Zooɛ 3:4 - Ŋ̀âla Kɔlɔ Maa Waai

⁴ “Óo Taya da Sidɔŋ, é pɛ́lɛ Felesia lɔii-kpiniŋ-ŋai dîa kákaa a lé ḿɛni ma? Ká káa ŋɔ́nɔ ḿvela-fêi sɛŋ da mɛni ma. Gɛ̀ ní ŋa pâi kásɔnyɔ̂ŋ kélee pûi káŋûa a maa-felaa.

Zooɛ 3:4 ပူးပေါင်းရင်းမြစ်များ

Kɔlɔnikɔ Veerɛi 21:16

Naa kɛ́ɛ tíi, Yâwɛɛ è gɛ̀ Felesia, Arebia, da Itiopia-ƃela dí tɔ́ɔ Zɛoraŋ ma. Ǹûai ŋí ní dílɔii-ŋai díkɛ̀ Itiopia-ŋai dílɔii kɔlɛ ma.

Azaya 14:29

Felesia-ŋa, káfe lii-nɛ̃ɛ kùla niî a gɛɛ kákpɔara-ƃelai ŋuŋ lá a pili. Kali nyɔ́mɔɔ à sàa, zu-kulâi fa kali kélee a kpɛɛ ɣele ma. Ŋ̀áloŋ da a pɔ̂ri lɛɛ̂i naa. Ŋ̀áloŋ ŋí a pɔ̂ri porɛ̂i. A pòrɛ, a kɛ̀tɛ, a pɔ̂ri kɛ̂i yɛ̂ɛ yúoi zere kali.

Azaya 34:8

Ŋ̀elei ŋí ƃé Yâwɛɛ a pâi Zãiyɔŋ ŋuŋ ma ƃôi la é ŋɔkpɔara-ƃelai kula maa kɛ́.

Azaya 59:18

A pâi ŋɔnûai kula maa kɛ̂i m̀ɛni nyɔ́mɔɔ-ŋai dí gɛ̀i, m̀aa mɛ̂ni ma. Diai díkaa lɔii-ŋûŋ su kôyaa sui, a pâi máŋ díkula-maa kɛ̂i.

Zɛlemaya 47:1

Ize kaloŋ é lɛ́ɛ pâi kɔ́ pɛlɛ̂i Geza ma, Yâwɛɛ è lòno ŋɔlóno kɛ́-nuui Zɛlemaya pɔ́ é pîlaŋ Felesia lɔii ma.

Zɛlemaya 47:4

kpɛ́ni fêi, vóloi a pá Felesia-ŋai su-kara mɛ̂ni ma. Ŋa pâi Taya da Sidɔŋ kulâi ǹɔii kpéli-ŋai dîa, ŋá gbɔŋ mâai kélee dímɛni mai kpéra, kpɛ́ni fêi, Ńyãai ŋ́gaa a Yâwɛɛi, ŋa pâi Felesia-ŋai su-karâi da diai kélee pâi kulâi ǹyái kóo mâ Kulîi.

Zɛlemaya 51:6

Ka pú kákula Babelɔŋ lɔii su. Ka pú ká káŋuŋ ma ƃó. Káfe lɛ̀ɛ naa káfa lâ saa lâ Babelɔŋ sɔŋ sú. Ŋa nâa ŋ́gbîŋ kpɛtɛ a gɛɛ ŋá ŋɔmɛni nyɔ́mɔɔi gbà kula. Ŋa gula-maa kɛ̂i yɛ̂ɛ berei ŋɔmɛni nyɔ́mɔɔi káa lai.

Zooɛ 2:10

Ǹɔii a kɛ̂ kpɛ̃lînii dítuɛ, ŋ̀ele-kɔ̂lɔŋ kɛ́ tùmo-tumo, vóloi da ŋ̀áloŋ su kpíniɛɛ, bɛmɛlɛŋ-kao-ŋai dífa fôlo.

Zooɛ 2:2

A pâi kɛ̂i a kpíni da ɣele kuyɔɔ, ǹúui pɛ́lɛɛ, gbínii su pîlaŋɔɔ! Gotó kpului-ŋai da pâi kɛ̂i a díwala-wâlaa yɛ̂ɛ núu-kpune, dí ǹyée-ŋai mɛi pɛ́lɛ yɛ̂ɛ kpíni. M̀ɛnii ŋí da fé tá kɛ́ ní ǹyaŋ da fé pâi ŋɔ́nɔ kɛ̂i wɔ́lɔ-wɔlɔ da wɔlɔ-wɔlɔ.

Maafîu 11:21

“Kpalo ƃêlai yâ, Koraziŋ! Kpalo ƃélaâi yâ, Bɛsaida! Kpɛ́ni fêi, díi kpaya-kpayai dí gɛ̀ kásui, dîi da kɛ̀ Taya da Sidɔŋ, dîi maloŋ-too-maa seɣe tòo dîa dí luu pú díŋûa dílii pene a tãi su kôyaa.

Maafîu 11:22

Kɛ́lɛ, ŋá m̀o kâa, kásɔnyɔ̂ŋ a pâi kɛ̂i a gɛ́tɛ é tɛ́ɛ Taya da Sidɔŋ díwɔ̂i ma a mɛni-ŋa tée tãi.

Lûu 10:13

“Kpalo ƃêlai yâ, Koraziŋ! Kpalo ƃêlai yâ Bɛsaida! Kpɛ́ni fêi, à kɛ̀ ŋ̀wála-wâla tii kpaya-kpayai kɛ̂ kásui, dîi kɛ̀ tí Taya da Sidɔŋ, gɛ̀ ní, da wɔ́lɔ dílii pene, díkɛ maloŋ tôo-maa sêɣe tòo díkɔŋ ma, díkɛ see luu su.

Lûu 10:14

Kɛ́lɛ, a pâi kɛ̂i a nàa fii-kpɛɛ Taya da Sidɔŋ dímɛni ma mɛni-ŋa-tee ɣelei ma é tɛ́ɛ la kâa.

Lûu 18:7

Ɣâla fé pâi ŋɔsu-ɣɛɛ-ƃelai kulâi mɛni su diai da wɔ̂lɔ ma ɣele-ƃɔ́ɔ da kpini yée mui? A pâi díkɛ̂i dí maa kpɛŋ a zu kôyaa?

Zia-ƃelai Kɛ́-mɛni-ŋai 9:4

È tòo ǹɔii ma é wóo da mɛni, ǹyɛɛ mài, “Sɔ̂ɔ, Sɔ̂ɔ, ya ŋ́gbɔarâi lé mɛni ma?”

Dutɛrɔnome 32:35

Nyaa ƃé a pɔ̂ri mɛni kula maa kɛ̂i. Nàa fé pâi tûai da pâi tálanîi dí tóo. Díkula maa kɛ́ tãi a pâi. Dísu-kara tãi a lɛɣɛ.

Tɛsɛlôniɛŋ Veerɛi 1:6

Ɣâla a nɛ̀ kpɔ́ a tɔ̃yâ a gɛ́ɛ fɛ̂ɛ nɔ́ diai da mɛni-kpɔ̂lu làa kâai, é dímɛni-kpɔ̂lui bɔɔ-tee kula a mɛni-kpɔ̂lu.

M̀ɛni-sâa Ƃó-ƃelai 11:12

Nyíŋi pôlu ma, Zafita è kéla tɛ̀ɛ Amɔŋ-ŋai díkâloŋ pɔ́-naa ǹyɛɛ m̀ai, “Lé laa-saa ƃé kúloai kwa káa ni ya kɔ́ pɛ́lɛ kûai?”