Zooɛ 2:11 - Ŋ̀âla Kɔlɔ Maa Waai

¹¹ Yâwɛɛ a ŋ̀óo tɛ̂i ɣelêi ŋɔkɔkuluƃa-ŋai túɛ. Ŋɔkɔkuluƃa-ŋai tâmaai, wála-wâla kɛ́ ƃò diai kélee yêei da ŋ̀óo mɛnii. Ŋɔɣelei káa a ɣele kɛ́tɛ, maa-pɔlɔ-pɔlɔɔ. Gbɛ̂ɛ ƃa pɔ̂ri tɔɔ̂i dúɛi?

Zooɛ 2:11 ပူးပေါင်းရင်းမြစ်များ

Wule-woo-ŋa 18:14

È ŋɔsɔla-ŋai pîli ŋɔkpɔara-ƃelai dí táa-tàa, é ŋ̀ele-gbâna tòo dí sáma dí yao díŋ ma dí pú.

Wule-woo-ŋa 46:6

Lɔii-ŋuŋ-ŋa díkaa túmo-tumoi, kâloŋ-laa-ŋa díkɛ kpɛ̃liŋ. Ɣâla è lòno, ŋ̀óo kɛ́ ƃò yɛ̂ɛ ŋ̀ele-gbana, ǹɔii ŋûŋ-ŋai díkɛ sèɣeŋ.

Wule-woo-ŋa 68:18

È tɛ̀ ŋ̀elei su póŋ-poŋ a kɔ-soŋ támaa. Nûa dí sama-sãa támaa tɛ̀ɛ bɔ́. Ŋɔkpɔara-ƃelai dí sama-sãa tɛ̀ɛ bɔ́ máŋ. Ɣâla Yâwɛɛ a pâi seêi naa.

Azaya 13:4

Íwoli tɔ́ɔ ǹyée-ŋai su tiŋ ma. Lɔii ŋuŋ támaa da kâloŋ-laa lɔii-kpiniŋ támaa díkaa dí ŋáa tɛ̂i gîe ma. Ŋ̀wála-wâla kélee Yâwɛɛ a dípûi díkîe ma kɔ́-kɔ mɛni ma.

Azaya 42:13

Yâwɛɛ káa yɛ̂ɛ kɔ-kuluƃa. Gbɛtɛɛ̂i a tãi kélee yɛ̂ɛ kɔ-kuluƃa kɔ́-kɔ mɛni ma. A ŋ̀óo pilîi ŋɔkɔ-kuluƃa-ŋai dîa a gɛ́ɛ dí díkpîŋ kpɛtɛ. A ŋɔwála-wala-laai lɛ̀ ŋɔkpɔara-ƃelai dîa.

Azaya 7:18

“Maa ɣêlei tí a sèri, Yâwɛɛ a pâi koro fɛ̂ɛi a ŋɛi kɛ́-maa a gɛɛ Ize-ƃelai dí kúla Ǹâai Ya-leei ma-pere yɛ̂ɛ lilî-ŋa dí pá. Asiria-ŋai da pâi kulâi dílɔii su yɛ̂ɛ kɔ̃́iŋ dí pá dí pú dîa.

Zɛlemaya 25:30

“M̀ɛni ma, Zɛlemaya, ye ŋ̀óo-ŋai ŋí ƃó dîa. Kɛ́ dîa: ‘Yâwɛɛ a pâi lâɣii kpɔ́ ŋ̀ele-kɔlɔŋ su é ŋɔ́nɔ láɣi kpɔ́ ŋɔpɛ́rɛi-maa-waai mu. A pâi kpɔ́ lâɣii ǹɔii-ŋuŋ-ŋai dîa a ŋ̀ánaa. A pâi lâɣii kpɔ́ yɛ̂ɛ nûa ƃé kpɔmɔ-ƃa siâi a gɛɛ dí gɛ́ a ŋwã̂ai. A pâi lâɣii kpɔ́ ǹûai kélee díkaa ɣele mai dí ŋ̀óo mɛ́ni.

