Zooɛ 2:18 - Ŋ̀âla Kɔlɔ Maa Waai

¹⁸ È kɛ̀ tí Yâwɛɛ è tólo kùla ŋɔlɔii mɛni ma, é ǹûai malôŋ káa.

Zooɛ 2:18 ပူးပေါင်းရင်းမြစ်များ

Kâloŋ Veerɛi 19:31

Ǹûai da pâi lɛɛ̂i a dífulu Zerusâlɛŋ da Zãiyɔŋ Yeei ma, kpɛ́ni fêi, Yâwɛɛ a gbɛ̀tɛ gíli ŋá a gɛɛ é nyíŋi kɛ́.

Wule-woo-ŋa 103:13

Berei nɔ́ ǹaŋ-nuu a ǹônii malôŋ kàa lai, bere nɔ́ ƃé Yâwɛɛ a diai malôŋ kàa la da ƃaa kɛ́-maa tɛ̂ɛ bɔ́i.

Wule-woo-ŋa 103:17

Diai da ƃaa kɛ́-maa tɛ̂ɛ Yâwɛɛ pɔ́i, a pâi dí wɛ̂lii, gɛ́ mɛni lɛ́lɛɛ kɛ́ dîɛ, dílônii da díwɔ̂ lònii, wɔ́lɔ-wɔlɔ da wɔlɔ-wɔlɔ,

Azaya 37:32

Ǹûai gbulu-lôŋ a pâi lɛɛ̂i a vúlu Zerusâlɛŋ, gɔ́i pôlu m̀a. Ǹúu kpulu-loŋ nyii-ŋai dífe pâi lɛɛ̂i gɔi sui, da pâi kɛ̂i Zãiyɔŋ Yeei ma da Zerusâlɛŋ gwaa kélee, kpɛ́ni fêi, Ŋ̀wála-wâla kélee Yâwɛɛi a gbɛtɛ gíli ŋá a gɛɛ é gɛ́ tí.

Azaya 42:13

Yâwɛɛ káa yɛ̂ɛ kɔ-kuluƃa. Gbɛtɛɛ̂i a tãi kélee yɛ̂ɛ kɔ-kuluƃa kɔ́-kɔ mɛni ma. A ŋ̀óo pilîi ŋɔkɔ-kuluƃa-ŋai dîa a gɛ́ɛ dí díkpîŋ kpɛtɛ. A ŋɔwála-wala-laai lɛ̀ ŋɔkpɔara-ƃelai dîa.

Azaya 60:10

Yâwɛɛ è mò Zerusâlɛŋ ma ǹyɛɛi, “Ŋɔ̃́ya-ŋa da pâi kásiɣãŋ-ŋai tɔɔ̂i pôlu. À kɛ̀ tí, díkâloŋ-ŋai da pâi tíi kɛ̂i kâa. Ŋá ńii ŋwàna kâa, ŋá kákula maa kɛ́, kɛ́lɛ, ŋa pâi ŋáwɛli-kɛ maai lɛ̂i kâa, ŋá ká malôŋ káa.

Azaya 63:15

Yâwɛɛ, yái íkaa Ɣâla-taa íkwaa ma waai ma da ífolo-laai sui, lɛɛ naa í kú káa ǹɔii ma ƃɛ́. Kwa pɔ̂ri gɔ́lɔnîi léŋ a gɛɛ íkpaaŋɔ̂ɔi kú mɛni ma? Íwala-wâla laai káa mí? Íwɛ̂li-kɛ-maai da íŋɛi-maloŋ kâai káa mí? Ífe nia kûa.

Azaya 63:9

é díkula dímɔ̃lɛ-laai su. Ɣâla-taa kêla fé m̀ɛnii ŋí kɛ́ ní. Kɛ́lɛ Yâwɛɛ ǹyaa kpîŋ ƃé díŋuŋ mâ ƃò. È díŋuŋ mâ ƃò ŋɔmaloŋ kâai da ŋɔwɛli kɛ́-maai sârai. A wɔ́lɔ dímɛi kâa nɔ́ a bɔlɔ.

