Kɔlɔnikɔ Maa-ŋuŋ 15:25 - Bible

²⁵ Naa kɛ́ɛ tíi, Gâloŋ Deeƃé, Eezuɛ nua kpaya-kpayai da gɔ-kuluƃa-ŋai mɛi-ƃela kpaya-kpayai dí lí Obɛɛ Idɔŋ ŋɔpɛ́rɛi lá a gɛ́ɛ dí pá a Gbanaŋ-woo-kɛɛ maa Gãlai. Dí liɛɛi, dí kúu kɛ́tɛ kɛ̀ naa.

Yálá laawoo hɛɓɛ (dc)

²⁵ Davidə, Israɛlə kalanɉonŋaa da gɔ́kulaa nwun nąmįną di li di Yai-Laa nwɔ mįnɛ̨ kəhii həɠə a kwəinɛ̨ɛ̨ Ovɛdə-Edomə pɔɔli.

Yálá laawoo hɛɓɛ

²⁵ Davidə, Israɛlə kalanɉonŋaa da gɔ́kulaa nwun nąmįną di li di Yai-Laa nwɔ mįnɛ̨ kəhii həɠə a kwəinɛ̨ɛ̨ Ovɛdə-Edomə pɔɔli.

Kɔlɔnikɔ Maa-ŋuŋ 15:25 ပူးပေါင်းရင်းမြစ်များ

Tɔɔɓɛlaa dɔlɔɔ 8:1

Gâloŋ Saloma è Eezuɛ nuu-pɔlɔ-ŋai tòli Zerusâlɛŋ taa-lêei su, zîi-ŋai láa túɛ-ƃelai kélee da Eezuɛ kaa-laa-ŋai láa túɛ-ƃelai, a gɛ́ɛ dí pá a Yâwɛɛ ŋɔkpanaŋ-woo-kɛ́ɛ Gãlai dí gula Zãiyɔŋ, Deeƃé ŋɔtaa-lêei su a gɛ́ɛ dí pá la Ŋ̀âla-pɛrɛ Kɛ́tɛi mu.

Kɔlɔnikɔ Veerɛi 1:4

Deeƃé è wɔ́lɔ Ɣâla Ŋɔkpanaŋ-woo-kɛ́ɛ maa Gãlai kùla Kiria-Zeriŋ é pá la é zèe Zerusâlɛŋ, kpɛ́ni fêi, ǹaa ƃé è wɔ́lɔ seɣe-pɛrɛ tɔɔ naa maa mɛni ma.

Kɔlɔnikɔ Veerɛi 5:2

Saloma è ǹúu pɔlɔ-ŋai, ǹúu-laa túɛ-ƃelai da Eezuɛ kaloŋ-ŋai kélee ma tòli Zerusâlɛŋ a gɛ́ɛ dí lí dí pá a Yâwɛɛ ŋɔkpanaŋ-woo kɛ́ɛ maa Gãlai. Gãlai ŋí è kɛ̀ Zãiyɔŋ Deeƃé ŋɔtaa-lêei su.

Ɛsdrasə 6:16

Diai kélee kùla gɔ́-soŋ laai su dí lène pôlu Eezuɛi, dí lii-nɛ̃ɛ kɛ́tɛ kùla a Ŋ̀âla-pɛrɛ Kɛ́tɛi láa ƃó ɣele. Ǹûai ŋí díkɛ̀ a sâla láa soŋ-ƃela, Liivai-nuu suui su-ƃela da nuu-suu da kpɛ́ni-ŋa su-ƃela.

Mise 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyai.”

Lonon mo 31:14

Mose líi è ŋwàna gɔ́-kɔ-ƃelai túɛ-ƃelai dîa nyii-ŋai dí kɛ̀ núu wála tɔnɔ (1,000) mɛi da diai dí kɛ̀ núu ŋuŋ tɔnɔ (100) mɛi nyii-ŋai kùla kɔ́i sui.

Dutɛrɔnome 1:15

Nya ƃe ŋá ǹûai ŋí sìɣe ŋá dítɔɔ dílaa-tuɛ. Da-ŋa dí kɛ̀ núu wála tɔnɔ (1,000) mɛi, da-ŋa dí ƃò núu ŋuŋ tɔ̂nɔ (100) mɛi, da-ŋa dí ƃò núu buu lɔ́ɔlu mɛi, da-ŋa dí ƃò núu puu mɛi.

