Zooɛ 2:20 - Ŋ̀âla Kɔlɔ Maa Waai

²⁰ Ŋa pâi gotó kpulu-ŋai kpɛ̂i nyii-ŋai kùla ǹɔii ŋûa-pere, ŋá da-ni tɛɛ vɛ̃ɛ-kpâlaŋ su. Ŋa pâi dí túɛ-ƃelai tuâŋ nii gbòlo yâi su, ŋá dí pôlu pere-ƃelai tuâŋ ǹyá-lee kɛ́tɛi su. Dílûla kùŋ a pâi tɛ̂i. Ŋa pâi dí su karâi kpɛ́ni fêi, dí mɛni nyɔ́mɔɔ kɛ̀ a káa.

Zooɛ 2:20 ပူးပေါင်းရင်းမြစ်များ

Kâloŋ Veerɛi 8:13

Aziɛ è zu tòo ǹyɛɛi, “Ŋa pɔ̂ri mɛni saŋ kɛ́ɛ tí kɛ́ pere kɛ̂i léŋ? Ŋ́gaa nɔ́ a yée-mu-nuu kɛ́ɛ nɔ́ yɛ̂ɛ ɣîla ǹyaŋ wála-wâla-laa kɛ́ɛ tí fé ǹyéei.” Ilasa è zu tòo ǹyɛɛ mai, “Azae, Yâwɛɛ a mó mâ a gɛɛ ƃía ƃé pâi kɛ̂i a Siria kaloŋ ninai.”

Wule-woo-ŋa 126:3

Tɔ̃yâ kpîŋ ma, è mɛni kpaya-kpaya lɛ́lɛɛ kɛ̀ kûɛ. Ǹyaŋ kúlii lâai dí mɛni ma.

Ɛsedɔ 10:19

Nya ƃe Yâwɛɛ è vóloi kulai-pere fãai pène a vóloi liî-pere fãai nyii kɛ̀ a zu kpanaŋɔɔ é gotó-ŋai kélee kùla ǹɔii mâ é dípu Ǹyúo Kpɔ̂lui su. Gotó tɔnɔ kpîŋ fé lɛɛ ní Ize lɔii su.

Ɛsedɔ 8:14

Ize-ŋai dí ǹofo-pomai ŋá tɛ̀ gîe ma a gbulu-ŋa. Ǹɔii gwaa kélee kúŋ è nyɔ̀ŋ a dílûla kuŋ.

Azaya 34:3

Núu da fé pâi kɛ̂i naa é dípoma lóo. Da pâi lûlai díkuŋ é ǹɔii láa fɛ́ɛ. Ǹyée-ŋai kélee su a pâi kɛ̂i a ŋãa tée-têe.

Izikiɛ 47:18

“Vóloi kulâi pere gɔyaŋ perei è sìɣe Dɛmɛika da Auraŋ díloai é sía a Zɔdiŋ Ya-leei kóo Eezuɛ kɛ́ ƃò vóloi liî pere, Gilia kɛ́ ƃò vóloi kulâi pere. È sìɣe naa é seri Tama taa-leei mâ nyii gáa Ǹyúo Saai mai. Ǹyaŋ gɔyaŋ perei ŋí ƃé pâi kɛ̂i vóloi kulâi pere.

Emɔ 4:10

“Ŋa mɛni kpɔ̂lu tɛ̀ɛ kásama yɛ̂ɛ Ize ŋ̀ɔi. Ŋá ká nyáŋkpa-ŋai pàa a ƃóa-sɔ̂kpɔ, ŋá kásoo-ŋai síɣe, ŋá káƃûui kúŋ nyɔ́ŋ kásũai. Berei máŋ è kɛ̀ tí lai, káfe pá ní ḿbɔ pôlu.”

Zɛkɛrâya 14:8

Maa ɣêlei tí fúlu-laa ya a pâi kulâi Zerusâlɛŋ é li Ǹyúo Saai su vóloi-kulâi-pere, m̀éla tɔnɔ é li Mɛditɛrenia Yuoi su vóloi-liî pere. A pâi kɛ̂i nɔ́ tí a fólo-laa ƃóɔɔ da sama-ya ɣele.

Malakai 3:11

Fé pâi ŋɔ́nɔ gotó-ŋai lɛɛ̂i naa díka-sí-sɛŋ-ŋai kara, ǹyaŋ kákpɔmɔ-ƃa kpɔlɔ-ŋai da pâi ƃâi a dámaa.

Dutɛrɔnome 11:24

Ƃɛ́i kélee ka pâi naa sónîi a pâi kɛ̂i a kápɔɔ. Kálɔii su a pâi kɛ̂tɛi é kúla vɛ̃ɛ-kpâlaŋ ma é tóo Lɛƃanɔŋ lɔii ma, é síɣe Yufeletii Ya-leei ma é tóo vóloi liî-pere Mɛditɛrenia Yuoi ma.