Zɛlemaya 31:20

“Eezuɛ, íkaa a ŋáwɛli-kɛ-ma loŋ, ǹôloŋ nyíi ŋá ŋ̀wɛ̂li-ni kpɔ́ a ŋ̀ánaai. Tãi kélee ílaa kíli a tôo la ŋ́ai, ŋà ŋ́gili-ŋa sìa a wɛli-kɛ maa é pîlaŋ yâ. Í maa mɛ̂ni káa nɔ́ niî ńii su. Ŋa pâi íŋɛi malôŋ kâai.

Zerusâlɛŋ Karáa Maa Wɔ̂lɔ-wooi 3:22

Yâwɛɛ ŋɔwɛli kɛ́-maa kɛ́tɛi kúmɛni mai, gɔ́yaŋ fé ma. Ŋɔmaloŋ kâai kóyɛŋ fé ma.

Zɛkɛrâya 1:14

Ŋ̀âla-taa-kelai è mò a gɛɛ ŋá m̀ɛnii kélee ƃó nyii Ŋ̀wála-wâla kélee Yâwɛɛ è mò ḿâi, “Wɛli-kɛ́-maa kɛ́tɛ káa ńii su Zerusâlɛŋ mɛni ma nyii gáa a ŋátaa-lêe maa waai da Zãiyɔŋ.

Zɛkɛrâya 8:2

“Tólo kpɛɛ pôlu káa ńii su Zãiyɔŋ mɛni ma, ǹyaŋ tólo kpɛɛ pôlu káa ńii su ŋɔkpɔara-ƃelai mɛni ma.

Lûu 15:20

Nya ƃe e m̀u sìɣe e li ǹâŋ pɔ. “Kɛ́lɛ, gɛɛ kɛ̀ kwaa kôyaa mai, ǹâŋ e gàa, m̀alôŋ e zoŋ, e kîrɛ sìɣe e li e kpulɔ̂ŋ ma, e ǹá-gbɔ see ma.

Dutɛrɔnome 32:16

Dí gɛ̀ Yâwɛɛ é ǹíi ŋwána dîa díɣâla da kpɛ́ni-ŋai fɛli mɛni ma.

Dutɛrɔnome 32:36

Yâwɛɛ a pâi ŋɔnûai dímɛnii ŋá têei é dímalôŋ káa a gàa a gɛɛ pɔ̂ri mâa fé ŋɔ́nɔ díyêei. A pâi dímalôŋ kâai. Dí tɔnɔ kpîŋ da fé pâi lɛɛ̂i a nɛ̃ɛ ma dí kɛ́ a luɛ-ŋa kpaa máŋ díŋuŋ ma ƃoɔɔ.

Dutɛrɔnome 32:43

“Káai ǹɔii-ŋûŋ-ŋai sui ka lii-nɛ̃̂ɛ kula Yâwɛɛ ŋɔnûai maa mɛni mà. Diai da ŋɔnûai pâai, a dí pâa. A ŋɔkpɔara-ƃelai kula maa kɛ̂, é ŋɔnûai dísɔnyɔ̂ŋ su mɛni lɛ̀ɛ.”

Zĩi 5:11

Ka gáa, diai tɔ̀ɔ a gbanaŋɔɔ̂i, kwa dítòli a lii-nɛ̃ɛ-ƃela. Ka mɛni berei Zôo è tɔ̀ɔ la a dɔɔ̂i gbanaŋɔɔ̂i, ǹyaŋ ka Kúnuu-namui ŋɔsapoi káa, berei wɛli-kɛ-maa da maloŋ-kaa káa la Kúnuu-namui yêei.

M̀ɛni-sâa Ƃó-ƃelai 10:16

Maa ɣelei tí zãai dí dí kùla díkɔlɛ lɔii ŋuŋ-ŋai su díkɛ dí fɛlii, dí gélee pìli. Dí pɛ̀lɛ ŋɔ́nɔ Yâwɛɛ fɛlîi. Eezuɛ-ŋai malôŋ è tòo mà dímɔ̃lɛ laai mɛ̂ni ma.