a tɔ̀ɔ a nina da tãi ǹá a fɛ̂ɛ lai.

Izikiɛ 40:44

Nya ƃe kwa ǹyaa kú lɔ̀ ziɣãŋ su. Lôŋpo feerɛ è kɛ̀ naa nyii-ŋai kɛ̀ a díla kuláa bɛ́rɛi mu pere. Díkɛ díkîe ni kɔlɛ. Dɔnɔ lá è kɛ̀ a kuláa séɣai pere siɣaŋ lá pere gbéli lá kuláa yá-ŋua pere siɣaŋ lá pere. Díkɛ̀ díkîe-ni téniŋ ma.

Samuɛlə dɔlɔɔ 10:5

Ǹaa pôlu ma, lí Gii-baa ƃɛ́i Felesia-ŋai da kɔ́ kɔ́-ƃelai díƃûui káa naai. Yà kɛ̀ pâi serîi daai su, yâ pâi Ɣâla ŋɔlóno kɛ́-ƃelai kpulu kâai naa díkɛ yèŋ da kûla ŋ̀âla fɛli kwaai ma. Dà kɛ̀ siâi, da pâi kɛ̂i tuɛ-mɛni ƃôi. Díƃarâai da pâi kɛ̂i dítuɛ pere díkɛ gɔnîŋ ɣàle, díkɛ gbuŋ-gbuŋ tua, díkɛ ŋɔ́nɔ ƃɔ̀ɔ fɛ̂ɛ.