Zooɛ 2:14 - Ŋ̀âla Kɔlɔ Maa Waai

¹⁴ Gbɛ̂ɛ ƃé gɔ́lɔŋ, ɣele da Íɣâlai Yâwɛɛ a pɔ̂ri ǹíi penêi, é ímalôŋ káa, é lûwa-too yâ, ísi-sɛŋ támaa sɔlɔ ƃó. Gɛ̀ ní ƃa pɔ̂ri ísi-sɛŋ m̀á da tɛɛ̂i bɔ́ da ŋwã̂ai a sama-sɛ̂ŋ.

Zooɛ 2:14 ပူးပေါင်းရင်းမြစ်များ

Samia Veerɛi 12:22

È zu tòo ǹyɛɛi, “Ǹôloŋ kɛ́ɛ ɣele mai, ŋá sûŋ sìɣe ŋá wɔ́lɔ. Ŋá kɛ̀ ŋ́gili ŋá siâi ńyɛ̃ɛi, ‘Gbɛ̂ɛ ƃé gɔ́lɔŋ ɣele da Yâwɛɛ a pâi ḿalôŋ kâai é gɛ́ ǹolôŋ é lɛ́ɛ ɣele ma?’

Samia Veerɛi 16:12

Ɣele da Yâwɛɛ a pâi ŋámɛnii kpɔ̂lui kâai é mɛni lɛ́lɛɛ kɛ́ mî ǹónoi a gɛ̂i ḿâi m̀ɛni ma.”

Kâloŋ Veerɛi 19:4

Ɣâla fɛli kú mɛni ma kúai kúkaa nîi a kúfului. Asiria kaloŋ a ŋɔkɔ́-kɔ-ƃelai tɛ́ɛ a gɛɛ é Vúlu-laa Ɣâlai woo-nyɔŋ fé. É kɛ́ a sɛŋ Yâwɛɛ Íɣâlai é ŋoo-nyɔŋ-ŋai ŋí mɛ́ni diai díkaa môi, é tɔ̂ŋ kpɛ́ dîa.”

Ɛsedɔ 32:30

Mose è mò ǹûai dîa a bôlu ma-ɣelei ǹyɛɛi, “Ka sɔnyɔ̂ŋ kɛ́tɛ kɛ́. Ǹyaŋ ŋa pâi tɛ̂i ǹyéei ma Yâwɛɛ pɔ́ naa, tãi da ŋa pâi kásɔnyɔ̂ŋ maa kpera-fe kɛ̂i.”

Azaya 65:8

Yâwɛɛ è m̀o nyɛɛ, “Núu da fa pɔ̂ri kpɔmɔ-ƃa lɛ́lɛɛ karâi, kɛ́lɛ, da ŋwã̂ai kpɛ̀tɛ la. M̀ɛni ma, ḿve pâi ŋánûai kélee su karâi. Diai da tíi kɛ̀ mîi, ŋa pâi díŋuŋ-mâ ƃôi.

Zɛlemaya 18:8

à kɛ̀ m̀aa lɔii-ŋuŋ tí a bôlu tɔ̀ɔ ŋɔmɛni nyɔ́mɔɔi ma, gɛ̀ ní ḿve pâi m̀ɛnii kɛ̂i la ŋá gbɛ̀tɛ é pîlaŋ mai.

Zɛlemaya 26:13

M̀ɛni ma, ka kátûa-pere maa fáleŋ a ǹɛ́lɛɛ, ká Káɣâlai Yâwɛɛ wóo mɛ́ni. Kà gɛ̀ tí, gɛ̀ ní a pâi ǹíi maa fálenîi. Vé pâi kákula-maa kɛ̂i a m̀ɛni kpɔ̂lui nyíi-ŋai è mò a gɛɛ a pâi ǹâai kâai.

Zɛlemaya 26:3

Tãi da, da pâi díwoli tɔɔ̂i, díkpera dítûa-pere nyɔ̂ŋ ma. Da gɛ̀ tí, gɛ̀ ní ŋa pâi ńii maa fálenîi é pîlaŋ m̀ɛni kpɔ̂lui ŋa ŋ̀wɛ̂lii ŋá ǹáa dîai dímɛni nyɔ́mɔɔi mɛni ma.”

Zooɛ 1:13

Sâla-laa soŋ-ƃela, káai ká sâla kùla ŋ̀âla teƃelei mai, ka ƃɔrɔ sâa too kâa ká wɔ́lɔ. Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi, m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.

