Zooɛ 3:2 - Ŋ̀âla Kɔlɔ Maa Waai

² Ŋa pâi ǹɔii-ŋûŋ-ŋai kélee ŋáa tɛ̂i ma ŋa pá a dîa M̀ɛni-ŋá tée tiŋ-tiŋ su, naa ƃé ŋa pâi dímɛnii ŋá têei naa ŋánûai mɛni ma da Eezuɛ nyii gáa a ŋápɔɔ-sɛŋ kpɛ́ni fêi, da ŋánûai táa-tâa ǹɔii-ŋûŋ-ŋai su, da ŋálɔii ŋáa kɔ́lɛ.

Zooɛ 3:2 ပူးပေါင်းရင်းမြစ်များ

Kɔlɔnikɔ Veerɛi 20:26

Ŋ̀ele-kûui náaŋ ɣele seriɛɛi, díkelee dí díŋa tɛ̀ gîe ma Beraka tiŋ-tiŋ su dí Yâwɛɛ láa ma tɛ́ naa. Zɛŋ ƃé díkɛ la gwaai ŋí ma láa ma Beraka Tiŋ-tiŋ su é lɛ́ɛ la zu dí gɔlɔi ŋí pɔ̃yɛɛ.

Azaya 66:16

Diai kélee kpɔ́ dísɔŋ káa dîa ŋ̀éniɛi su gwaa kélee mai, a pâi díkula maa kɛ̂i a ŋɔŋ da ƃóa-sɔ̂kpɔ. Ǹyaŋ a pâi núu támaa pâai.

Azaya 66:18

Ŋá díkili-ŋa-sîai da dítûa-pere-ŋai kɔ́lɔŋ. Ŋa pâi ǹɔii-ŋûŋ-ŋai su-ƃelai kélee ŋá tɛ̂i díkîe ma. Tãi da pâi pâi la díkîe mai, da pâi m̀ɛnii kâai ŋáwala-wâla laai a gɛ̀i.

Zɛlemaya 12:14

M̀ɛnii Yâwɛɛ è mò é pîlaŋ kúkɔlɛ ma-ƃela sɔŋ nyɔ́mɔɔ-ŋai dîa nyíi Eezuɛ lɔii su karai nyíi ŋá dɛ̀ɛ dípɔi ƃa, “Ŋa pâi dí wêyenii yɛ̂ɛ kala ŋá díkula díkpɔɔi lɔii su. Ǹyaŋ ŋa pâi Zuda-ƃelai kulâi dísama.

Zɛlemaya 25:31

Ǹáɣi-woo a pâi siâi kpɔ́ ǹɔii gwaa kélee ma. Yâwɛɛ a ǹɔii-ŋai kélee sɔŋ láa. A pâi díkelee kpɔ́ dímɛnii ŋá têei. À kɛ̀ tí, a pâi ŋ̀wana lɔ̂ɔ-ƃelai paâi kɔ́ su. Yâwɛɛ ƃé mò tí.’ ”

Zɛlemaya 49:1

M̀are kɛ̂ɛi Yâwɛɛ è gɛ̀ é pîlaŋ Amɔŋ lɔii mai ƃa, “Eezuɛ sinaai kɔɔ? Núu da fé naa é dílɔii maa kɔ̃ɔ? Lé mɛni ƃé dí ǹɛɛ la naa diai da Maakɔŋ ɣalai fɛ̂lii dí kɛ̀ Daŋ ŋɔlɔii sôŋ dí kɛ́ sèe naai?

Zɛlemaya 50:17

Yâwɛɛ è mò ǹyɛɛ, “Eezuɛ-ƃelai díkaa yɛ̂ɛ ƃála-ŋa nyíi-ŋai yala-sulu a díkpɛ̂i díkɛ tàa-taai. Tãi maa ŋuŋ, Asiria kaloŋ è kɔ́ pɛ̀lɛ dîa. Ǹaa pôlu ma, Babelɔŋ kaloŋ Nɛbukinaza é díkao wólo.

