Zooɛ 2:13 - Ŋ̀âla Kɔlɔ Maa Waai

¹³ Ka kálii su waa, kɛ́lɛ ká seɣe-ŋai fêi.” Ka tínaŋ Yâwɛɛ, Káɣâla pɔ́naa pere, kpɛ́ni fêi, zɔŋ lɛ̂lɛɛi gɛ́ núu malôŋ kàa. Va ǹíi ŋwàna a maa félaa ǹyaŋ ŋɔwɛli kɛ́-maai káa nɔ́ naa wɔ́lɔ-wɔlɔ, gɛ́ sɔnyɔ̂ŋ su mɛni lɛ̀ɛ.

Zooɛ 2:13 ပူးပေါင်းရင်းမြစ်များ

Zɛnɛse 37:29

Tãi Lubiŋ è lì la pôlu ǹóai lái, vé Zosɛ káa ní zui, è ŋɔseɣei fála a lii-soli.

Zɛnɛse 37:34

Nya ƃe Zeeka è ŋɔseɣei fâla é maloŋ too-maa seɣe tôo mà é wɔ́lɔ kpɔ́ ǹóŋ mɛni ma a ɣele kûu támaa.

Samia Veerɛi 1:11

Deeƃé è ŋɔseɣei kùla gɔŋ ma é vála-fala. Ǹyée mu sinaai dia-ni máŋ dí díwɔ̂-ŋai kɛ̀ tí.

Kâloŋ Maa-ŋuŋ 21:27

Eɣa è kɛ́ɛ a ŋ̀óo-ŋai ŋí mɛ́nii, è ŋɔseɣe-ŋai kùla ma é dífala-fâla, é maloŋ too-maa seɣe too ma, è sûŋ sìɣe. È kɛ̀ lâani ƃɔrɔ-sâa su. A kâa kɛ̀ tɛɛ-tɛɛ̂i a lii maa yêŋ pere maloŋ tòo maa su.

Kâloŋ Veerɛi 22:11

Tãi Gâloŋ Zosaya è mɛnii mɛ̀ni la kɛ̀ Ɣâla Ŋɔtɔ̂ŋ Kɔlɔi sui, malôŋ è tòo mà é maa-seɣe fála.

Kâloŋ Veerɛi 22:19

Ŋa berei káa malôŋ è tòo la yâ tãi í ǹono la a gɛɛ ǹɔii da zu-ƃelai kélee su a pâi karâi kpɔ́ kpúŋ-kpuŋ dí kúla ŋ́ɛi. Í ímaa sêɣe fàla maloŋ tôo-maa su ǹyaŋ ŋa íwɔlɔ-woo mɛ̀ni.

Kâloŋ Veerɛi 5:7

Tãi Eezuɛ kaloŋ è gɔlɔi lôno lai, è ŋɔyokpoi fàla-fala lii-too pôlu su ǹyɛɛi, “Ɣâla ƃa ńyãa? Ŋa pɔri núu paâi kpaa máŋ ŋá pá la pôlu fúlu-laa su? Lé ƃé kɛ̀ nalôŋ ŋí a núu tɛɛ̂i ḿbɔ naa a gɛɛ ŋá m̀álo ŋɔkpono ma kɔlɔ-fela nyɔ́mɔɔi yêei? Berei káa a ŋ́gɔ̂rii la a laa-sâai.”

Kâloŋ Veerɛi 6:30

Tãi Eezuɛ kaloŋ è nɛnîi wóo mɛ̀ni lai, è ŋɔkâloŋ yokpoi fàla-fala. Tãi è kɛ̀ siâi la a galai kóoi, ǹûai dí kɛ̀ gâai, ǹyaŋ dí gàa a gɛɛ ƃɔrɔ-sâa è kɛ̀ gbono mâ ŋɔseɣei mu-pere.

Kɔlɔnikɔ Veerɛi 6:27

gɛ̀ ní ye lɛɛ Ɣâla-taa í díwoo mɛni í dísɔnyɔ̂ŋ-ŋai su mɛni lɛɛ, diai díkaa a Eezuɛ-ŋai. Ye dɔ̃yâ-perei lɛ́ dîa í gɛ́ tuna é pú dílɔii su nyíi ya wɔ́lɔ dɛɛ dípɔ a díkɔ̃liŋ.

