Zooɛ 2:21 - Ŋ̀âla Kɔlɔ Maa Waai

²¹ “Óo lɔii, ífe yào. Ílii é nɛ̃́ɛ ílii-nɛ̃ɛ kúla, kpɛ́ni fêi, Yâwɛɛ a mɛni kpaya-kpayaa támaa kɛ́.

Zooɛ 2:21 ပူးပေါင်းရင်းမြစ်များ

Zɛnɛse 15:1

Mɛni-ŋai ŋí kélee pôlu ma, Yâwɛɛ è lòno Eberaŋ pɔ́ zĩ̂a su ǹyɛɛ mai, “Eberaŋ, ífe yào. Ŋa pâi ímaa kɔ̃ɔ̂i. Ífela-fei a pâi kɛ̂i a gɛ́tɛ.”

Wule-woo-ŋa 71:19

Óo Ɣala, íteniŋ ƃô-laai maa mɛ̂ni seriɛɛ̂i ŋ̀ele-kɔlɔŋ su. Ya mɛni kpaya-kpaya támaa kɛ́. Óo Ɣâla, gbɛ̂ɛ ƃé zeriɛɛ̂i ípɔi?

Wule-woo-ŋa 98:8

Ya-lee-ŋa, ka káyee ŋá lókwa. Yée-ŋa, ka koi-nɛ̃ɛ wule too gîe ma Yâwɛɛ ŋɛ́i-tuɛ.

Azaya 35:1

Vɛ̃ɛ-kpâlaŋ-ŋai da ǹɔii kpâlai da pâi lii-nɛ̃ɛ kulâi, kala-ŋa dí tɛ́niŋ vɛ̃ɛ-kpâlaŋ-ŋai su.

Azaya 41:10

Ŋ́gaa kákɔlɛ, káfe yào! Ńyãa ƃa Káɣâlai, sɛŋ da fé pâi ká m̀aa yaôi! Ŋá pâi kákponôi kpananîi, ŋá kpɔŋ mâa tɛ̀ɛ ká pɔ́. Ŋá pâi kámaa kɔ̃ɔi ŋá ká káŋuŋ ma ƃó.

Azaya 44:23

Ɣele-kɔ̂lɔŋ-ŋa, ka láɣi ɣelêi pere a koi-nɛ̃̂ɛ! Káai kélee ǹɔii kpóŋ ma perei, ka láɣi ɣelêi pere a koi-nɛ̃̂ɛ. Óo yée-ŋa, wolâ-ŋa, ka ǹɔɔ wuru-ŋai kélee ka láɣi ɣelêi pere a koi-nɛ̃̂ɛ. Ka láɣi ɣelêi pere a koi-nɛ̃̂ɛ, kpɛ́ni fêi, Yâwɛɛ a ŋɔkɛ́tɛ-laai lɛ́ kûa a Eezuɛ-ŋai ŋuŋ ma ƃóɔɔ.

Azaya 54:4

Ífe yào, núu da fé pâi ŋɔ́nɔ ƃâa kulâi yâ íƃɛlɛ é tóo. Ya pâi niâi ŋ̀umɛi ma íkɛ zu ínuu-tɔɔ-laai sui. Ŋ̀umɛi íkɛ zu ípɔɔ-nɛ̂ni-laai sui, ya pâi niâi gélee ma.

Azaya 55:12

“Ka pâi kulâi Babelɔŋ a lii-nɛ̃ɛ, ka lí lii-sêe su. Ǹyée kpaya-kpayai da bɛlɛ-pɛlɛɛi da pâi kɛ̂i wule-ŋa toôi. Ŋ̀úru-ŋai dia máŋ da pâi kɛ̂i díyee ŋá lôkwai a lii-nɛ̃̂ɛ pere.

Zɛlemaya 33:3

“Ńdoli a tãi kélee, ǹyaŋ à kɛ̀ tí, ŋa pâi íwoo su toôi. Ŋa pâi loo mɛni kpaya-kpaya-ŋa ƃôi yâ nyíi-ŋai ífe mɛni da kɔ́lɔŋ é pîlaŋ dîai.

Osia 2:21

Yâwɛɛ è mò ǹyɛɛi, “M̀aa ɣêlei tí ŋa pâi ŋánûai Eezuɛ-ŋai díɣâla fɛli woo-ŋai mɛnîi. Ŋá gɛ́ tuna é pú ǹɔii ma.

Zooɛ 2:20

Ŋa pâi gotó kpulu-ŋai kpɛ̂i nyii-ŋai kùla ǹɔii ŋûa-pere, ŋá da-ni tɛɛ vɛ̃ɛ-kpâlaŋ su. Ŋa pâi dí túɛ-ƃelai tuâŋ nii gbòlo yâi su, ŋá dí pôlu pere-ƃelai tuâŋ ǹyá-lee kɛ́tɛi su. Dílûla kùŋ a pâi tɛ̂i. Ŋa pâi dí su karâi kpɛ́ni fêi, dí mɛni nyɔ́mɔɔ kɛ̀ a káa.

Zooɛ 2:26

Ka pâi mii-sɛŋ támaa sɔlɔ ƃôi ká mii, kálii é láa, ká Yâwɛɛ láa maa tɛ́ nyii gáa a Káɣâlai, nyii a mɛni lɛ́lɛɛ kɛ̀ kâai. Ǹyaŋ ŋánûai dífe pâi ŋɔ́nɔ wɔ́lɔ ŋumɛi.

Zɛkɛrâya 8:15

ǹyaŋ ŋa nâa gbɛ̀tɛ ŋ́gili ŋá a gɛɛ ŋá mɛni lɛ́lɛɛ kɛ́ a Zerusâlɛŋ da Zuda-ƃelai. Káfe yào.

Dutɛrɔnome 4:32

“Íkili-ŋa sía é pîlaŋ wɔlɔ-wɔlɔi tí su mà, tãi dí fé nîi kɛ̀ ímaa sɔlɔ ƃó ní lai é tóo tãi ma Ɣâla è núu-kpune kpɛ̀tɛ la ŋ̀éniɛi sui. Mɛni kɛ́tɛ kɛ́ɛ ŋí ta a wɔ́lɔ kɛ́ a bɔlɔ? Núu da a tá wɔ́lɔ nyíŋi da mɛni?

Samia Maa-ŋuŋ 12:16

Ka tɔɔ nɔ́ ƃɛ́ ŋí ma, ka pâi Yâwɛɛ ŋɔwála-wala laai kâai.

Samia Maa-ŋuŋ 12:24

Kɛ́lɛ fɛ̂ɛ nɔ́ káa máŋ ká Yâwɛɛ wóo mɛni, ká kɛ́ vɛ̀li a kálii kélee. Fɛ̂ɛ nɔ́ mɛni kɛ́tɛi a gɛ́ kásamai gíli é lɛ́ɛ káŋa.