Zooɛ 3:1 - Ŋ̀âla Kɔlɔ Maa Waai

¹ Yâwɛɛ ǹyɛɛ, “M̀aa ɣêle-ŋai tí su, ŋa pâi Zuda da Zerusâlɛŋ dítɔɔ-sãai da tɛɛ̂i pôlu.

Zooɛ 3:1 ပူးပေါင်းရင်းမြစ်များ

Wule-woo-ŋa 14:7

Ŋa Ɣâla fɛlîi a gɛ́ɛ Eezuɛ ŋɔƃálo-laai é kúla Zãiyɔŋ. Tãi Yâwɛɛ a pâi gɛ̂i la Eezuɛ-ƃelai dí kɛ́ ŋɔ́nɔ ƃûu ƃoi, dílii a pâi nɛ̃ɛ̂i.

Wule-woo-ŋa 85:1

Yâwɛɛ, ya lûwa láa ǹɔii ma. Ya gɛ̀ ǹaa mɛni-ŋai kélee ŋaa-see kɛ́ kɛ̀ a ǹɛ́lɛɛ Eezuɛ-ŋai yêei yɛ̂ɛ berei è kɛ̀ la a bɔlɔɔi.

Táre-woo-ŋa 1:23

À kɛ̀ kà káwolii tɔ̀ɔ ŋália-wooi ma, gɛ̀ ní ŋa pâi ŋámɔ̂leŋ ŋɔtárei kélee tɛɛ̂i kápɔ, ŋa ŋɔ́nɔ ŋ́oo-ŋai su-kulâi lɛ́ kâa.

Azaya 44:3

“Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Zɛlemaya 16:15

Kɛ́lɛ, da pâi kɛ̂i m̀ôi dîɛ gɛ̀-ɣele-ma Ɣalai ƃé Eezuɛ-ƃelai kùla ya-ŋua pere lɔii-ŋai da ǹɔii-ŋuŋ da kpɛ́ni-ŋai su ƃɛ́i dí kɛ̀ a dítaa-taa naai, é pá a dia díkpɔɔi lɔii su, nyíi ŋá dɛ̀ɛ dínâŋ pɔlɔ-ŋai pɔi. Ńyãa Yâwɛɛ ƃé mò tí.”

Zɛlemaya 29:14

Yâwɛɛ è mò ǹyɛɛ, “Ka pâi ŋ́gâai. À kɛ̀ tí, ŋa pâi lenêi pôlu a káa, ŋá ká sée kákpɔɔi lɔii su. Ŋa pâi ká kulâi ǹɔii-ŋai su ŋá ká tɛ̀ɛ naa kɔ-sôŋ-laa sui, ŋá pá a káa pôlu. Ńyãa Yâwɛɛ ƃé mò tí.”

Zɛlemaya 30:18

Yâwɛɛ è mò ǹyɛɛi, “Ŋa pâi ŋánûai seêi kulâi díkpɔɔi lɔii su, ŋá ǹúu-suui kélee malôŋ káa. Da pâi Zerusâlɛŋ tɔɔ̂i pôlu dí ǹúu maa kɔ̃ɔ kwaa ma kpanaŋɔɔ-ŋai tɔ́ɔ pôlu dítɔɔ̂i.

Zɛlemaya 30:3

Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Izikiɛ 16:53

“Ŋa pâi ŋɔ́nɔ lûwa lâai Sodɔŋ da ǹônii dîa é pɛ́lɛ Sameria ma da ǹônii. Ŋa pâi máŋ Zerusâlɛŋ tɔ̂ɔi pôlu dísama.

Izikiɛ 39:25

Ŋ̀wála-wâla kélee Yâwɛɛ è mò ǹyɛɛ, “M̀ɛni ma ŋa pâi nâa Zeeka ŋɔsuui su-ƃelai malôŋ kâai, ŋá Eezuɛ see pôlu zeêi. À kɛ̀ tí, gɛ̀ ní ŋa pâi ńaa maa waai maa kɔ̃ɔ̂i.

Danîa 12:1

Ŋ̀âla-taa-kelai kɛ̀ zĩ̂ai su-kulai Danîa mai, è ŋɔ́nɔ mò m̀a ǹyɛɛi, “Tãi tí ma, Makɔɔ nyii gáa a Ŋ̀âla-taa kéla-ŋai láa túɛ-ƃelai dɔnɔi nyii a ínûai maa kɔ̃ɔi, a pâi pâi. À pà, mɛni kpânaŋ a pâi kulâi ǹûai dîa. A pâi kɛ̂i a mɛni kpânaŋ nyii da fé tá kɛ́ ní é síɣe ǹɔii-ŋûŋ-ŋai kɔ́ɔ pîlaŋ tãi mai. Kɛ́lɛ maa tãi tí ínûai nyii-ŋai dílaa pɔ̃yɛ̂i gɔlɔi sui da pâi ŋuŋ ma ƃô sɔlɔ ƃôi.

Zooɛ 2:29

Ŋa pâi máŋ ŋámɔlêŋ pûi ńyee ŋá-sinaai da nɛyãai kponôi a ŋ̀ele-ŋai tí ǹyaŋ da pâi mɛni ƃôi naa túɛ.

Emɔ 9:14

Ŋa pâi pâi pôlu a ŋánûai Eezuɛ-ŋai nyii-ŋai kɛ̀ luɛ-laa sui. Da pâi dítaa wóloɔɔ-ŋai tɔɔ̂i pôlu dí sée dísu. Da pâi kpɔmɔ ƃa kpalaŋ-ŋa kɛ̂i dí ŋwã̂ai kula dísu dí gbele. Da pâi máŋ sûa-ŋa kulâi dí sí-sãa sí dísu dí mii.”

Nɔŋba 11:29

Kɛ́lɛ Mose è mò ma ǹyɛɛi, “Íkaa ḿaa-tolo kulâi? À pɔ̂ri kɛ̂i a ǹɛ́lɛɛ Yâwɛɛ é ŋɔmɔ̂leŋ pú ŋɔnûai kélee kponôi a gɛɛ dí kɛ́ a ŋɔlóno kɛ́-ƃela.”

Nɔŋba 12:6

Yâwɛɛ è mò dîa ǹyɛɛ, “Ka ŋ́oo mɛ́ni. À kɛ̀ Ɣâla ŋɔlóno kɛ́-nuu káa kásama, ńyãai a Yâwɛɛ ŋá ŋ́gbîŋ lɛ̀ mà zĩa su, ŋá lóno bɔ́ seêi-pere.

Dutɛrɔnome 30:3

Káɣâlai Yâwɛɛ a pâi kámalôŋ kâai. A pâi kákulâi naa é pá a káa pôlu é gɛ́ káƃûu ƃó.