Zooɛ 3:16 - Ŋ̀âla Kɔlɔ Maa Waai

¹⁶ Yâwɛɛ wóo káa tɛ̂i Zãiyɔŋ Yeei ma. Ŋ̀óo kɛ́ kùla Zerusâlɛŋ, ŋ̀ele-kɔlɔŋ da ǹɔii díkɛ kpɛ̃lîŋ. Kɛ́lɛ Yâwɛɛ káa a ŋɔnûai mɛi káa-nuu, dɔɔ̂i kpanaŋɔɔ ŋɔnûai Eezuɛ-ŋai mɛni ma.

Zooɛ 3:16 ပူးပေါင်းရင်းမြစ်များ

Wule-woo-ŋa 18:2

Yâwɛɛ ƃé gáa a ḿaa kɔ̃ɔ-nuu yɛ̂ɛ kɔni. Ǹyaa ƃé gáa a ŋ́uŋ maa ƃó-nuu. Ŋáɣâlai ƃé gáa a ḿaa kɔ̃ɔ-nuu yɛ̂ɛ kɔni. Ŋà kɛ̀ gɔ̀lɛ ŋa kɛ̂ a ŋ́uŋ ma ƃóɔɔ. A ḿaa kɔ̃ɔ yɛ̂ɛ kɔkuluƃa maa kɔ̃ɔ kɔli-kalaŋ. A ḿaa kɔ̃ɔ é ŋ́uŋ maa ƃó.

Wule-woo-ŋa 29:11

Yâwɛɛ a gɛ̀ ŋɔnûai kponôi é kpanaŋ. A lûwa làa dîa lii-see kɛ́ ƃò díyêei.

Wule-woo-ŋa 61:3

kpɛ́ni fêi, ya ƃa ŋ́uŋ ma ƃó nuui. Ya ƃa ḿaa kɔ̃ɔ ŋ́gbɔara-ƃelai yêei.

Táre-woo-ŋa 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Azaya 33:16

Ǹûai ŋí ƃé pâi kɛ̂i m̀ɛni-ŋai kélee mɛi, díŋuŋ ma ƃóɔɔ yɛ̂ɛ nûa da kɛ̀ taa-lêe su nyii m̀aa tínaŋɔ̂ɔi a siɣãŋ, díkɔnɔ̃ŋ da díkpele-ya fa wɔ́lɔ kpɛ̀ɛ.

Azaya 33:21

Ǹaa ƃé Yâwɛɛ ŋɔwála-wala laai a pâi kɛ̂i a dínaŋɔɔ naa kûa yɛ̂ɛ ya-lêe. Ǹyaŋ wála-wala-laa da fé pâi kɛ̂i ŋwana-lɔ̂ɔ nuu da yêei ǹyá-lêei ŋí tíyeŋ mɛ̂ni ma.

Azaya 42:13

Yâwɛɛ káa yɛ̂ɛ kɔ-kuluƃa. Gbɛtɛɛ̂i a tãi kélee yɛ̂ɛ kɔ-kuluƃa kɔ́-kɔ mɛni ma. A ŋ̀óo pilîi ŋɔkɔ-kuluƃa-ŋai dîa a gɛ́ɛ dí díkpîŋ kpɛtɛ. A ŋɔwála-wala-laai lɛ̀ ŋɔkpɔara-ƃelai dîa.

Azaya 51:16

Ŋá ŋ́oo pù ká lá, ŋá káloo ńyee pôlu. Ńyãa ƃé ŋ̀ele-kɔ̂lɔŋ fulomo ŋá ǹɔii zonoŋ su kɔni-ŋai láa ǹâai. Ŋá m̀o Zãiyɔŋ-ƃelai dîa, ‘Káa ƃa ŋánûai.’ ”

Zɛlemaya 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Zɛlemaya 17:17

Ífe kɛ́ a mɛni kpɔ̂lu ḿɛ̂ni ma. Mɛni kpɔ̂lu a làa ḿâ, yá ƃa ḿaa kɔ̃̂ɔ.

Izikiɛ 38:19

Ŋá mò a gɛɛ maa ɣêlei tí ŋa pâi ńii ŋwânai ŋá Eezuɛ lɔii kɛ́ é pú zu.

Osia 11:10

“Da pâi pîlanii ḿbôlu ńyãa Yâwɛɛ. Ŋa pâi kpêɣei yɛ̂ɛ yala-sulu. Ooei, ŋa pâi kpêɣei, ǹyaŋ ńônii da pâi kɛ̂i kpɛ̃linii dí kɛ́ kùla vóloi liî-pere.

Emɔ 1:2

Emɔ è mò ǹyɛɛi, “Yâwɛɛ kpéɣe-woo è kùla Zãiyɔŋ, ŋ̀óo é kúla Zerusâlɛŋ. Ǹyaŋ gala ŋûnu lɔii a pâi wɔ̂lɔi, Kamɛɛ Yeei tôŋ é kpála.”

