Zooɛ 1:19 - Ŋ̀âla Kɔlɔ Maa Waai

¹⁹ Óo Yâwɛɛ, ŋa wɔ̂lɔi yâ. Ŋɔŋ a galai kélee kéreŋ vɛ̃ɛ-kpâlaŋ su, ŋɔŋ léŋ a ŋ̀úru-ŋai kélee kéreŋ ǹɔii ma.

Zooɛ 1:19 ပူးပေါင်းရင်းမြစ်များ

Wule-woo-ŋa 50:15

Tãi kélee ka kɛ̂ la mɛni kpɔ̂lu sui, ka ńdoli. Ŋa pâi ká ŋuŋ maa ƃôi. À kɛ̀ tí, ka pâi ńaa maa tɛ̂i.”

Wule-woo-ŋa 91:15

Da ńdòli, ŋa pâi díwoo su toôi. Ŋa pâi kɛ̂i díkɔlɛ dímɛni kpɔ̂lui kélee su. Ŋa pâi díŋuŋ ma ƃôi ŋá ƃaa kɛ́-maa tɛ́ɛ dípɔ.

Zɛlemaya 14:4

Kpɛ́ni fêi tuna fé niî pú ní, ǹyaŋ ǹɔii a kpála a ŋ̀ánaa. Gbâlaŋ-ŋa-tíi kɛ́-ƃelai líi a too pôlu a ŋ̀ánaa da díyee pɛ́lɛ díŋɛi a ŋumɛ pere.

Zɛlemaya 3:9

Ŋɔwulu-wulu kɛ́ɛi fé kɛ́ ní ŋ̀ɛ́i a sɛŋ-da. M̀ɛni ma è ǹɔii maa tĩ̂a kàra a gɛɛ sɛŋ kɛ́ɛ yɛ̂ɛ kɔni-ŋa da wúru-ŋa fɛli.

Zɛlemaya 9:10

Ŋá mò ńyɛɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Zɛlemaya 9:9

À kɛ̀ tí, gɛ̀ ní ḿva pɔ̂ri díkula maa kɛ̂i m̀ɛni-ŋai ŋí mɛ̂ni ma? Ŋá pɔ̂ri ŋ̀áa têei. À kɛ̀ tí, ḿva pɔ̂ri tɔɔ̂i ǹɔii-ŋuŋ kɛ́ɛ ŋí ma?”

Zooɛ 2:3

Gotó-ŋa díkɛ̀ ŋ̀úru-ŋai miî yɛ̂ɛ ŋɔŋ-lêŋ. Dítuɛ-pere lɔii káa yɛ̂ɛ Idɛŋ suai, kɛ́lɛ dí pôlu-pere káa yɛ̂ɛ fɛ̃ɛ-kpâlaŋ. Sɛŋ da kélee fa pɔ̂ri pûi díyêei.

Emɔ 1:2

Emɔ è mò ǹyɛɛi, “Yâwɛɛ kpéɣe-woo è kùla Zãiyɔŋ, ŋ̀óo é kúla Zerusâlɛŋ. Ǹyaŋ gala ŋûnu lɔii a pâi wɔ̂lɔi, Kamɛɛ Yeei tôŋ é kpála.”

Emɔ 7:4

Ŋá ŋɔ́nɔ zĩ̂a da kpɛ́ni kàa. Zĩai ŋí su, Ɣâla Yâwɛɛ è ŋɔŋ tɛ̂ɛ a mɛni ŋá-téɛɛ, ǹyaŋ ŋɔŋ è ǹya-loa-ŋai kélee kpàla, ǹyaŋ eêi pɔ̂ri ǹɔii kérenîi.

Maka 7:7

À kɛ̀ a ńyãa, ŋa pâi ŋɛ́i kɛ̂i Yâwɛɛ ma. Ŋa pâi Ɣâla maa kpɛ́nii a kili-kɛ-zu nyii gáa a ŋáƃalo-nuui. Ŋáɣâlai a pâi ŋ́oo mɛnîi.

Lûu 18:1

Nya ƃe e sáŋ sɔ̀ɔ dîa, e ǹɛ dîa a gɛɛ fɛ̂ɛ nûa dí kɛ̀ Ɣâla fɛlîi a tãi kélee, dífii fé kpɛɛ.

Lûu 18:7

Ɣâla fé pâi ŋɔsu-ɣɛɛ-ƃelai kulâi mɛni su diai da wɔ̂lɔ ma ɣele-ƃɔ́ɔ da kpini yée mui? A pâi díkɛ̂i dí maa kpɛŋ a zu kôyaa?