Zɛlemaya 30:7

Mɛni kpɔ̂lu ɣele maa pɔlɔ-pɔlɔɔ káa pâi. Ŋ̀elei ŋí gɔɔŋ maa fé ma. A pâi kɛ̂i a lii-too pôlu tãi ǹûai mɛ̂ni ma. Kɛ́lɛ dífe pâi lɛɛ̂i zu.”

Zɛlemaya 50:34

Kɛ́lɛ, ǹúui nyíi pâi díkula yêei kɛ̂i, ŋ̀wála-walaai. Ǹáa ƃa Ŋ̀wála-wâla kélee Yâwɛɛ. Ǹyaa kpîŋ ƃé pâi dímɛnii su kâai. Gɛ̀ ní, a pâi pâi a lii-see ŋ̀éniɛi su. Kɛ́lɛ, a pâi mɛni kpɔ̂lu lâai Babelɔŋ ma.”

Izikiɛ 22:14

Ka lâai la a gɛɛ kákili a pâi kɛ̂i nɔ́ nîi a gúlaa, kpaa máŋ ka pâi kɛi nɔ́ a ká wala-walaa a voloi ŋa pâi kpɛɛ̂i la kaai? Ńyãa Yâwɛɛi ńyãa ƃe mò ti, ǹyaŋ ŋa pâi ŋa-see kɛ̂i.

Zooɛ 1:15

Ŋ̀elei maloŋɔɔ̂i kpɛ́ni fêi, Yâwɛɛ ŋɔɣelei a lɛ̀ɣɛ, Ŋ̀wála-wâla kélee Ɣalai a pâi pâi a su-kâra.

Zooɛ 1:6

Gotó-ŋa da pá kú lɔii su, díwala-walai, dítamaa núu fa pɔ̂ri dílônoi. Dínyiŋ ŋá liɛ̂ɛi yɛ̂ɛ yala-sulu, díyee ŋalêŋ kɛ́ ƃò dîa yɛ̂ɛ yala-sulu.

Zooɛ 2:1

Ka dúruii fɛ́ɛ Zãiyɔŋ Yeei ma, ká vɛ́ɛ a ŋ̀óo su kɛ́tɛ ŋáyee maa-waai ma! Tɔɔ ǹɔii su-ƃelai kélee dí kpɛ̃lîŋ. Yâwɛɛ ŋɔtãi a pâi, a nâa lɛ̀ɣɛ.

Zooɛ 2:2

A pâi kɛ̂i a kpíni da ɣele kuyɔɔ, ǹúui pɛ́lɛɛ, gbínii su pîlaŋɔɔ! Gotó kpului-ŋai da pâi kɛ̂i a díwala-wâlaa yɛ̂ɛ núu-kpune, dí ǹyée-ŋai mɛi pɛ́lɛ yɛ̂ɛ kpíni. M̀ɛnii ŋí da fé tá kɛ́ ní ǹyaŋ da fé pâi ŋɔ́nɔ kɛ̂i wɔ́lɔ-wɔlɔ da wɔlɔ-wɔlɔ.

Zooɛ 2:25

Zãâi kélee gotó-ŋai, nyii-ŋai díkaa a ŋákɔ kɔ́-ƃelai dí zu-kara káyêei, ŋa pâi da tɛɛ̂i kápɔ pôlu.

Zooɛ 2:31

Vóloi a pâi penêi a kpíni, ŋ̀áloŋ é pene a ŋãa, Yâwɛɛ ŋɔɣelei é lɛ́ɛ pâi, nyii gáa a ŋ̀ele kɛ́tɛ maa pɔlɔ-pɔlɔɔi.

Zooɛ 3:14

Núu wála támaa káa M̀ɛni ŋá-tee Tiŋ-tiŋ su. Yâwɛɛ ŋɔɣelei a lɛ̀ɣɛ mɛni ŋá-tee mɛni ma diŋ-tiŋ su.

