Zooɛ 2:19 - Ŋ̀âla Kɔlɔ Maa Waai

¹⁹ Yâwɛɛ è mò ŋɔnûai dîa ǹyɛɛ, “Ka gáa, ŋa mii-sãa, ŋwã̂ai da wúlɔ tɛɛ̂i ká pɔ́, gɛ̀ ní ká líi a pâi lâai. Fé pâi ŋɔ́nɔ ƃâa kulâi kâa ǹɔii ŋuŋ-ŋai su.

Zooɛ 2:19 ပူးပေါင်းရင်းမြစ်များ

Zɛlemaya 31:12

Da pâi pâi dí lii nɛ̃ɛ-wule too Zãiyɔŋ yeei ma, ŋá ƃɛlɛ-see-sãai mɛni ma. Ŋa pâi mii-sãa, ŋwã̂ai, ɔle-wulɔ, ƃála da niŋa-ŋa tɛɛ̂i dípɔ. Da pâi kɛ̂i yɛ̂ɛ zí-sɛŋ nyíi da yá pú ma a ǹɛ́lɛɛi. Zɛŋ nyíi kélee da ŋ̀wɛ̂lii, da pâi zɔlɔ ƃôi.

Izikiɛ 34:29

Ŋa pâi lɔii lɛ́lɛɛ tɛɛ̂i dí pɔ́. Ŋa pâi puru kperâi dí lɔii su. Ǹyaŋ lɔii-ŋuŋ da fé ŋɔ́nɔ pâi ɣɛ́lɛ-maa kulâi díkponôi.

Izikiɛ 36:15

Ḿve ŋɔ́nɔ pâi ǹɛɛ̂i naa ká ǹɔii-ŋûŋ-ŋai díɣɛlɛ-maa wóo-ŋai mɛni. Káfe pâi ŋɔ́nɔ káyee seêi díƃaa-kula-maa tûa-ŋai mu. À kɛ̀ tí, kálɔii fé ŋɔ́nɔ pâi lɛɛ̂i a vólo. Ńyãai a ŋ̀wála-wala kélee Yâwɛɛi ńyãa ƃé mò tí.’ ”

Izikiɛ 36:29

Ŋa pâi ká kulâi kámɛni nyɔ́mɔ-ŋai su ŋá kámaa wáa. Ŋa pâi mii-sɛŋ maa poôi ŋá gɛ́ é támaa puru fa ŋɔ́nɔ ká kɛ̀.

Izikiɛ 36:30

Ŋa pâi gɛ̂i ká sí-sãai dí kpɛtɛ kpɔ́ a dámaa a gɛɛ puru fa ŋɔ́nɔ ƃâa kùla kâa ǹɔii-ŋûŋ-ŋai sáma.

Izikiɛ 39:29

Ḿve ŋɔ́nɔ pâi ŋ́ɛi loôi Eezuɛ-ƃelai dîa. Kɛ́lɛ ŋa pâi gɛ́i ŋá mɔ̃leŋ é kɛ́ dípôlu va kula naa. Ńyãai ŋ́gaa a Ŋ̀wála-wâla kélee Yâwɛɛi ńyãa ƃé mò tí.”

Osia 2:15

Ǹyaŋ nàa ƃé ŋa pâi ŋɔkpɔmɔ kpâlaŋ tɛɛ̂i naa bɔ́. Ŋa pâi Akɔ tiŋ-tiŋ kɛ̂i a kili-kɛ-maa pɛrɛ lá kpòŋ. Nàa ƃé a pâi ŋ́oo su toôi naa yɛ̂ɛ tãi è kɛ̀ la a núu-tɔɔ, da tãi è kùla la Ize lɔii sui.”

Osia 2:21

Yâwɛɛ è mò ǹyɛɛi, “M̀aa ɣêlei tí ŋa pâi ŋánûai Eezuɛ-ŋai díɣâla fɛli woo-ŋai mɛnîi. Ŋá gɛ́ tuna é pú ǹɔii ma.

Osia 2:22

Ǹɔii a pâi mii-sãa, gbɔmɔ-ƃa kpɔlɔi da ŋ̀úlɔ wuru-ŋai kɛ̂i dí kpɛtɛ dí ƃá, dí Zariɛɛ líi láa.

Zooɛ 1:10

Ǹɔii a lɛɛ kpɛ́ni gɛ́ wɔ̂lɔ kpɛ́ni fêi, duma-lâa-ŋai kélee su a kara, ŋwã̂ai a kpɛɛ, ŋ̀úlɔi a kpɛɛ.

Zooɛ 2:24

Kámii-sãa táŋ pɛrɛ-ŋai láa a pâi fɛ̂ɛi a mii-sɛŋ, kákoro-ŋai láa é fɛ́ɛ a wúlɔ da ŋwã̂ai máŋ.

Levetekɔ 26:5

Kási-sãai da pâi ƃâi a zu kɛ́tɛ kálɛɛ díƃa kulâi dísi tãi é seri ŋɔ́nɔ. M̀ii-sãai kélee ǹɛ̂lɛɛi kámɛni mai da pâi kɛ̂i naa kákɛ m̀ii ŋuŋ ma ƃo kɛ́ ƃô káyêei ǹɔii su.

Zɛkɛrâya 8:12

Kpɛ́ni fêi, da pâi dísi-sɛŋ-ŋa sîi lii-sêe su. Díkpɔmɔ-kpâlaŋ-ŋai da pâi ƃâi ǹɔii é dísi-sãai kɛ́ dí kpɛtɛ. Ǹyaŋ tuna támaa a pâi pûi dísi-sãai dîa. Ǹyaŋ zãâi ŋí kélee a pâi kɛ̂i a nɛɛ-pôlu-ƃelai pɔ́ɔ.

Maafîu 6:33

Kɛ́lɛ, ka ŋɔkâloŋ-laai kɔ́ri da ŋɔtɔ̃yâ-laai fulɔi. À kɛ̀ ti, gɛ̀ ní, zãâi ŋí kélee a pâi kɛ̂i a kápɔɔ.

Dutɛrɔnome 11:14

gɛ̀ ní a pâi gɛ̂i tuna kɛ́ pù kási-sãai dîa a sama ya da fólo-laa ƃóɔɔ kélee.

Lûfi 1:6

Nya ƃe è m̀u sìɣe da ǹônii ǹɛyâai ŋí dí kúla Môa lɔii su díkɛ lí pôlu dípɔ-taai, kpɛni fêi, è m̀ɛni Môa lɔii su berei Kúnuu-namui è ŋɔnûai nàa kâa la é mii-sãa tɛɛ dípɔi.