Dutɛrɔnome 12:18

Kɛ́lɛ fɛ̂ɛ ká mìi ƃɛ́i Káɣâlai Yâwɛɛ a pâi naa lɛ̂i. Ka mii ka kálônii sinaai da kálônii nɛyãai, káyee mu-sinaai da nɛyãai é pɛ́lɛ Liiva-ŋai dîa kátaai sui. Ka koi-nɛ̃ɛ kula Káɣâlai Yâwɛɛ ŋɛ́i-tuɛ m̀ɛni-ŋai kélee su ka gɛi.

Dutɛrɔnome 12:7

Ka lii nɛ̃ɛ kula m̀ɛni-ŋai kélee mɛni ma ka gɛ́i. Ká mɛni-ŋai ŋí kɛ́ kpɛ́ni fêi Káɣâlai Yâwɛɛ ƃé lûwa làa kâa.

Dutɛrɔnome 16:11

Ka koi-nɛ̃̂ɛ kula ŋ̀ɛ́i-tuɛ ƃɛ́i è nàa lɛ̀i. Ka kálônii sinaai, ǹɛyâai, ǹuɛ sinaai, ǹɛyâai, Liiva-ŋai, ŋɔ̃ya-ŋai dee-lôŋ-ŋai da bɔɔ-nɛyâai kásamai.

Dutɛrɔnome 16:15

Ka gúui ŋí kɛ́ a fólo lɔ́ɔlu mɛi feerɛ Káɣâlai Yâwɛɛ ŋɛ́i-tuɛ ƃɛi a pâi nàa lɛ̂i kâai. Ka gɛ̀ tí, Káɣâlai Yâwɛɛ a pâi lûwa lâai kâa kási-sãai dí kpɛtɛ, m̀ɛnii kélee ka káyee pìli zui é ƃûu ƃó kálii-nɛ̃ɛi su é kɛ́tɛ.

Filipə 3:3

Kpɛ́ni fêi, kúa ƃe kúkaa a nuu-kpɛtɛ-ƃela a tɔ̃yâ, kúai kwa Ɣâla fɛli mɔ̂leŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono kpɛtɛ-mɛni.

Filipə 4:4

Ka lii-nɛ̃ɛ kula Kúnuu-namui kponôi a ɣele kélee; ŋa ŋɔ́nɔ m̀ôi káa a gɛ́ɛ ka lii-nɛ̃ɛ kula.

Samuɛlə dɔlɔɔ 10:19

Ɣâla ƃé kákula m̀ɛni kpɔ̂lu-ŋai su da m̀aa mɔ̃lɛ-laai. Kɛ́lɛ ká káyee kùla mù ká kɛ́ kâloŋ da kpɛ́ni mare kɛ̂ɛ kɛ̂i. M̀ɛni ma ka pá ka kákaa laai su-ƃelai kélee ŋ̀âla fɛli kwaai ma a gɛ́ɛ Ǹuu-namui é kákâloŋ lɛ́.”

Samuɛlə dɔlɔɔ 22:7

È mò dîa ǹyɛ̂ɛi, “Káai a Bɛŋsima suui su-ƃelai, káwoli tɔ́ɔ. À kɛ̀ Zɛse ǹóŋ tí a kɛ̀ a kâloŋ, vé pâi tíi kɛ́ kwaa ma tɛɛ̂i kápɔ kpaa máŋ kpɔmɔ ƃa-kpalaŋ. Vé pâi káta kɛ̂i a ŋɔtíi-ŋai da mɛi-ƃela núu ŋuŋ-ŋa paa máŋ núu wála-ŋa láa túɛ yɛ̂ berei ŋá gɛ̀ lai.

Samuɛlə dɔlɔɔ 8:12

Díta-ni da pâi kɛ̂i a núu kpaya-kpaya-ŋa kɔ́ kɔ́-ƃela wála tɛi-tɛi mai. Díta ni-ŋaa da pâi kɛ̂i kɔ́ kɔ́-ƃela buu lɔ́ɔlu mɛi. Dí-ni da pâi kɛ̂i máŋ gâloŋ ŋɔkpâlaŋ ŋá díkɛ ŋɔmii-sãai ŋáa tɛ̀ gîe ma. Da-ni da pâi kɛ̂i ŋɔkɔ́ kɔ́-sãai kpɛtɛ̂i da ŋɔkɔ́ kɔ́-keleŋ-ŋai.