Zooɛ 1:9 - Ŋ̀âla Kɔlɔ Maa Waai

⁹ Zâla láa-soŋ-ƃelai da wɔ̂lɔi, kpɛ́ni fêi, m̀ii-sɛŋ da gbele-sɛŋ sala-sãai da kpɛɛ Yâwɛɛ ŋɔpɛ́rɛi mu.

Zooɛ 1:9 ပူးပေါင်းရင်းမြစ်များ

Kɔlɔnikɔ Veerɛi 13:10

“Mɛni a kpera kûa, Yâwɛɛ ƃa Kúɣâlai. Kúfe niî kúyee kula ní mù. Zâla láa-soŋ-ƃelai da tíi kɛ̀ Yâwɛɛ mii, díkaa a Eelɔŋ ǹônii-sinaai. Liiva-ŋai díkaa kpɔŋ mâa tɛɛ̂i dípɔ.

Ɛsedɔ 28:1

“Ílîa Eelɔŋ da ǹônii-sinaai kúla Eezuɛ-ŋai sáma í pá a dia a gɛɛ dí kɛ́ a ŋásâla láa soŋ-ƃela. Pá a Eelɔŋ da ǹônii Nada, Abiu, Ilieza é pɛ́lɛ Itama ma.

Azaya 61:6

Da pâi ká tôlii a Yâwɛɛ ŋɔsâla láa-soŋ ƃela, Ɣâla ŋɔtíi kɛ́-ƃela. Ka pâi ǹɔii-ŋûŋ-ŋai dítɔɔ-sãai ŋàa-nɛ̃̂ɛ kulâi, ká kɛ́ yoŋka tèe a gɛ́ɛ díkaa a ká pɔ́ɔ.

Zerusâlɛŋ Karáa Maa Wɔ̂lɔ-wooi 1:16

“M̀ɛnii ŋí ƃé ŋa wɔ̂lɔi la, ŋ́ɛi-ya kɛ́ yèŋ. Núu da fé naa é ŋ́aa nɛnɛ, é pá ḿbɔ a kili-kɛ zu. Ŋ́gbɔara-ƃelai da ńyee mɛi ɣále, ǹyaŋ ŋánûai da mɔ̃lɛ̂i.

Zerusâlɛŋ Karáa Maa Wɔ̂lɔ-wooi 1:4

Zãiyɔŋ Ɣala-pɛrɛ Kɛ́tɛi lá perei a pú. Núu da fé ŋɔ́nɔ pâi naa gúu-ŋai ŋ̀aa-see kɛ́ mɛni ma. Ziɣãŋ-ŋai lá a lɛɛ a vólo. Zâla láa soŋ-ƃelai dí kɛ́ ǹyîɛ. Ǹɛnî-kpela-ŋai da malôŋ-see ƃôi. Daa lêei káa mɛni kpɔ̂lu su.

Osia 9:4

Dífe pâi pɔrîi lɔɔ tɛɛ̂i Yâwɛɛ pɔ́ a sama-sɛŋ. Dífe pâi ǹíi lâai a dísâla sãai. Dísâla sãai fé pâi kɛ̂i a maa waa yɛ̂ɛ mii-sɛŋ nyii da góraŋ ƃò zàa-ƃelai dîɛi. Diai kélee pâi da miî, dímaa fé pâi kɛ̂i a ŋwaa Ɣâla ŋɛi. M̀ii-sɛŋ ŋí a pâi puru kulâi nɔ́ dîa. Kɛ́lɛ vé pâi lɔ̂i Yâwɛɛ ŋɔpɛ́rɛi mu.

Zooɛ 1:13

Sâla-laa soŋ-ƃela, káai ká sâla kùla ŋ̀âla teƃelei mai, ka ƃɔrɔ sâa too kâa ká wɔ́lɔ. Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi, m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.

Zooɛ 1:16

Mii-sɛŋ a kpɛɛ kúyêei. Lii-nɛ̃ɛ da lii-laa fé ŋɔ́nɔ kúyêei Kúɣâlai Ŋɔpɛ́rɛi mu.

Zooɛ 2:14

Gbɛ̂ɛ ƃé gɔ́lɔŋ, ɣele da Íɣâlai Yâwɛɛ a pɔ̂ri ǹíi penêi, é ímalôŋ káa, é lûwa-too yâ, ísi-sɛŋ támaa sɔlɔ ƃó. Gɛ̀ ní ƃa pɔ̂ri ísi-sɛŋ m̀á da tɛɛ̂i bɔ́ da ŋwã̂ai a sama-sɛ̂ŋ.

Zooɛ 2:17

Tɔɔ zâla láa-soŋ-ƃelai da Yâwɛɛ ŋɔtíi kɛ́-ƃelai dí tɔ́ɔ ŋ̀âla-teƃelei da bɛ́rɛi lá loai dí wɔ́lɔ dîyɛɛi, “Ínûai ƃálo óo Yâwɛɛ. Ífe nɛ̀ɛ naa ƃâa é kúla ípɔɔ-sɛŋ ma é kɛ́ a ɣɛ́lɛ maa sɛŋ ǹɔii ŋuŋ-ŋai su. Dí m̀ó ǹûai dîa dîyɛɛi, ‘Díɣâlai kɔ́ɔ?’ ”