Kɔlɔnikɔ Maa-ŋuŋ 12:18 - Bible

¹⁸ Ɣâla ŋɔmɔ̂leŋ è pà Amasai mɛi. Amasai ŋí ƃé kɛ̀ pâi kɛ̂i a “Ǹúu-buu saaƃai” láa túɛ-nuu. È mò ǹyɛɛi, “Zɛse ǹóŋ Deeƃé, kúkaa a ípɔɔ! Lii-see kɛ́tɛ é kɛ́ yâ da ǹûai pà kpɔŋ mâaa tɛɛ̂i ípɔi. Ɣâla a pâi kɛ̂i ípôlu.” Deeƃé è ǹyée sèe dímu é díkɛ a ŋɔkɔ́ kɔ́-ƃelai mɛi ƃelai da.

Yálá laawoo hɛɓɛ (dc)

¹⁸ Davidə ə kulɔ, ə di laakwiɛn, ə nwoo ŋɛ̨i ɓo diɛ, yɛ diɛ: «Akɛ ka káá pai bɔ́ a liilaa kiliŋąhiɛ da kpɔnmąą, ŋį́ hvaamą a níí kəlee, ka too bɔ́. Kɛlaa, akɛ ka pa ɲą́ą́hɛɠii, ka dɛ́ɛ́ ɲówoɠaa pɔ, yili nwɛi, gu nąnni di wɔɔ Yálá ɲɛ̨i kaa mą, nwąnąlɔɔ túwɔ́ hvo ɲéé hu, yaa ɓə a gu hutɔɔ!»

Yálá laawoo hɛɓɛ

¹⁸ Davidə ə kulɔ, ə di laakwiɛn, ə nwoo ŋɛ̨i ɓo diɛ, yɛ diɛ: «Akɛ ka káá pai bɔ́ a liilaa kiliŋąhiɛ da kpɔnmąą, ŋį́ hvaamą a níí kəlee, ka too bɔ́. Kɛlaa, akɛ ka pa ɲą́ą́hɛɠii, ka dɛ́ɛ́ ɲówoɠaa pɔ, yili nwɛi, gu nąnni di wɔɔ Yálá ɲɛ̨i kaa mą, nwąnąlɔɔ túwɔ́ hvo ɲéé hu, yaa ɓə a gu hutɔɔ!»

Kɔlɔnikɔ Maa-ŋuŋ 12:18 ပူးပေါင်းရင်းမြစ်များ

Samia Veerɛi 15:21

Kɛ́lɛ Ita è mò gâloŋ ma ǹyɛɛi, “Ƃɛ́i kélee ya pâi liî naai kwa pâi liî naa. A n nɛ̃ɛ ma kpîŋ í kɛ́ ɣele ma kpaa máŋ í sáa kwa pâi kɛ̂i íkɔlɛ. Kwa wàla gɛ́ tí gɛ̀ ni Yâwɛɛ fé ɣéniɛ n nɛ̃ɛ mî, kpaa máŋ ǹûwai gâloŋ a doôi mai vé sîŋ soŋ.”

Samia Veerɛi 17:25

Asalɔŋ è Zôa kùla gɔ-kuluƃa-ŋai láa túɛ é Amasa pú naa. Amasa è wɔ́lɔ kɛ̀ a Eezuɛ-nuu. È Nãa ǹóŋ-nɛnii Aƃigee kùla a nɛnî. Aƃigee è kɛ̀ a Zôa ǹee Zeruia neɣê-nɛni.

Samia Veerɛi 19:13

Ka m̀ó Amasa ma máŋ kâa mai, “Ífe a ŋ́gao da núu da? Ɣâla é ŋ́gula maa kɛ́ à kɛ̀ fé pâi íkɛ̂i ŋákuluƃa-ŋai láa túɛ Zôa pɔ́ɔ ŋá.”