Izikiɛ 25:8

Ŋ̀wála-wâla kélee Yâwɛɛi è mò ǹyɛɛi, “Kpɛ́ni fêi Môa è mò ǹyɛɛ Zuda káa nɔ́ yɛ̂ɛ ǹɔii-ŋûŋ-ŋai dai,

Izikiɛ 34:6

Dítaa taâi ǹyée kpaya-kpaya-ŋai da ǹyée pɛlɛɛ-pɛlɛɛ-ŋai tôŋ su. Ŋá ƃála-ŋai táa taâi ŋ̀éniɛi su gwaa kélee ma núu da fé naa é díkula lɔɔ̂i kɛ́.

Izikiɛ 35:10

“ ‘Í mò yɛ̂ɛ Eezuɛ da Zuda díkaa pâi kɛ̂i a ípɔɔ, ya pâi dísiɣêi é pɛ́lɛ dí lɔii kpîniŋ-ŋai kélee ma berei máŋ ŋ́gaa la a Díɣâlai Yâwɛɛi.

Izikiɛ 36:1

Yâwɛɛ è mò ǹyɛɛi, “Núu-kpono ǹóŋ, mó Eezuɛ yee-ŋai dîa yɛ̂ɛi ka ŋ̀óoi mɛ́ni ŋa pâi môi kâai.

Izikiɛ 36:5

“Ńyãai ŋ́gaa a Ŋ̀wála-wâla kélee Yâwɛɛi ŋa ǹíi ŋwânai kpɔ́ ká kɔlɛ ma lɔii-ŋuŋ-ŋai dîa é pɛ́lɛ Idɔŋ ma. Dí ŋá lɔii síɣe a dípɔɔ a ŋɛi-tɛ da lii-nɛ̃ɛ pere.

Izikiɛ 38:22

Ŋa pâi da ŋɔkɔ-kuluƃa-ŋai dímɛnii ŋa têei a kɔlɔ-fela nyɔ́mɔɔ ŋá dí páa kɔ́ su. Tuna kɛ́tɛ da sãɔ é pɛ́lɛ sãɔ-vãa laɣi da sɔfɔ fãa ma da pâi díkɔ kuluƃa-ŋai su karâi da dínûai.

Izikiɛ 39:11

Yâwɛɛ è mò ǹyɛɛ, “Ŋa pâi Zia-ƃelai dítiŋ-tiŋ nyii gáa Ǹyúo-saai ŋɔfóloi kulâi pere lɛ̂i Gɔ̂ɔ ma a boma loôi Eezuɛ lɔii su a maa tãi tí. Ǹyaŋ, sia-nuu da fé ŋɔ́nɔ pâi tɛɛ̂i naa, kpɛ́ni fêi ǹaa ƃé da pâi Gɔ̂ɔ da ŋɔkɔ-kuluƃa-ŋai kélee loôi naa. Da pâi kɛ̂i ǹaa mà ‘Gɔ̂ɔ ŋɔkɔ-kuluƃa-ŋai dítiŋ-tiŋ su.’

Zooɛ 3:12

“Tɔɔ ǹɔii ŋûŋ-ŋai kélee dí díkpîŋ kpɛ̀tɛ, dí pá M̀ɛni-ŋa tée Tiŋ-tiŋ su. Kpɛni fêi, ǹaa ƃé ŋa pâi seêi naa ŋá ǹɔii ŋuŋ-ŋai kélee ƃɛ́i dímɛnii ŋá-tee.

Zooɛ 3:14

Núu wála támaa káa M̀ɛni ŋá-tee Tiŋ-tiŋ su. Yâwɛɛ ŋɔɣelei a lɛ̀ɣɛ mɛni ŋá-tee mɛni ma diŋ-tiŋ su.

