Zooɛ 1:4 - Ŋ̀âla Kɔlɔ Maa Waai

⁴ Gotó kpulu è pù kási-sãai dîa dí mìi. Zí-sãai nyii lɛ̀ɛ naai, gotó kpului veerɛi è mìi. Gwaa-kara gotó-ŋai dí pà dí gbéli míi.

Zooɛ 1:4 ပူးပေါင်းရင်းမြစ်များ

Kâloŋ Maa-ŋuŋ 8:37

“Puru kɛ́tɛ a tòo kpaa sí-sãa paa kɔlɔ-fela a pà ǹɔii su, góto-ŋa kpaa máŋ tonîŋ-ŋa da pà, kpaa máŋ díkpɔara-ƃelai dí kɔ́ pɛ́lɛ dîa, kpaa kɔlɔ-fela sii nyɔ́mɔɔ-ŋa da pà,

Kɔlɔnikɔ Veerɛi 6:28

“À kɛ̀ puru kɛ́tɛ kpaa máŋ laa-kpala-maa kɔlɔ-fela a tòo ǹɔii su, é máŋ kɛ́ yɛ̂ɛ kɔlɔ-fela nyíi a dísi-sãai kpâlai, kpaa máŋ gotó, kpaa máŋ kotêŋ, kpaa máŋ à kɛ̀ díkpɔara-ƃelai da dítaa-lêe-ŋai da sòŋ, kpaa máŋ laa-kpala-maa mɛni kpɔlu da kɔlɔ-fela a dísòŋ,

Kɔlɔnikɔ Veerɛi 7:13

À kɛ̀ ŋa ŋ̀ele-kɔlɔŋ láa tɛ̀ a gɛ́ɛ tuna fé ŋɔ́nɔ pù, kpaa máŋ ŋá gɛ́ góto-ŋa dí ǹɔii su kara, kpaa máŋ ŋá kɔlɔ-fela nyɔ́mɔɔ,

Wule-woo-ŋa 105:34

È lòno gotó-ŋa dí kúla a díkpulu su kɛ́tɛ, nyii núu da fa pɔ̂ri kɛ̀ dílônoi.

Wule-woo-ŋa 78:46

È gotó-ŋa tɛ̀ɛ a gɛɛ dí dísi-sãai míi, dí díkpâlaŋ-ŋai ŋá kara.

Ɛsedɔ 10:4

Kɛ́lɛ à kɛ̀ ƃà wàla fáa a gɛɛ í ŋɔnûai lɛ́ɛ naa dí lí, gɛ̀ ní ŋa pâi gotó támaa tɛɛ̂i ílɔii su tínaa.

Ɛsedɔ 10:5

Da pâi ǹɔii mɛi pɛlɛ̂i kpɔ́ a sɛŋ núu fa ŋɔ́nɔ ǹɔii kaoi mâ kàa. Zãai máŋ zãɔi fé díkara níi, gotó-ŋai da pâi gélee miî dí ŋ̀úru-ŋai kélee mii ílɔii su.

Azaya 33:4

Yɛ̂ɛ berei nɔ́ gotó a sí-sãa láa mìi la dîa kpâlaŋ ŋái, bere nɔ́ kwa pâi gɛ̂i la a kúkpɔara-ƃelai.

Zɛlemaya 51:14

Ŋ̀wála-wâla kélee Yâwɛɛ aâ vóo a gbîŋ a gɛɛ a pâi pâi a kɔ-kuluƃa támaa a gɛɛ dí kɔ́ pɛlɛ Babelɔŋ m̀a yɛ̂ɛ góto-kpulu kɛ́tɛ. Ǹyaŋ da pâi lâɣii a zu-kɛtɛ ǹyée-mɛi ɣále mɛ̂ni ma.

Zɛlemaya 51:27

“Ŋɛi-kɛ-maa kɛ́ a gɛɛ gɔ́i é tée. Gɔ́kɔ turuii fɛ́ɛ a gɛɛ ǹɔii-ŋuŋ-ŋai kélee dí ŋ̀óo mɛ́ni. Ǹɔii-ŋuŋ-ŋai kpɛtɛ a gɛɛ dí kɔ́ pɛ́lɛ Babelɔŋ ma. M̀ó gâloŋ-ŋai kúla Alala, Minii, da Asikena dí gɔ́i tée. Gɔ-kûluƃa-ŋai mɛi-nuu lɛ́ a gɛɛ dítɔɔ gɔ́i láa-tuɛ. Pá a zoo-ŋai nyíi-ŋai dítamaai yɛɛ gotó-kpulu kɛ́tɛi.

Zooɛ 2:25

Zãâi kélee gotó-ŋai, nyii-ŋai díkaa a ŋákɔ kɔ́-ƃelai dí zu-kara káyêei, ŋa pâi da tɛɛ̂i kápɔ pôlu.

Emɔ 4:9

“Ŋá kási-sãai kɛ̀ dí kpála dí sáa. Ŋá kasûa-ŋai da kákpɔmɔ kpalaŋ-ŋai kɛ̀ dí fãya. Gotó-ŋai dí káfîi wuru-ŋai míi da káwulɔ-wuru-ŋai. Bere máŋ è kɛ̀ tí lai, káfe pá ní ḿbɔ pôlu.”

Emɔ 7:1

Ŋá zĩ̂a kàa nyíi Ɣâla Yâwɛɛ è nɛ̀ ḿâi. Zĩai ŋí su, ŋá gàa é gotó kpɛtɛ a tãi galai è kɛ̀ pɔmunii la a tãi veerɛ-ɣelei. Ǹyaŋ è kɛ̀ a tãi veerɛ-ɣelei gâloŋ ŋɔkala téɛɛi pôlu ma.

Malakai 3:11

Fé pâi ŋɔ́nɔ gotó-ŋai lɛɛ̂i naa díka-sí-sɛŋ-ŋai kara, ǹyaŋ kákpɔmɔ-ƃa kpɔlɔ-ŋai da pâi ƃâi a dámaa.

Dutɛrɔnome 28:38

“Ka pâi sí-sãa sîi naa kɛ́lɛ dífe pâi kpɛtɛ̂i kpɛ́ni fêi, gotó-ŋa da pâi dílaa miî dîa.

Dutɛrɔnome 28:42

Gotó kpulu-ŋa da pâi kási-sãai da káwuru-ŋai kélee mɛi pɛ̂lɛi.