Zooɛ 2:10 - Ŋ̀âla Kɔlɔ Maa Waai

¹⁰ Ǹɔii a kɛ̂ kpɛ̃lînii dítuɛ, ŋ̀ele-kɔ̂lɔŋ kɛ́ tùmo-tumo, vóloi da ŋ̀áloŋ su kpíniɛɛ, bɛmɛlɛŋ-kao-ŋai dífa fôlo.

Zooɛ 2:10 ပူးပေါင်းရင်းမြစ်များ

Wule-woo-ŋa 114:7

Ǹuu-namui a pâi, lɔii, ye kpɛ̃lîŋ. Ye kpɛ̃lîŋ Zeeka Ŋɔɣâlai ŋɛ́i-tuɛ.

Wule-woo-ŋa 18:7

Ǹɔii è kpɛ̃liŋ é túmo-tumo. Ǹyée-ŋai dia máŋ da kpɛ̃liŋ dí wólo-wolo dí pú zu, kpɛ́ni fêi, Yâwɛɛ è kɛ̀ a ǹíi ŋwánaa.

Azaya 13:10

Bɛmɛlɛŋ-kao kpaya-kpayaai da bɛlɛɛ-pɛlɛɛi da fé pâi fôloi ǹɔii ma. Vóloi da ŋ̀áloŋ dífe pâi ŋɔ́nɔ kwaa ponoɔɔ tɛɛ̂i ǹɔii pɔ́.

Azaya 34:4

Maa ɣêlei tí, vóloi, ŋ̀áloŋ da bɛmɛlɛŋ-kao-ŋai kélee da pâi penêi a muluŋ. Ŋ̀ele-kɔ̂lɔŋ a pâi kpíninîi yɛ̂ɛ da kɔlɔ-lâa kpìniŋ. À kɛ̀ tí, bɛmɛlɛŋ-kao-ŋai da pâi kɛ̂i yɛ̂ɛ wúru láa a kpàla ma gɛ́ kùla ma gɛ́ pù.

Azaya 5:30

Maa ɣêlei tí, díkpeɣe wôo a pâi kɛ̂i Eezuɛ mɛi yɛ̂ɛ yúo too tîŋ. Malôŋ mɛni tee-tee a pâi kɛ̂i naa. Ŋ̀elei su a pâi kɛ̂i a gbíniɛɛ.

Zɛlemaya 4:23

Ŋa ǹɔii ma kàa, sɛŋ da kélee fé kɛ́ ní m̀a. Ŋá ŋ̀ele-kɔlɔŋ su kàa, ḿve kwaa ponoɔɔ káa ní naa.

Zooɛ 2:2

A pâi kɛ̂i a kpíni da ɣele kuyɔɔ, ǹúui pɛ́lɛɛ, gbínii su pîlaŋɔɔ! Gotó kpului-ŋai da pâi kɛ̂i a díwala-wâlaa yɛ̂ɛ núu-kpune, dí ǹyée-ŋai mɛi pɛ́lɛ yɛ̂ɛ kpíni. M̀ɛnii ŋí da fé tá kɛ́ ní ǹyaŋ da fé pâi ŋɔ́nɔ kɛ̂i wɔ́lɔ-wɔlɔ da wɔlɔ-wɔlɔ.

Zooɛ 2:31

Vóloi a pâi penêi a kpíni, ŋ̀áloŋ é pene a ŋãa, Yâwɛɛ ŋɔɣelei é lɛ́ɛ pâi, nyii gáa a ŋ̀ele kɛ́tɛ maa pɔlɔ-pɔlɔɔi.

Zooɛ 3:4

“Óo Taya da Sidɔŋ, é pɛ́lɛ Felesia lɔii-kpiniŋ-ŋai dîa kákaa a lé ḿɛni ma? Ká káa ŋɔ́nɔ ḿvela-fêi sɛŋ da mɛni ma. Gɛ̀ ní ŋa pâi kásɔnyɔ̂ŋ kélee pûi káŋûa a maa-felaa.

