Zooɛ 2:23 - Ŋ̀âla Kɔlɔ Maa Waai

²³ “Óo Zãiyɔŋ-ƃela, ka lii-nɛ̃ɛ kúla Káɣâlai Yâwɛɛ mɛni ma kpɛ́ni fêi, a dunai maa-ŋuŋ tɛ́ɛ kákpɔŋ mâa mɛni ma. A tuna támaa tɛ́ɛ kámɛni ma. A dunai maa-ŋuŋ da gbɛɛ-ŋai tɛ́ɛ yɛ̂ɛ berei a kâa gɛ̀ lai.

Zooɛ 2:23 ပူးပေါင်းရင်းမြစ်များ

Kâloŋ Maa-ŋuŋ 8:36

gɛ̀ ní lɛɛ Ɣâla-taa í mɛni, í dísu mɛni lɛɛ. Sɛŋ lɛ́ dîa berei da pɔri ɣéniɛ kɛ̂i la a pere sîi sãai, í tuna tɛ́ɛ é pú ǹɔii ma nyíi í dɛ̀ɛ dípɔi.

Zôo 33:23

“Kɛ́lɛ Ɣâla ŋɔkéla wála támaai dɔnɔ a pâ a gɛɛ é kpɔŋ mâa tɛɛ bɔ́ é déniŋ tɔ́ɔ.

Zôo 37:13

Ɣâla a tuna tɛ̂ɛ a gɛɛ é ǹɔii yɔ́ɔ. Tãi da a dɛ̀ɛ a gɛɛ é núu kúla maa kɛ́, kpaa máŋ é ŋɔwɛli kɛ́-maai lɛ́.

Wule-woo-ŋa 104:34

Tɔɔ ŋáwule-wooi é kɛ́ a ǹíi-nɛ̃ɛ wule-ŋa, kpɛ́ni fêi, ǹyaa ƃe a gɛ̀ lii-nɛ̃ɛ kɛ́ ƃò ḿâ.

Wule-woo-ŋa 147:8

È ŋ̀ele-kɔlɔŋ-ŋai pɛ̂lɛ ŋ̀elei su. A gɛ̀ tuna kɛ́ pù, ǹɔii kɛ́ yɔ̀ɔ, é gɛ́ gala-ŋai díkɛ lɛ̀lɛ ǹyée-ŋai ma.

Wule-woo-ŋa 149:2

Tɔɔ Eezuɛ é lii-nɛ̃ɛ kula ŋɔkpɛtɛ-nuui mɛ̂ni ma. Tɔɔ Zãiyɔŋ ǹônii dí lii-nɛ̃ɛ kula Díkâloŋ mɛni ma.

Wule-woo-ŋa 28:7

Yâwɛɛ ƃa ŋákponoi kpânaŋ da ŋáƃoa-sɔkpɔ ŋá-ɣale kɔli-kalaŋ. Ǹyaa ƃé ńâai là. A kpɔŋ mâa tɛ̀ɛ ḿbɔ gɛ́ gɛ̀ ŋ́gɛ lii-nɛ̃ɛ kùla. M̀ɛni ma, ŋa pâi laa ma tɛ̂ wule lɛ́lɛɛ-ŋa toôi a ǹáa.

Wule-woo-ŋa 32:11

M̀ɛni ma, káai a deniŋ ƃô-ƃelai, ka lii-nɛ̃ɛ kula ɣelêi pere m̀ɛni lɛ́lɛɛ-ŋai mɛ̂ni ma Yâwɛɛ a gɛ́ kâai. Káai ka Yâwɛɛ wóo mɛnii, ka láɣi ɣelêi pere a lii-nɛ̃ɛ kɛ́tɛ!

Wule-woo-ŋa 84:6

Da tɛ̀ɛ Baka lɔii kpálaâi ma ǹyée loai, tuna kɛ́tɛ a pû, yá é láa naa.

Táre-woo-ŋa 16:15

Kâloŋ ŋɛ́i ponoɔ a pâ a fúlu-laa. Ŋɔkpɔŋ-maai káa yɛ̂ɛ ɣele-kɔlɔŋ nyii a pâ a tuna a fólo láa ƃóɔɔi.

