Zooɛ 2:6 - Ŋ̀âla Kɔlɔ Maa Waai

⁶ Diai kélee dítuɛ-perei, dílii toɔɔ̂i pôlu, díŋɛi malôŋɔɔ.

Zooɛ 2:6 ပူးပေါင်းရင်းမြစ်များ

Wule-woo-ŋa 119:83

Kɛ̂i fé ŋɔnɔ ḿâ yɛ̂ɛ sua-kɔlɔ-gonoŋ nyíi m̀ɔ̂ɔi, é máŋ kɛ́ tí, ḿve nîi nia-ní ítɔ̂ŋ-ŋai dîa.

Azaya 13:8

Yao ŋánaa a pâi pâi díkɔlɔi. Dímɛni sôlii a pâi kɛ̂i yɛ̂ɛ nɛnî a kɛ̀ koi-têe su maa mɛni solii. Da pâi kɛ̂i díkîe-ni ŋɛ́i kâai a yao pere, díŋɛi kɛ́ kɛ̀ mãla-mãla yɛ̂ɛ ŋɔŋ-sôŋ.

Zɛlemaya 30:6

Í mɛi sáa, í íkili-ŋa sía! Kpakolo a lôloŋ maa sɔlɔ ƃô yɛ̂ɛ nɛnî? Kpao! Lé mɛni ƃé ŋaŋ ŋa ǹúui kélee kâai la díyee pɛlɛ́ɛ díkoi yɛ̂ɛ nɛnî a kɛ̀ koi têe sui? Lé mɛni ƃé ǹûai kélee ŋ̀ɛ́i kolôŋɔɔi lai?

Zɛlemaya 8:21

Ńii toɔ̂ɔi pôlu é tɛ́ɛ gɛ̂i ma kpɛ́ni fêi, ŋánûai su a kara. Ŋa malôŋ-see ƃôi, ńii toɔ́ɔ pôlu a ŋ̀ánaa.

Zerusâlɛŋ Karáa Maa Wɔ̂lɔ-wooi 4:8

Kɛ́lɛ daâ tɛi, dítɛi a tɛɛ luru tɛ̂i su-kpiniɛɛ ma. Núu da fé ŋɔ́nɔ díkɔlɔŋ bere lêe-ŋai ma. Díkɔlɔ a fãya dîa yɛ̂ɛ wúru.

Neeuŋ 2:10

Ninivɛ a lɛɛ a vólo! Ǹûai díkɛ fòa, díkɔɔ ma kɛ́ kpɛ̃̀liŋ, dílii kɛ́ sɛ̀lɛŋ, díŋɛi yoloɔɔ.

Neeuŋ 2:11

Ǹyala-sulu koraŋ kɔɔ, ƃɛ́i ǹyala-sulu lonii da kâa kɛ̀ naa ǹyala-sului kɛ́ pà a díkɔ̃nɔŋ, ƃɛ́i da ka kɛ̀ naa sɛŋ da fa lɛ̂ɣɛ dîai?