Emɔ 5:8

Nyii Bɛmɛlɛŋ-kao-ŋai kpɛ̂tɛ é gbínii pene a ɣele-wala, é ŋ̀eleƃoɔi pene a kpînii, nyii yá kùla yúo su é bú ǹɔii sui, ǹáa ƃa Yâwɛɛ,

Neeuŋ 1:5

Ǹyée kpaya-kpaya da kpɛ̃liŋ Yâwɛɛ ŋɛ́i túɛ, ǹyée pɛlɛ-pɛlɛɛi dí séɣeŋ gɔ́ɔ mu. Ǹɔii da zãai kélee ŋ̀éniɛi sui dí lɛ́ɛ kpɛ́ni-kpɛni ŋ̀ɛi-tuɛ.

Maafîu 24:29

“Ǹyaŋ a maa félaa kpɔ́ ŋele-ŋai tí su-mɛni-kpɔ̂lui pôlu ma, voloi su a pâi kpínîi. Ŋ̀áloŋ fé pâi ŋɔnɔ fólôi. Bɛmɛlɛŋ-kao-ŋai da pâi kulâi ŋelei su dí too. Ŋ̀elei su-wala-wala-ŋai da pâi kpɛ̃lini.

Maafîu 27:51

Nya ƃe Ŋ̀âla-pɛrɛ Kɛ́tɛi mu-seɣei sú è ƃèla a ḿela feerɛ é síɣe ŋ̀uŋ-tuɛ é yéŋ gwara. Ǹɔii è kpɛ̀liŋ. Gɔni-ŋai dí ƃela.

Zia-ƃelai Kɛ́-mɛni-ŋai 2:20

Vóloi a pâi penêi a kpíni, ŋ̀áloŋ é pene a ŋãa, Kúnuu-namui ŋɔɣelei é lɛ́ɛ pâi, nyíi gáa a ɣele kɛ́tɛ maa ponoɔɔ̂i.

M̀ɛni-lɛɛi 20:11

Ǹaa pôlu mà, ŋá kâloŋ see-sɛŋ kole kɛ́tɛ kâa da ǹúui kɛ̀ seêni ŋái. Ǹɔii da ŋ̀elei dí tɛ̀ɛ a maa félaa dísiɣe ŋ̀ɛi-tuɛ. Kwaa mâ fé kɛ́ ni naa a gɛɛ dí li naa.

M̀ɛni-lɛɛi 6:12

Ǹaa kɛ́ɛ tíi, M̀ála-loŋ è gɔlɔ láa tɛ-sãai mɛi da-ɣelei láa ƃò. Ŋá ǹɔii kâa é kpɛ̃lîŋ a zu kɛ́tɛ. Vóloi è kɛ̀ a dɛi-ɣɛɛ yɛ̂ɛ seɣe nyíi dí gbɛ̀tɛ a ƃɔrɔ-saa tɛi, ŋ̀áloŋ láa fɛ́ɛi è kɛ̀ yɛ̂ɛ ŋãa.

M̀ɛni-lɛɛi 8:12

Ŋ̀âla-taa-kelai náaŋ-ɣelei è ŋɔtúrui fɛ̂ɛ, voloi gwaa kuro ma é túa, da ŋ̀áloŋ gwaa kuro ma, da bɛmɛlɛŋ kao-ŋai díkwaa kuro ma, a gɛɛ dífoloi kwaa kuro ma é kpíni. Ŋ̀elei ŋɔtãi kpua kuro yée mu, voloi fé too ni, ǹyaŋ bere sii tí sú, gbini ŋɔtãi kpua kuro yée mu ŋ̀áloŋ fé fólo ní.

M̀ɛni-lɛɛi 9:2

Ǹóa kɛ́tɛi nyíi gbóŋ kɔyaŋ fé mai, è ǹá ƃò, ǹyaŋ luru è kùla naa yɛ̂ɛ kpaa-tuluŋ kɛ́tɛ, voloi da vãa-laɣii dímaa è kpìni a ǹurui kùla ǹóai tí sui.