Niɛmaya 9:17

M̀ɛni-ŋai kélee í mò dîai, dí díyee kùla mù. Zûgbɛlɛ-gbɛlɛ mɛni-ŋai da ŋ̀ɛi kɛ́-maa-ŋai í gɛ̀ díŋɛi Ize lɔii sui, dí nìa gélee ma. Dí kɛ̀ a díwôlii kpɔ́lɔɔ. Dí dílaa túɛ-nuu lɛ̀ a gɛɛ é lí a dia pôlu luɛ-laai su Ize lɔii su. Kɛ́lɛ íkaa a su-mɛni lɛ̂ɛ Ɣala. Maloŋ kâa támaa káa íyêei. Ífa ílii ŋwàna a maa félaa. Í wɛli-kɛ-maai su kɛ̂tɛi. M̀ɛnii ŋí ƃé gɛ̀, ífe íyee kula ní dímu.

Zôo 1:20

Nya ƃe malôŋ è tòo Zôo ma è mù sìɣe é tɔ́ɔ é ŋɔseɣei fála ma, é ŋuŋ kálaŋ ma é pîlaŋ ŋ̀úme ŋá, é dôŋ-la pîlaŋ ǹɔii ma gɛ́ Ɣâla fɛ̀li.

Wule-woo-ŋa 103:8

Yâwɛɛ káa a maloŋ kâa da wɛli kɛ́-maa Ɣala. Va ǹíi ŋwàna a maa félaa. Ŋɔwɛli kɛ́-maai káa a wɔ́lɔ-wɔlɔ wɛli kɛ-maa.

Wule-woo-ŋa 106:45

Vé wɔ́lɔ nia ní gono têei ma è gɛ̀i, kpɛ́ni fêi, ŋɔwɛli kɛ́-maai su kɛ̂tɛi dímɛni ma.

Wule-woo-ŋa 34:18

Diai dílii toɔ̂ɔi pôlui, Yâwɛɛ káa díkɔlɛ. A diai ŋuŋ ma ƃò kili kɛ-zu fé ŋɔ́nɔ díyêei.

Wule-woo-ŋa 51:17

Óo Ɣâla, zâlai nyii a ílii laai ƃa núu tûaa a maa yêŋ-pere. Ífa íyee kùla ǹúui mù nyii a ǹíi pène, m̀aa yeŋɔɔ̂i.

Wule-woo-ŋa 86:15

Óo Ǹuu-namui, íkaa a ŋɛi-maloŋ kâa da wɛli-kɛ-maa Ɣâla. Ílii kpelêɛi, íkɛ ƃò a wɛli-kɛ-maa nuu teniŋ ƃôɔɔ.

Wule-woo-ŋa 86:5

Í sɔŋ lɛ̂lɛɛi, íkɛ kúsɔnyɔ̂ŋ su mɛni lɛ̀ɛ. Íwɛ̂li-kɛ-maai káa naa diai da ífɛ̀lii, dí mɛni ma.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔ̂i, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Azaya 58:5

Kà kɛ̀ sûŋ siɣêi, ka kákpîŋ m̀ɔ̃lɛ. Ka luu sîa kâa, ká malôŋ tôo-maa sêɣe tòo kâa, ká káŋuŋ ma pîlaŋ yɛ̂ɛ wúru-lâa. Nyíŋi ƃé kà dòli a suŋ siɣeɛɛi? Ka gâai kà gɛ̀ tí, ńii a pâi lâai káyêei?

Azaya 66:2

Ńyãa ƃé ŋ̀éniɛi ŋí kélee kpɛ̀tɛ. Gélee káa a ḿbɔɔ. Diai ŋa pâi dímɛi kâai, dia ƃa diai dímaa yeŋɔ̂ɔi, da dípôlu tɔ̀ɔ dísɔnyɔ̂ŋ mai, díkɛ yào ḿâi, da diai da ŋ́oo mɛnii.”

Zɛlemaya 36:7

Ɣele da, da pâi Yâwɛɛ fɛlîi, dí dípôlu tɔɔ dímɛni nyɔ́mɔ-ŋai dîa. Kpɛ́ni fêi Yâwɛɛ a bíli ƃôi a gɛɛ é ǹíi ŋwána ǹûai ŋí dîa a ŋ̀ánaa.”

Zɛlemaya 41:5

kpakolo buu lɔ́ɔlu mɛi-saaƃa dí kùla Sɛkɛŋ, Silo da Sameria. Ǹûai ŋí dí díla-leɣa pù dí díseɣe-ŋai fála-fàla dîa dí díkpîŋ ŋwána-ŋwàna. Dí kɛ̀ liî a mii-sɛŋ da kéreŋ sɛŋ kúŋ nɛ̃ɛ a gɛɛ dí dɛ̀ɛ Ŋ̀âla-pɛrɛ Kɛ́tɛi lá.