Zooɛ 3:16

Yâwɛɛ wóo káa tɛ̂i Zãiyɔŋ Yeei ma. Ŋ̀óo kɛ́ kùla Zerusâlɛŋ, ŋ̀ele-kɔlɔŋ da ǹɔii díkɛ kpɛ̃lîŋ. Kɛ́lɛ Yâwɛɛ káa a ŋɔnûai mɛi káa-nuu, dɔɔ̂i kpanaŋɔɔ ŋɔnûai Eezuɛ-ŋai mɛni ma.

Emɔ 1:2

Emɔ è mò ǹyɛɛi, “Yâwɛɛ kpéɣe-woo è kùla Zãiyɔŋ, ŋ̀óo é kúla Zerusâlɛŋ. Ǹyaŋ gala ŋûnu lɔii a pâi wɔ̂lɔi, Kamɛɛ Yeei tôŋ é kpála.”

Emɔ 5:18

Kpalo ƃêlaai kâa káai Ɣâla Yâwɛɛ ŋɔɣelei wɛ̂lii! Ka ŋ̀elei ŋí wɛ̂lii lé-mɛni ma? Gáa a kpíni, vé a kwaa-ponoɔ.

Emɔ 5:20

Ɣâla Yâwɛɛ ŋɔɣelei fé a kpíni, nyii vé a kwaa-ponoɔi, zu kpiniɛɛ kpɔ́, zu fé pono ni?

Obadaya 1:15

“Tãi a lɛɣɛ tãi ńyãai a kánuu-namui, ŋa pâi ǹɔii-ŋûŋ-ŋai dímɛni ŋá têei lai. Idɔŋ, berei í tùa lai, bere ƃé da pâi tûai la a yá: íkpɔɔi tua-perei a pâi pûi íŋûa.”

Neeuŋ 1:6

Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔ̂ri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

Malakai 3:2

Kɛ́lɛ ŋ̀elei a pà lai, gbɛ̂ɛ ƃa pɔ̂ri tɔɔ̂i dúɛi? Tãi à pà lai, gbɛ́ɛ ƃé pâi ƃâloi? A pâi kɛ̂i yɛ̂ɛ seɣe-waa-kpolo ŋá liɛɛ, yɛ̂ɛ ŋɔŋ nyii a kpɛ̃́ɛ sèɣeŋ kɔli mai.

Nɔŋba 24:23

Bâlaŋ è ŋɔ́nɔ zĩai-su wóo-ŋai ŋí ƃò ǹyɛɛi, “Gbɛ̂ɛ ƃé pâi lɛ̂ɛi ɣele mâ tãi Ɣâla a pâi nyiŋi kɛ̂i lai?

Tɛsɛlôniɛŋ Maa-ŋuŋ 4:16

Kpɛ́ni fêi, Kúnuu-namui ǹyaa kpîŋ a pâi kulâi ŋ̀elei su a lolo-woo da Ŋ̀âla-taa kela-ŋai dínuu kɛ́tɛi ŋɔtóli-woo da Ɣâla ŋɔtúrui-woo. Zaa-ƃelai nyíi-ŋai díkaa Kôrai kponôi da pâi dímu siɣêi fulɔi.

M̀ɛni-lɛɛi 18:8

bere nɔ́ ƃe ŋɔmɛni-kpɔ̂lu-ŋai da pâi pâi la a ɣele tɔ̂nɔ, dia ƃa saa, wɔ́lɔ, da puru. Ǹyaŋ da pâi gérenîi a ŋɔŋ. Kpɛ́ni fêi, wala-wala káa Kúnuu-namu Ɣâla yêei, nyíi a ŋɔmɛnii ŋá téei.”

M̀ɛni-lɛɛi 6:17

Kpɛ́ni fêi, dílii-ŋwâna-ɣele kɛ́tɛi a pá, ǹyaŋ gbɛ̂ɛ ƃa pɔ̂ri tɔɔ̂i nàa tuɛi?”