Samia Veerɛi 5:2

Sɔ̂ɔ kɛ́ɛ a kâloŋ kúmɛi, ǹyaa ƃé kɛ̀ Eezuɛ-ŋai láa túɛ kɔ́ kɔ́-mɛni su. Yâwɛɛ è góno tèe íyêei ǹyɛɛi, ‘Ya pâi kɛ̂i ŋánûai mɛi kâai Eezuɛ. Ya pâi kɛ̂i a kâloŋ Eezuɛ lɔii mɛi.’ ”

Tɔɔɓɛlaa dɔlɔɔ 9:22

Kɛ́lɛ Saloma fé Eezuɛ-ŋai da kɛ́ ní a luɛ. È díkɛ̀ a ŋɔkɔ-kuluƃa-ŋa, ŋɔtíi kɛ́-ƃela kpaya-kpaya-ŋa, nûa láa túɛ-ƃelai, lɔii maa kpɛ́-ƃela láa túɛ-ƃela kpaya-kpaya, kɔ́-keleŋ sia-ƃela mɛi-ƃela, da zoo sia-ƃelai mɛi-ƃela.

Tɔɔɓɛlaa veelɛ 10:15

Tãi Zewu è kùla la naa gɛ́ lìi, da Lika ǹóŋ Zɛonada dí kòyaŋ nyii kɛ̀ liî nàa kâai. Zewu è ǹáa tí mà é marê kɛ́ ǹyɛɛ mai, “Íkaa ŋáƃelai ma yɛ̂ɛ berei ŋ́gaa la íƃelai mai?” Zɛonada è zu tòo ǹyɛɛi, “Óowei, ŋ́gaa íƃelai ma.” Zewu è zu tòo ǹyɛɛ mai, “À kɛ̀ íkaa ŋáƃelai ma, gɛ̀ ní íyee tɛ́ɛ ḿbɔ́.” Zɛonada è ǹyée tòo Zewu yêei. Nya ƃe Zewu è kpɔŋ mâa tɛ̀ɛ Zɛonada pɔ́ é dɛ́ ŋɔkɔ́-kɔ-keleŋ su.

Tɔɔɓɛlaa veelɛ 10:5

Nya ƃe gâloŋ-pɛrɛi mɛi-ƃela kpaya-kpayai, daa-lêei mɛi-nuu kɛ́tɛi, ǹûai mɛi-ƃela kpaya-kpayai, é pɛ́lɛ ǹîa-pɛlɛɛi ŋãa-kɔ̂ŋ-ƃelai dîa dí ŋ̀orɛ̂-wooi ŋí tɛ̀ɛ Zewu pɔ́ naa: Kúkaa a íyee mu-ƃela ǹyaŋ kwa pâi mɛnii kélee kɛ̂i ya mò kûai. Kúfe pâi núu da kélee lɛ̂i a kâloŋ. Mɛnii kélee kɛ́ nyii ílâai la ǹɛ̂lɛɛi.”

Tɔɔɓɛlaa veelɛ 9:32

È ŋ̀ɛ́i tɛ̀ ɣelêi é vãa-lâɣi soŋ-kpôŋ lá káa é mare kɛ̂ɛ kɛ́, “Núu ta kâa ŋ̀elei tí su nyii gáa ŋáƃelai mai? Gbɛ̂ɛ ƃé naa?” Gâloŋ ŋɔpɛ́rɛ kɛ́tɛi mu tii-kɛ́-ƃelai veerɛ kpaa zaaƃa dí díŋuŋ kûla vãa-lâɣi soŋ-kpôŋ lá.

Kɔlɔnikɔ Maa-ŋuŋ 11:11

M̀aa-ŋuŋ ƃé kɛ̀ a Zasobeaŋ. È kɛ̀ a Asimɔŋ suui su nuu. Ǹalôŋ ŋí ƃé kɛ̀ a “Gɔ-kuluƃa wála-wâla ǹuu-kpulu Saaƃai” wála-wâla-ŋai láa túɛ-nuui. È kɔ̀ kpakolo ŋuŋ saaƃa pɔ́ a ŋɔƃóa-sɔkpɔi é gélee páa kɔ́ tɔnɔ su. Ǹúu saaƃai ŋí ƃé kɛ̀ a Deeƃé ŋɔkɔ-kuluƃa wála-wala-ŋai.