Emɔ 1:11

Ɣâla Yâwɛɛ è mò ǹyɛɛ, “Idɔŋ ŋɔsɔnyɔ̂ŋ saaƃa kpaa náaŋ mɛni ma, fé pâi dɔŋ-kpɛ-maai siɣêi pôlu mà, kpɛ́ni fêi, è ǹêɣe kpɛ̀ a gbálai kɛ̀ ǹyéei, maloŋ-kaa kélee fé kɛ́ ní ǹyêei m̀ɛni ma, ŋɔlii-ŋwanai su è kɛ̀tɛ, è ƃò nɔ́ gíli ŋá wɔ́lɔ-wɔlɔ.

Maka 4:12

Kɛ́lɛ ǹûai ŋí dífe Yâwɛɛ líi su kɔ́lɔŋ da ŋɔmɛni kpɛtɛɛi. Dífe gɔ́lɔŋ a gɛɛ a díŋaa tɛ́ ma a gɛɛ é dí táŋ.

Zɛfɛnâya 3:8

Yâwɛɛ è mò ǹyɛɛ, “Maa kpɛ́ŋ nɔ́ tãi ŋa pâi mu siɣêi la a gɛɛ ŋá sere-faa kɛ́. Kpɛ́ni fêi ŋá mɛni-kpɛtɛɛi ƃà a gɛɛ ŋá ǹɔii-ŋûŋ-ŋai kélee pú gîe ma ŋá dí tóli a gɛɛ ŋá ŋálii-ŋwânai pú dîa, ŋá núu kula-maa kɛ́ yɛ̂ɛ ŋɔŋ nyii ǹɔii kélee kèreŋ.

M̀ɛni-lɛɛi 11:18

Diai dífe Ɣâla-mɛni wɛ̂li nii dílii è ŋwàna kpɔ́ a ŋ̀ánaa, kɛ́lɛ, ílii-ŋwanai è pà, a da zaa-ƃelai dímɛni-ŋa tee-tãi. Íyee-mu-ƃelai fela fé tãi a seri, diai díkaa a ílono-kɛ-ƃelai, da Ŋ̀âla-ƃelai da diai da yao ílaâi mai, nia-pɛlɛɛ kpaa máŋ núu kpaya-kpaya, diai ǹɔii su karai, dísu kara tãi a seri.”

M̀ɛni-lɛɛi 16:14

Kpɛ́ni fêi, díkaa a nyînaŋ nyɔ́mɔɔ-ŋai, da ŋ́ɛi-kɛ-maa ŋa kɛ̀. Da lî ǹɔii kélee su-kaloŋ-ŋai pɔ́naa a gɛɛ dí díŋa tɛ́ díkîe-ni dîa kɔ́-kɔ́ mɛni ma a Ŋ̀wála-wâla kélee Ɣalai ŋɔɣele kɛ́tɛi ŋ̀ele.

M̀ɛni-lɛɛi 16:16

Nya ƃe dí gâloŋ-ŋai ŋá tɛ̀ díkîe mà kwaa da mâ da nàa tòli Ibulu-wooi su a Amagidɔŋ.

M̀ɛni-lɛɛi 16:6

Kpɛ́ni fêi, núu-kpune a ŋ̀âla-ƃelai ŋãa pú da Ɣâla ŋɔlóno-kɛ-ƃelai. Ya ŋãa tɛ́ɛ dípɔ a gɛɛ dí gbèle. Dífela-féi ká ti!”

M̀ɛni-lɛɛi 20:8

Ǹyaŋ a pâi kulâi a gɛɛ é ǹɔii-ŋuŋ-ŋai pɛlɛ, nyíi-ŋai díkaa ǹɔii-ƃela náaŋ mai. Zu-kulâi ƃa Gɔ̂ɔ da Magɔɔ, a gɛɛ é díŋa tɛ́ díkîe-ni dîa kɔ́-kɔ mɛni ma. Dítamaâi yɛ̂ɛ yúoi-ŋɛya.