Zooɛ 1:16

Mii-sɛŋ a kpɛɛ kúyêei. Lii-nɛ̃ɛ da lii-laa fé ŋɔ́nɔ kúyêei Kúɣâlai Ŋɔpɛ́rɛi mu.

Zooɛ 1:9

Zâla láa-soŋ-ƃelai da wɔ̂lɔi, kpɛ́ni fêi, m̀ii-sɛŋ da gbele-sɛŋ sala-sãai da kpɛɛ Yâwɛɛ ŋɔpɛ́rɛi mu.

Emɔ 5:15

Ka mɛni nyɔ́mɔɔ kpɔara, ká mɛni lɛ́lɛɛ wɛ́li, ká tɔ̃yâ-laa kɛ́ ǹûai sáma. Tãi da ƃɛlɛ-see a pâi kɛ̂i Ɣâla Yâwɛɛ yêei Zosɛ ŋɔsuui kpêli-ŋai mɛni ma.

Zôna 1:6

Nya ƃe géleŋ kɛ́-nuui è pà ǹyɛɛ mài, “Lé nyii ƃé íkaa gɛ̂i ŋíi? Ímu siɣe í wɔ́lɔ íɣâlai ma. Tãi da a pâi gíli ŋá siâi kúmɛni ma a gɛɛ kúfe sàa.”

Zôna 3:9

Gbɛ̂ɛ ƃé gɔ́lɔŋ a gɛɛ tãi da Ɣâla a pâi ǹíi maa fálenîi é kúkula ŋɔlii-ŋwâna kɛ́tɛi su a gɛɛ kúfe sàa?”

Zɛfɛnâya 2:3

Ka tínaŋ Yâwɛɛ pɔ́ káai kálii maa yeŋɔɔ̂i ǹɔii sui, káai kà ŋɔtɔ̂ŋ mɛi kâai, ká mɛni sãa kɛ́. Ka ká maa yéŋ Yâwɛɛ ŋɛ́i-tuɛ tãi da ka pɔ̂ri kɛ̂i a káloɔɔ a Yâwɛɛ ŋɔlii-ŋwâna ɣelei.

Egaa 2:19

É síɣe tãi tí ma, mii-sɛŋ káa nîi gerei su? Mɔlɔŋ káa nii gerei su? Kákpɔmɔ-ƃa-kpalaŋ, káfîi wuru-ŋai, kápɔmɔgurane-ŋai, da ká-wuru-ŋai dífe niî kɛ́ ní ƃâi? É síɣe sâa ma, ŋa pâi kɛ̂i nâa lûwa lâai kâa.

Temete Veerɛi 2:25

Diai da tɔ̂ɔ Kúnuu-namui ŋɔtíi-kɛ-nuui ŋɔsɛŋ-lɛ́ɛi mai, fɛ̂ɛ é díteniŋ tɔ́ɔ woo-lɛlɛ ǹá su. Tãi da Ɣâla a pâi dílɛɛ̂i naa dí dílii pene dí dɔ̃yâi kɔ́lɔŋ,

Zasua 14:12

M̀ɛni ma, ǹyée lɔii ŋí tɛ́ɛ ḿbɔ nyíi Yâwɛɛ è góno tèe la ńyêei kpɛ́ni fêi, yá kpîŋ í m̀ɛni a maa ɣêlei tí berei Anakiŋ-ŋai dí kɛ̀ la naa dítaa lêei-ŋai maa tínaŋɔɔ a siɣãŋ. Kɛ́lɛ Yâwɛɛ a pâi kpɔŋ mâa tɛɛ̂i ḿbɔ ŋá díkpɛ yɛ̂ɛ berei è mò lai.”

Samia Maa-ŋuŋ 6:5

Mɛni ma, ka gôo lɔ́ɔlu kpɛtɛ m̀óloŋɔɔ pala ma da gôo lɔ́ɔlu nyíi m̀óloŋɔɔ ŋína ma nyíi-ŋai dí káa ká sí-sɛŋ-ŋai karâi. À kɛ̀ kà ƃaa kɛ́-maa kɛ́ɛ tí tɛ̀ɛ Eezuɛ-ŋai Díɣâlai pɔ́ a zama-sãai ŋí, tãi da a pâi kperâi m̀ɛni kpɔ̂lu saŋ kɛ́ɛ ŋí lâai kâa ka káɣâla-ŋai da kási-sãai.