Kɔlɔnikɔ Maa-ŋuŋ 12:17

Deeƃé è lì é díperei tɔɔ. È mò dîa ǹyɛɛi, “À kɛ̀ kákaa a ḿarâa ká pà a gɛ́ɛ ká kpɔ́ŋ ḿâ, gɛ̀ ní ǹyée seɛɛ̂i kámu. Ka pá kwáa kɛ́ ƃɛ́. Kɛ́lɛ à kɛ̀ ká pà a gɛ́ɛ ká káyee láa ḿâ ká ńdɛɛ ŋ́gbɔara-ƃelai pɔ́, berei máŋ ḿve mɛni nyɔ́mɔɔ da kɛ̀ ní lai kúnâŋ-ni Díɣâlai a pâi kákula maa kɛ̂i.”

Kɔlɔnikɔ Maa-ŋuŋ 2:17

Zɛta è Aƃigee kùla a nɛnî da ǹyaa dí lóŋ-surɔŋ maa sɔlɔ ƃó dí ǹáa sée a Amasa. Zɛta é kɛ̀ a Isimai ŋɔsuui su nuui da.

Azaya 59:17

A pâi tɔ̃yâ-laa pɛlɛ̂i geŋe lá yɛ̂ɛ kɔ-kûluƃa keŋe lá kɔli-kalaŋ, é ƃálo-laa wàla-wala pɛlɛ ŋ̀ûa yɛ̂ɛ kɔkuluƃa ŋɔgba-ƃɛ́lɛ. A pâi mɛni kpa kuláa kɛ́ɛ toôi m̀a yɛ̂ɛ yòkpo, é m̀aa ɣirîi a lii-ŋwâna yɛ̂ɛ sɛŋ kpóŋ see-nuu, é gɛ́ mɛni-ŋa su é sã́a, é diai kula maa kɛ́ da nûa mɔ̃̀lɛi.

Zakari 8:23

Maa ɣêle-ŋai tí su, núu puu da pâi kulâi lɔii-ŋûŋ kélee su dí Zuda-nuu tɔnɔ ŋɔyokpoi wóŋ sóŋ dîyɛɛi, ‘Kwa káa-ni kwa liî, kpɛ́ni fêi, kwa mɛni a gɛɛ Ɣâla káa kápôlu.’ ”

Maafîu 12:30

Ǹúui ve ḿbôlui, dɔɔ̂i ḿâ. Ǹúui va kpɔŋ mâ tɛ̀ɛ ḿbɔ kwa ǹyaa kú pá a nûa Ɣâla pɔi a kpɛ̀ Ɣâla ḿâ.

Galatə 6:16

Lii-see da maloŋ-kaa é kɛ́ diai kélee dîa da sîa dɔ̂ŋ ŋí lá-woo mai, da Eezuɛ-ŋai díkaa a Ɣâla pɔ́ɔi.

Nwun mąąɓo 13:25

Saŋsiŋ è kɛ̀ Daŋ suui su-ƃelai díƃûui su. M̀ûui ŋí è kɛ̀ Zoara da Ɛtaɔ taa-ŋai loai. Naa ƃé Yâwɛɛ è ŋɔmɔ̂leŋ è kɛ̀ naa Saŋsiŋ pôlu.

Nwun mąąɓo 3:10

Nya ƃe Yâwɛɛ ŋɔmɔ̂leŋ è kɛ̀ bôlu é nâa kɛ́ a Eezuɛ-ŋai láa túɛ-nuu. Onɛɛ è kɔ́ pɛ̀lɛ Mɛsopotemia Kaloŋ Kusaŋ Lisataiŋ ma. Yâwɛɛ è tɔ̀ɔ Onɛɛ pôlu é gâloŋ kpîŋ yée mɛi ɣále.

Nwun mąąɓo 6:34

Yâwɛɛ ŋɔmɔ̂leŋ è kɛ̀ Gidiɔŋ pôlu. Gidiɔŋ è Aƃiezɛ suui su-sinaai tôli a túru-woo. Dí pà dí lɛ́ɛ bôlu.

