Zooɛ 1:20 - Ŋ̀âla Kɔlɔ Maa Waai

²⁰ Zûa-ŋai máŋ da wɔ̂lɔi yâ, kpɛ́ni fêi, ǹyá pɛlɛɛ-ŋai kélee da kpála, ŋɔŋ a galai kélee kéreŋ vɛ̃ɛ-kpâlaŋ su.

Zooɛ 1:20 ပူးပေါင်းရင်းမြစ်များ

Kâloŋ Maa-ŋuŋ 17:7

Ǹya-ɣɛli loŋ ŋí è kpàla tãi su kóyaa tɛ̀ɛ pôlu ma, kpɛ́ni fêi, tuna fé kɛ́ ní pûi ǹɔii su.

Kâloŋ Maa-ŋuŋ 18:5

Eɣa è mò Obadia ma ǹyɛɛi, “Lí í sía ǹɔii su gwaa kélee ǹyá pɛlɛ-pɛlɛɛi ma da diŋ-tiŋ-ŋai su. Ɣele da kwa pɔri kala-ŋunu kâai naa nyíi zoo-ŋai da ŋ̀wɛlɛ-sôo-ŋai da pɔri da miî dílɛɛ a dífulu.”

Zôo 38:41

Gbɛ̂ɛ ƃa gɔ̃ɔ-ŋai kɔ́nɔŋ kùla a tãi puru a dílônii kɛ̂i lai, díkɛ ɣíliŋ díkɛ wɔ̀lɔ Ɣâla ma a gɛɛ é kpɔ́ŋ dîa é dí kɔ́nɔŋ kulai?”

Wule-woo-ŋa 104:21

Ǹyala-sulu-ŋai da kɛ̀ díkɔnɔŋ kɔ̂rii, da kɛ̂ kpêɣei, díkɔnɔŋ nyii Ɣâla è dɛ̀ɛ dímɛni mai.

Wule-woo-ŋa 145:15

Fúlu-sɛŋ kélee kíli tɔɔ̂i yâ, ǹyaŋ ya mii-sɛŋ tɛ̀ɛ dí pɔ́ a tãi da ŋ̀wɛ̂lii lai.

Wule-woo-ŋa 147:9

A zua-ŋai kɔ́nɔŋ kùla, da gɔ̃ɔ lonii nyii-ŋai da wɔ̂lɔ m̀ai.

Zɛlemaya 14:4

Kpɛ́ni fêi tuna fé niî pú ní, ǹyaŋ ǹɔii a kpála a ŋ̀ánaa. Gbâlaŋ-ŋa-tíi kɛ́-ƃelai líi a too pôlu a ŋ̀ánaa da díyee pɛ́lɛ díŋɛi a ŋumɛ pere.

Zɛlemaya 28:8

Ɣâla ŋɔlóno kɛ́-ƃela díwɔlɔ kɛ̀ naa kúlɛɛ pâi kɛ̂i a Ɣâla ŋɔlóno kɛ́-ƃela. Ǹûai ŋí díwɔlɔ ɣâla-woo ƃò a gɛɛ kɔ́, puru, é pɛ́lɛ kɔlɔ-fela nyɔ́mɔɔ-ŋa dîa, da pâi toôi lɔii-ŋuŋ támaa su da kâloŋ-laa támaa dîa.

Zooɛ 1:18

Zua-ŋai da nyîɛi! Daa-tûlɛ-ŋai kíli-ŋa púɔɔ, kpɛ́ni fêi, dí liî fé ŋɔ́nɔ ma, m̀ála-ŋai máŋ da mɔ̃lɛ̂i.