Zɛlemaya 42:10

‘À kɛ̀ ka ŋ̀wɛ̂lii kálɛɛ ǹɔii ŋí ma kákaa naai, gɛ̀ ní ŋa pâi káseêi kulâi. Ḿve pâi ǹɛɛ̂i naa káa tóo. Ŋa pâi kásîi ƃɛ́, fa ká wèyeŋ. Berei sîi ŋá kákùla maa kɛ̀ lai, aâ gɛ́ malôŋ a too ḿâ a ŋ̀ánaa.

Izikiɛ 9:4

Yâwɛɛ è mò m̀a ǹyɛɛi, “Lí Zerusâlɛŋ taa-leei su gwaa kélee í pɔɔ kɛ́ ǹûai tôŋ-la nyii-ŋai dílii toɔ̂ɔi pôlu díkɛ wɔ́lɔ kpɛ́ni fêi da m̀ɛni nyɔmɔɔ sãŋ ŋí kɛ́ daa-leei sui.”

Osia 14:1

Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Zôna 3:9

Gbɛ̂ɛ ƃé gɔ́lɔŋ a gɛɛ tãi da Ɣâla a pâi ǹíi maa fálenîi é kúkula ŋɔlii-ŋwâna kɛ́tɛi su a gɛɛ kúfe sàa?”

Zôna 4:2

È Yâwɛɛ fɛ̀li ǹyɛɛi, “Ŋá kɛ̀ a gɔ́lɔŋɔɔ a gɛɛ íkaa a ƃɛlɛ-see da maloŋ-kâa Ɣala, ífaa ílii ŋwàna a maa félaa, wɛli-kɛ-maa kɛ̀ ƃò íyêei, ƃa ílii maa fâleŋ ífaa núu ŋɔsɔnyɔ̂ŋ su too. M̀ɛnii ŋá kɛ̀ ŋ́gili ŋá siâi ma tãi ŋá kɛ̀ niî la ŋálɔii sui nyaa ká ŋí. M̀ɛnii ŋí ƃe gɛ̀ ŋá pú ŋá lí Sipîŋ.

Maka 7:18

Óo Yâwɛɛ, Ɣâla da kpɛ́ni kélee fé naa yɛ̂ɛ ƃía. Ƃa ínûai su-mɛni lɛ̀ɛ nyii-ŋai díkaa nîi ɣele mai. Ífa ílii ŋwàna wɔ́lɔ-wɔlɔ da wɔlɔ-wɔlɔ, kɛ́lɛ ƃa íwɔlɔ-wɔlɔ da wɔlɔ-wɔlɔ wɛli-kɛ-maai lɛ̀ a lii lâa.

Neeuŋ 1:3

Wála-wâla-laa káa Yâwɛɛ yêei, kɛ́lɛ ǹíi ŋwana la fé nɛ̃ɛ ní. Ǹyaŋ a pâi zɔnyɔ̂ŋ-ƃelai kùla maa kɛ̂i. Ƃɛ́i Yâwɛɛ a sîa naai, fãa su kpanaŋɔɔ a tɛ̂ɛ naa, ǹyaŋ ŋ̀ele-kɔ̂lɔŋ kolei ƃa gɔ́ɔ ŋá muluŋ.

Nɔŋba 14:18

‘Ńyãai a Yâwɛɛ Ɣalai, ńii ŋwana-laa fé nɛ̃ɛ ní, wɛli-kɛ-maa támaa kɛ́ ƃò ńyêei. Ŋa sɔnyɔ̂ŋ su-mɛni lɛ̀ɛ da tɔɔ-mâ laa. Kɛ́lɛ ŋa pâi lóŋ-naŋ kélee dísɔnyɔ̂ŋ maa-tɔŋ kpɛ̀i dílônii dîa, ŋá gbɛ́ dílônii lônii dîa.’

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Ifisiɛŋ 2:4

Kɛ́lɛ, Ɣâla ŋɔmaloŋ-kaai kɛ́tɛ̂i, kpɛ́ni fêi, wɛli-kɛ-maa kɛ́tɛ káa ǹyêei kúmɛni ma,

Temete Maa-ŋuŋ 4:8

Kpɛ́ni fêi, berei núu kpono mɛi-kaa lɛ́lɛɛ̂i lai, bere nɔ́ ƃe Ɣâla-mɛni lɛ́lɛɛ̂i la pere sii kélee su máŋ, kpɛ́ni fêi, a kono-tèe kɛ̀ vulu-laai ŋí mɛni ma da vulu-laai pâi pâi máŋ.