Zooɛ 2:16 - Ŋ̀âla Kɔlɔ Maa Waai

¹⁶ Ka ǹûai ŋáa tɛ́ ma. Lûwa tòo gbɔ̀ŋ ma, ká ǹúu pɔlɔ-ŋai kélee ŋáa tɛ́ ma. Ǹîa-pɛlɛɛi ŋáa tɛ́ ma, da gwâtara-ŋai máŋ. Tɔ́ɔ nɛnî kùla surɔŋ é kúla loŋpoi su, ǹɛnîi ǹyaŋ é kúla ŋ̀ɔi su.

Zooɛ 2:16 ပူးပေါင်းရင်းမြစ်များ

Kɔlɔnikɔ Veerɛi 20:13

Zuda-ƃelai kélee da dínɛyâai é pɛ́lɛ dínîa-pɛlɛɛi dîa, díkelee dí pá dítɔɔ Yâwɛɛ ŋɛ́i Ŋ̀âla-pɛrɛ Kɛ́tɛi lá.

Kɔlɔnikɔ Veerɛi 29:5

E mò dîa ǹyɛɛi, Liiva-ŋa, ka káwoli tɔɔ ḿâ! Ka kákpîŋ maa-waa lonii ma, ká Yâwɛɛ nyíi gáa a kánâŋ ni Díɣâlai ŋɔpɛ́rɛi maa waa. Ka zãa maa liƃiɛɛ-ŋai kélee kula Ŋ̀âla-pɛrɛ Kɛ́tɛi mu.

Kɔlɔnikɔ Veerɛi 30:17

Núu támaa díkɛ gbɔŋ su nyii-ŋai dífe kɛ́ ni a dímaa waa. Diai ni ƃe Liiva-ŋai ƃe daa-tulɛ-ŋai dí díwɔ taa-tulɛ-ŋai paa. Dí Dɛɛ-mɛi kuu ƃalai ŋí paa ǹûai diɛ kpɛ́ni fêi berei ŋí nɔ ƃe dípɔ̂i gɛi la a gɛ́ɛ dí m̀ala-loŋ ŋai maa-waa Yâwɛɛ mɛni ma.

Kɔlɔnikɔ Veerɛi 30:19

nyíi ŋai da díkili tɔɔ Ɣâla, Yâwɛɛ ma nyíi gáa a dínâŋ-ni Díɣâlai, a ǹɛɛ ma dífe kɛ a dímaa waa yɛ̂ɛ berei Ŋ̀âla-pɛrɛ Kɛ́tɛi ŋɔtɔ̂ŋ-ŋai díkaa lai.”

Kɔlɔnikɔ Veerɛi 35:6

Ka Dɛɛ-mɛi kûui maa ƃála-loŋ páa ká kákpîŋ maa waa ká m̀álai kpɛtɛ kánûai maa mɛ̂ni ma, kákɛ m̀ɛnii-ŋai kɛ̀ nyíi Yâwɛɛ è wɔ́lɔ mò kâa Mose sarâi.”

Zôo 1:5

Gúui ŋí kélee a kpɛ̀ɛ, bôlu ma ɣele walai, Zôo a kâa mu sìɣe é sâla kula díkelee dí mɛni ma tɛi-tɛi a gɛɛ é dímaa-waa Ɣâla ŋɛ́i-tuɛ. A kâa m̀ɛnii ŋí kɛ̀ kpɛ́ni fêi a kâa kɛ̀ gíli-ŋa-siai gɛ́ mò ǹyɛɛi, “Tãi da ǹîa-pɛlɛɛi ŋí dɔnɔ è pɔara mâ kɛ̀ é tua-nyɔŋ kɛ́, é Ɣâla larâŋ ǹíi su-pere.”

Wule-woo-ŋa 19:5

Vóloi a ƃêla a ɣele-wala a lii-nɛ̃ɛ yɛ̂ɛ surɔ̂ŋ a kùla ŋɔnɛnîi maa sɛŋ kɔlɛ̂i, gɛ́ pà la bɔ́-taai a lii-nɛ̃ɛ, yɛ̂ɛ kɔ-kuluƃa a kùla gbɔara-ƃela yée mɛi ɣâlei.

Ɛsedɔ 19:10

Yâwɛɛ è mó Mose ma ǹyɛɛi, “Lí ǹûai pɔ́ naa í kpɔ́ŋ dîa dí díkpîŋ kpɛ̀tɛ sâa da tínaa ḿvɛli mɛni ma. Dí díseɣe-ŋai wáa.