Emɔ 3:8

Yala-sulu a kpèɣe, gbɛ̂ɛ ƃé vé pâi yaôi? Ɣâla Yâwɛɛ a lóno, gbɛ̂ɛ ƃé vé pâi ŋ̀óo su kulâi?”

Neeuŋ 1:7

Yâwɛɛ sɔŋ lɛ̂lɛɛi, wála-wala kɛ́tɛ káa ǹyêei é diai kúla mɛnii dí láai lai, tãi mɛni kpɔ̂lu a pâ lai.

Egaa 2:6

Nya ƃe Ŋ̀wála-wâla kélee Yâwɛɛ è mò, “Nàa fé pâi tûai ŋa pâi ŋɔ́nɔ ŋ̀elei su tumôi da ǹɔii, ǹyái da ǹɔii kpâlai.

Egaa 2:7

Ǹyaŋ ŋa pâi ǹɔii-ŋûŋ-ŋai kélee túmo-tûmoi dí pá a dítɔɔ-sãai ƃɛ́ ŋá pɛ́rɛi ŋí láa é fɛ́ɛ a sɛŋ lɛ́lɛɛ-ŋa.

Zɛkɛrâya 10:12

Ŋa pâi díkponôi kpananîi, ǹyaŋ dífolo-laai maa a pâi tɛ̂i ńaai su.” Yâwɛɛ ƃé mò.

Zɛkɛrâya 10:6

“Ŋa pâi Zuda-ƃelai su kpananîi, ŋá Zosɛ ŋɔpɛ́rɛi mu-ƃelai ƃálo. Ŋa pâi pâi a dîa pôlu, kpɛ́ni fêi, ŋá dímalôŋ kàa. Ǹyaŋ da pâi kɛ̂i yɛ̂ɛ ǹyaa ƃe fé ńyee kula ní dímu. Ńyãa ƃa Yâwɛɛ Díɣâlai, ǹyaŋ ŋa pâi díwoo su toôi.

Zɛkɛrâya 9:12

Káai a gɔ́-sôŋ-ŋai ka lene pôlu a kili-kɛ-zu kásiɣãŋ su. Sâa ŋa pâi kákɔ̃liŋ tɛ̂i gîei feerɛ ŋá dɛɛ kápɔ.

Ibulu 12:26

Maa tãi tí ŋ̀óo è ǹɔii kpɛ̀liŋ. Kɛ́lɛ, a nâa góno tée, nyɛɛi, “Ǹɔii tɔnɔ nɔ́ fé a lɛɛ pôlu tɔnɔ a gɛɛ ŋa gbɛ̃liŋ, kɛ́lɛ, ŋa pâi ŋ̀elêi su kpɛ̃linii máŋ.”

M̀ɛni-lɛɛi 11:13

Maa aƃai tí, ǹɔii è kpɛ̃liŋ kpɔ́ a gɛ́tɛ, daa-leei kwaa kuro ma é pú zu. Núu wála lɔ́ɔlu mɛi feerɛ (7,000) dí sàa ǹɔii kpɛ̃liŋɔɔi ŋí su. Ǹúu gbeli-ŋai dí yao kpɔ́ a ŋ̀ánaa dí Ŋ̀âla-taa-Ɣalai ŋɔfólo-laai maa tɛ́.

M̀ɛni-lɛɛi 11:19

Ɣâla ŋɔpɛ́rɛ Kɛtɛi nyíi gáa Ɣâla-taai ǹá è ƃò, ǹyaŋ dí Gbanaŋ-wooi Maa-gãlai kàa naa. Ŋ̀ele-gbana ŋɔmãla-mãla, wóo su kɛ́tɛ-ŋa, ŋ̀ele-gbana-tíŋ, lɔii-kpɛ̃liŋɔɔ, da sãɔ kɛ́tɛ díkɛ̀ naa.

M̀ɛni-lɛɛi 16:18

Ŋele-gbana ŋɔmãla-mãla è kɛ̀ naa, sóoŋ-woo kɛ́tɛ-ŋa, ŋele-gbana-tiŋ, da lɔii-kpɛ̃liŋ-ŋɔɔ kɛ́tɛ. Ǹɔii-kpɛ̃liŋɔɔi ŋí è kɛ̀ kpɔ́ a gɛ́tɛ a nyíi da fé niî wɔ́lɔ kɛ́ ni tãi núu-kpune è kɛ̀ la ǹɔii sui.

Samia Maa-ŋuŋ 15:29

Ǹaa pôlu ma, ŋ̀ɔ́lɔ-wɔlɔ Ɣâlai gáa Eezuɛi vé a núu-kpune. Va lɛ́ɛ kɛ̀ kpaa máŋ é ǹíi maa fáleŋ.”