Rutə 1:16

Kɛ́lɛ Lûfi è mò mà ǹyɛɛi, “Ífe mò ḿâ a gɛ́ɛ ŋá tée yâ kpaa máŋ fé pìlaŋ ípôlu. Ƃɛ́i ƃa liî naai, ŋa liî naa. Ƃɛ́i ƃa pâi kɛ̂i naai, nàa ƃé ŋa pâi kɛ̂i naa. Ínûai da pâi kɛ̂i a ŋánûa, Íɣâlai kɛ́ ƃò a Ŋáɣâla.

Samuɛlə dɔlɔɔ 16:4

Samia è lì Bɛpeleɣɛ̃ɛ yɛ̂ɛ berei Yâwɛɛ è mò la ma é gɛi. Daai láa túɛ-ƃelai dí lì berei tɔɔ̂i. Kɛ́lɛ dí kɛ̀ yaôi. Dí m̀arê kɛ̀ dîyɛɛ m̀ai, “Lawoi-laa naa kâa ƃe kpaa lé?”

Samuɛlə dɔlɔɔ 16:5

Samia ǹyɛɛi, “Owoei, gáa a lawoi-laa naa-kaa ká ŋí. Ŋá pà a gɛ́ɛ ŋá sâla kula Yâwɛɛ ma. Ka kákpîŋ kpɛtɛ ká pá kwaa zâla-laa soŋ-nuuii kúla. Ka pá kwáa lí.” Samia è ƃɛlɛ tôli ƃò a Zɛse máŋ ǹônii-sinaai a gɛ́ɛ dí pá dí zâla-laa soŋ-nuuii kúla.

Samuɛlə dɔlɔɔ 22:7

È mò dîa ǹyɛ̂ɛi, “Káai a Bɛŋsima suui su-ƃelai, káwoli tɔ́ɔ. À kɛ̀ Zɛse ǹóŋ tí a kɛ̀ a kâloŋ, vé pâi tíi kɛ́ kwaa ma tɛɛ̂i kápɔ kpaa máŋ kpɔmɔ ƃa-kpalaŋ. Vé pâi káta kɛ̂i a ŋɔtíi-ŋai da mɛi-ƃela núu ŋuŋ-ŋa paa máŋ núu wála-ŋa láa túɛ yɛ̂ berei ŋá gɛ̀ lai.

Samuɛlə dɔlɔɔ 24:12

Ŋa pâi ǹɛɛ̂i naa Yâwɛɛ é kúmɛni ŋá tée kwa yá é ǹúui lɛ́ ŋ̀ɔi lɛ̂lɛɛi. Ŋa pâi Yâwɛɛ marê kɛ̂i é mɛni kpɔ̂lu láa yâ m̀ɛni-ŋai ya gɛ̂i a ńyãai maa mɛni ma. Kɛ́lɛ ḿve pâi mɛni nyɔ́mɔɔ da kɛ̂i a yá.

Samuɛlə dɔlɔɔ 24:13

Sãŋ woo pɔlɔ da a mò ǹyɛɛi, ‘Mɛni nyɔ́mɔɔ nɔ́ ƃé mɛni nyɔ́mɔɔ a kùla zu.’ Kɛ́lɛ ḿve pâi mɛni nyɔ́mɔɔ da kɛ̂i a yá.

Samuɛlə dɔlɔɔ 24:16

Deeƃé kpɛɛ m̀ɛni-ŋai ŋí kélee ƃôi, Sɔ̂ɔ ǹyɛɛ m̀ai, “Deeƃé ńoŋ, íwoo ƃe ŋí?” Sɔ̂ɔ è pɛ̀lɛ wɔ́lɔɔ ma ɣelêi pere.

Samuɛlə dɔlɔɔ 8:12

Díta-ni da pâi kɛ̂i a núu kpaya-kpaya-ŋa kɔ́ kɔ́-ƃela wála tɛi-tɛi mai. Díta ni-ŋaa da pâi kɛ̂i kɔ́ kɔ́-ƃela buu lɔ́ɔlu mɛi. Dí-ni da pâi kɛ̂i máŋ gâloŋ ŋɔkpâlaŋ ŋá díkɛ ŋɔmii-sãai ŋáa tɛ̀ gîe ma. Da-ni da pâi kɛ̂i ŋɔkɔ́ kɔ́-sãai kpɛtɛ̂i da ŋɔkɔ́ kɔ́-keleŋ-ŋai.