Ɛsedɔ 19:15

È mò dîa ǹyɛɛi, “Ka kákpîŋ kpɛ̀tɛ a ŋ̀ele-kûui zaaƃa ɣelei. Káfe lɛ̀ɣɛ nɛnî ma.”

Ɛsedɔ 19:22

Zâla laa-soŋ-ƃelai máŋ da lɛ̂ɣɛ ŋ́gɔlɛi fɛ̂ɛ dí díkpîŋ kpɛ̀tɛ. À wàla kɛ́ tí, ŋa pâi tɔ̂ŋ kpɛ̂i dîa.”

Zooɛ 1:14

Ká kpɔŋ tóo Kánuu-namui Ɣâla ŋɔpɛ́rɛi mu, ká ǹúu pɔlɔ-ŋai kélee ŋáa tɛ́ dí kîe ma da ǹɔii su-ƃelai kélee ká suŋ síɣe ká wɔ́lɔ Yâwɛɛ ma.

Maafîu 21:16

Dí mò ma, dîyɛɛi, “Íkaa m̀ɛnii mɛnîi ǹûai ŋí da môi?” Zîsɛ è mò dîa, ǹyɛɛi, “Ooei. Káfe niî wɔ́lɔ ŋ̀óoi ŋí lono ni, ‘Nia-pɛlɛɛ da kwâtara-ŋa ƃe ya laa-maa-tɛ kpɛtɛ díla ímɛni ma?’ ”

Maafîu 9:15

Nya ƃe Zîsɛ è mò dîa, ǹyɛɛi, “À kɛ̀ nɛnî-kula-surɔŋ à kɛ̀ naa, nɛni-kula-kúui su-ƃelai da wɔ̂lɔ? Ŋele-kuu-ŋai da pâi pâi, tãi da pâi nɛnî-kula-surɔŋ kulâi la díyêei. Maa-tãi tí ƃe da pâi pilîi la súŋ su.

Kɔleŋtiɛŋ Maa-ŋuŋ 7:5

Ka kánɛni-ŋai ká kɛ́ tîi kákîe-ni dîa kápɛrɛ-ŋai mu. Fɛ̂ɛ nɔ́ tãi da, à kɛ̀ a kákpɛtɛ-woo a gɛ́ɛ tãi kpua é lɔ́ káloai, ka kɛ́ Ɣâla-fɛliɛ su a maa-tãi ti. Kɛ́lɛ, tãi kpuai tí à tɛ̀ɛ, ka pá ŋɔnɔ pôlu kákîe ma. A wàla kɛ́ tí gɛ̀ ní lii-kpele fé pâi kɛ̂i káyêei, gɛ̀ ní Sêtɔŋ a pâi su-kɔ́ɔ̂ŋ tɛɛ̂i ká pɔ́ ká wulu-wulu kɛ́.

Zasua 7:13

Ímu síɣe í ǹûai maa wáa. M̀ó dîa yɛ̂ɛi, ‘Ka kákpîŋ kpɛtɛ gɔyɛ̂ŋ mɛni ma tínaa, kpɛ́ni fêi, Eezuɛ Ŋɔɣâlai Yâwɛɛ a nɛ̂i a gɛ́ɛ zãâi díkaa a ḿbɔɔi, da káa káyêei. M̀ɛni ma, káfa pɔ̂ri tɔɔ̂i kákpɔara-ƃelai ŋɛ́i fɛ̂ɛ ká zãâi ŋí kúla kákɔ̃liŋ su!’

Zasua 8:35

Zasua è Mose ŋɔtɔ̂ŋ-ŋai kélee lòno Eezuɛ-ŋai kélee dîɛ, ǹɛyâai da ǹîa-pɛlɛɛi da ŋɔ̃ya-ŋai kɛ̀ dísamai.

Samia Maa-ŋuŋ 16:5

Samia ǹyɛɛi, “Ooei, gáa a laoi-laa naa-kaa. Ŋá pà a gɛ́ɛ ŋá sâla kula Yâwɛɛ ma. Ka kákpîŋ kpɛtɛ ká pá kwaa zâla-laa soŋ-nuui kúla. Ka pá kwáa lí.” Samia è ƃɛlɛ tôli ƃò a Zɛse ǹônii-sinaai a gɛ́ɛ dí pá dí zâlai kúla.