Azaya 30:21

Kà kɛ̀ sia-siâi, ka kɛ́ tɛ̀ ká kɛ́ yèŋ, ka pâi kɛ̂i ŋ̀óo mɛnîi kápôlu-pere, gɛ́ káteniŋ tɔ̀ɔ ǹyɛɛ kâai, “Berei ká ŋí, ka tɛɛ la.”

Azaya 30:23

A pâi gɛ̂i tuna é pú kási-sãai dîa, dí kpɛtɛ, dí ƃá a zu-kɛ́tɛ. A pâi gɛ̂i kátaa-tûlɛ-ŋai kɔ́nɔŋ kɛ́ ƃò ma dí ƃûu ƃó díkɛ̂i lɛ́lɛɛ kɛ́ ƃò ma a tɛɛ-ŋa.

Azaya 41:16

Ka pâi dífɛ̂ɛi, vãai é lí a dia, dítaa-taa. À kɛ̀ tí, ka pâi lii-nɛ̃ɛ kulâi, kpɛ́ni fêi, ńyãa ƃa Káɣâlai. Gɛ̀ ní, ńyãai a Eezuɛ Ŋɔɣâla Maa Waai ka pâi ńaa ma tɛ̂i.

Azaya 61:10

M̀ɛnii Yâwɛɛ è gɛ̀i Zerusâlɛŋ a m̀aa koi-nɛ̃ɛ kula. Zerusâlɛŋ a m̀aa ɣíri yɛ̂ɛ nɛnî ƃé liî surɔ̂ŋ kulâi. Ɣâla a Zerusâlɛŋ m̀aa ɣíri a ƃálo-laa da yee-tɛɛ maa lâa.

Zɛlemaya 3:3

M̀ɛni ma, Ńyãa Yâwɛɛ ŋá dunai kpêra a gɛɛ vé pu. Kɛ́lɛ, ífe niî kpera ní wulu-wulu kɛ̂i. Ŋumɛ kpîŋ fa ísòŋ.

Zɛlemaya 5:24

Káfe kákili-ŋa sia ní a gɛɛ ká ƃaa-kɛ-maa tɛ́ɛ ḿbɔ, berei máŋ ŋá dunai maa-ŋuŋ da gbɛɛ-ŋai tɛ̀ɛ la ká pɔ́ é gɛ́ ká mii-sãa támaa sɔlɔ ƃó a kóraŋ kéleei.

Zerusâlɛŋ Karáa Maa Wɔ̂lɔ-wooi 4:2

Zãiyɔŋ ǹyaŋkpa-ŋai mɛni è kɛ̀ a gbanaŋɔɔ kûa yɛ̂ɛ gôo. Kɛ́lɛ dímaa mɛni a kɛ́ nɔ́ yɛ̂ɛ pɔ̂rɔ leɣi-ŋa.

Izikiɛ 34:26

“Ŋa pâi lûwa tôoi dîa dí kɛ́ ƃò ŋáyee maa-waai kɔlɛ. Tãi da pâi kɛ̂i la naai, ŋa pâi gɛ̂i tuna é pú nyíi pâi kɛ̂i a lûwa dímɛni mai.

Osia 6:3

Kwaa kɔ́ kú Yâwɛɛ kɔ́lɔŋ. Ŋɔmɛni kpɛtɛɛi káa a tɔ̃yâ yɛ̂ɛ ɣele ƃɔ́ɔ. A pâi pâi kúpɔ yɛ̂ɛ sama-ya ɣele-tuna nyii a ǹɔii yɔ̂ɔi.”

Levetekɔ 26:4

ŋa pâi gɛ̂i tuna é pú ǹɔii ma a bú tãi é ǹɔii yɔɔ zí-sãai dí kpɛtɛ dí ƃá a zu kɛ́tɛ.

Emɔ 4:7

“Ŋa dunai sòŋ a ɣáloŋ saaƃa zi-sɛŋ ba kula-tãi é lɛ́ɛ serîi. Ŋa tuna pú taa-lee tɔnɔ su, fé tuna pú ní taa-lee da kpɛ́ni su. Tuna è pù kpâlaŋ tɔnɔ ŋá, ǹyaŋ gbâlaŋ nyii tuna fé pú ní ŋái, ŋ̀á è kpàla.

Zɛkɛrâya 10:1

Yâwɛɛ marê kɛ́ tuna mɛ̂ni ma a fólo-laa-ƃoɔɔ, ǹúui a gɛ̀ tuna kpîni é tóo gɛ́ gɛ̀ ya-kpôloŋ kɛ́ tɛ̀ɛ núu kélee ŋɔkpâlaŋ ŋá.

Zɛkɛrâya 10:7

Ǹyaŋ Ifiraŋ a pâi kɛ̀i yɛ̂ɛ kɔ́-kuluƃa wála-wâla, ǹyaŋ dílii a pâi nɛ̃ɛ̂i yɛ̂ɛ berei núu líi a nɛ̃̂ɛ la ŋwã̂ai mai. Mɛnii ŋí a pâi lɛɛ̂i dílônii kíli ŋá, ǹyaŋ dílii a pâi nɛ̃ɛ̂i Yâwɛɛ ŋɔkpɔŋ-mâai mɛni ma.

Zɛkɛrâya 9:13

Ŋá Zuda kpíri yɛ̂ɛ ŋákerâŋ, ŋá Ifiraŋ kɛ́ a kerâŋ-ɣɛli. Óo Zãiyɔŋ, ŋa pâi ílônii kɛ̂i a ƃóa-sɔ̂kpɔ-ŋa Gurii-ŋai dílônii mɛi. Ǹyaŋ ŋa pâi íkɛ̂i yɛ̂ɛ kɔ-kûluƃa ŋɔƃóa-sɔ̂kpɔ.”

Zɛkɛrâya 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Zia-ƃelai Kɛ́-mɛni-ŋai 14:17

È máŋ kɛ̀ tí, vé fɛ̀ɣɛ ní gbîŋ m̀aa sêre-faa kɛ̂i m̀ɛni lɛ́lɛɛ-ŋai è gɛ̀i mɛni ma. È tuna tɛ̀ɛ kápɔ, é sí-sãa lɛ́lɛ tãi tɛɛ, é mii-sãa tɛ̀ɛ kápɔ kálii é láa ka kɛ́ lii-nɛ̃ɛ kùla.”

Dutɛrɔnome 11:14

gɛ̀ ní a pâi gɛ̂i tuna kɛ́ pù kási-sãai dîa a sama ya da fólo-laa ƃóɔɔ kélee.

Dutɛrɔnome 28:12

A pâi ŋ̀ele-kɔlɔŋ lá ƃôi tuna é pú a bú tãi ǹɔii é yɔɔ kási-sãai dí kpɛtɛ. Ka pâi kpa-pîlii lɔii-ŋuŋ támaa su-ƃela dîa, kɛ́lɛ káfe pâi wɔ́lɔ kpa sonîi dîa.

Dutɛrɔnome 32:2

Tɔɔ ŋásɛŋ lɛ́ɛi é kɛ́ yɛ̂ɛ tuna ƃé pûi, ŋóo kɛ́ tòo yɛ̂ɛ lúu ƃé pûi. Ŋóo kɛ́ tòo yɛ̂ɛ tuna nyɛmɛ-nyɛmɛ ƃé pûi kala ŋûnu ma. Ŋ́oo kɛ́ pù yɛ̂ɛ tuna kɔlɔ saa mà ƃé pûi sí-sɛŋ tɔɔ ma.

Felepiɛŋ 3:1

Gbɛɛ ŋái, ŋánûa, ka lii-nɛ̃ɛ kula Kúnuu-namui kponôi. Vé ḿâ a mɛni kpanaŋ a gɛ́ɛ ŋa m̀ɛni tɔnɔi pɔ̃yɛ kâa, ǹyaŋ ǹɛ́lɛɛ̂i kámɛni ma.

Felepiɛŋ 3:3

Kpɛ́ni fêi, kúa ƃe dí kúsee kpono mâ a tɔ̃yâ, kúai kwa Ɣâla fɛli mɔlêŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono seɛɛ kpono mâ mɛni.

Felepiɛŋ 4:4

Ka lii-nɛ̃ɛ kula Kúnuu-namui kponôi a ɣele kélee. Ŋa ŋɔ́nɔ m̀ôi káa a gɛ́ɛ ká lii-nɛ̃ɛ kula.