Zooɛ 1:13 - Ŋ̀âla Kɔlɔ Maa Waai

¹³ Sâla-laa soŋ-ƃela, káai ká sâla kùla ŋ̀âla teƃelei mai, ka ƃɔrɔ sâa too kâa ká wɔ́lɔ. Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi, m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.

Zooɛ 1:13 ပူးပေါင်းရင်းမြစ်များ

Samia Veerɛi 12:16

Deeƃé è Ɣâla fɛ̀li ǹolôŋ mɛni ma. È sûŋ sìɣe é nyíi ŋɔpɛ́rɛi mu ǹɔii ma.

Kâloŋ Maa-ŋuŋ 21:27

Eɣa è kɛ́ɛ a ŋ̀óo-ŋai ŋí mɛ́nii, è ŋɔseɣe-ŋai kùla ma é dífala-fâla, é maloŋ too-maa seɣe too ma, è sûŋ sìɣe. È kɛ̀ lâani ƃɔrɔ-sâa su. A kâa kɛ̀ tɛɛ-tɛɛ̂i a lii maa yêŋ pere maloŋ tòo maa su.

Azaya 22:12

Maa ɣêlei tí Ǹuu-namui Ŋ̀wála-wâla kélee Yâwɛɛ è kátòli a gɛɛ ká káŋuŋ kálaŋ ma, ká maloŋ too-maa-seɣe too kâa, ká maloŋ-see ƃó, ká gbêɣei tóo kásɔnyɔ̂ŋ-ŋai mɛni ma.

Azaya 61:6

Da pâi ká tôlii a Yâwɛɛ ŋɔsâla láa-soŋ ƃela, Ɣâla ŋɔtíi kɛ́-ƃela. Ka pâi ǹɔii-ŋûŋ-ŋai dítɔɔ-sãai ŋàa-nɛ̃̂ɛ kulâi, ká kɛ́ yoŋka tèe a gɛ́ɛ díkaa a ká pɔ́ɔ.

Zɛlemaya 4:8

Ka maloŋ tôo maa seɣe too kákɔŋ mâ, ká wɔ́lɔ a ɣelêi pere, kpɛ́ni fêi, Yâwɛɛ lii ŋwânai niî Zuda ma a ŋánaa.

Zɛlemaya 9:10

Ŋá mò ńyɛɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Izikiɛ 21:12

Núu kpune ǹóŋ, ye wɔ́lɔ a ɣelei pere. Kpɛ́ni fei mòa-sɔkpɔi ŋí káa ŋánûai mɛ̂ni ma. Gáa Eezuɛ-ŋai láa-tuɛ ƃelai mɛ̂ni ma. Gáa pâi dí paai. É pɛlɛ ŋá ǹûai kélee dîa. Íkeŋe-la lokwa a maloŋ-too maa pere.

Izikiɛ 27:31

Díkɛ̀ díŋuŋ ƃôi ká maa mɛ̂ni ma. Díkɛ maloŋ tôo-maa seɣe tòo dîa. Dílii è tòo pôlu díkɛ wɔ̀lɔ.

Izikiɛ 7:18

Da pâi maloŋ-tôo maa seɣe tôoi dîa. Dí dímaa ɣiri a mɛni-kpɔlu seɣe. Ŋumɛ a pâi dísonîi. Kpólaŋ è tòo díŋûa a tɛɛ ŋa.

Osia 9:5

Gɛ̀ ní lé ƃé ka pâi gɛ̂i a kákuui ŋ̀ele? Ǹyaŋ lé ƃé ka pâi gɛ̂i a Yâwɛɛ ŋɔkúui ŋ̀ele?

Zooɛ 2:12

Yâwɛɛ ǹyɛɛ, “Loníi ma kpîŋ, ka lene pôlu ká pá ḿbɔ a kálii kélee, ká kɛ́ sûŋ sìɣe, ká kɛ́ malôŋ sèe ƃò.

Zooɛ 2:14

Gbɛ̂ɛ ƃé gɔ́lɔŋ, ɣele da Íɣâlai Yâwɛɛ a pɔ̂ri ǹíi penêi, é ímalôŋ káa, é lûwa-too yâ, ísi-sɛŋ támaa sɔlɔ ƃó. Gɛ̀ ní ƃa pɔ̂ri ísi-sɛŋ m̀á da tɛɛ̂i bɔ́ da ŋwã̂ai a sama-sɛ̂ŋ.

Zooɛ 2:17

Tɔɔ zâla láa-soŋ-ƃelai da Yâwɛɛ ŋɔtíi kɛ́-ƃelai dí tɔ́ɔ ŋ̀âla-teƃelei da bɛ́rɛi lá loai dí wɔ́lɔ dîyɛɛi, “Ínûai ƃálo óo Yâwɛɛ. Ífe nɛ̀ɛ naa ƃâa é kúla ípɔɔ-sɛŋ ma é kɛ́ a ɣɛ́lɛ maa sɛŋ ǹɔii ŋuŋ-ŋai su. Dí m̀ó ǹûai dîa dîyɛɛi, ‘Díɣâlai kɔ́ɔ?’ ”

Nɔŋba 28:14

Gbele-sɛŋ salai é kɛ́ a ŋwãai pãi náaŋ niŋa-sirɛ loŋ tɛi-tɛi mɛni ma, ŋwãai pãi saaƃa m̀ála-sirɛi mɛni ma, da ŋwãai pãi feerɛi m̀ála-sirɛ loŋ tɛi-tɛi mɛni ma. Géreŋ-salai kula-pere ká ŋí a góraŋ kélee ŋɔɣáloŋ tɛi-tɛi ŋɔfólo maa-ŋuŋ mɛni ma. Gbele-sɛŋ salai é kɛ́ a ŋwãai pãi náaŋ niŋa-sirɛ loŋ tɛi-tɛi mɛni ma, ŋwãai pãi saaƃa m̀ála-sirɛi mɛni ma, da ŋwãai pãi feerɛ m̀ála-sirɛ tɛi-tɛi mɛni ma. Géreŋ-salai kula-pere ká ŋí a góraŋ kélee ŋɔɣáloŋ tɛi-tɛi ŋɔfólo maa-ŋuŋ mɛni ma.

Nɔŋba 28:4

Dɔnɔ kula a sâla a ɣele-wala, í dɔnɔ kula a ɣele-wulii.

Nɔŋba 28:7

Fɛ̂ɛ í ŋwãai pãi feerɛ kúla máŋ a kpele-sɛŋ sala ŋ̀âla-teƃelei lá mu Yâwɛɛ mɛni ma a m̀ála-salai maa-ŋuŋ kula-tãi.

Nɔŋba 29:6

Ka zâla-ŋai ŋí kúla ŋáloŋ ŋɔɣele-kuui maa-ŋuŋ ŋɔkéreŋ-salai da maa mii-sɛŋ-salai tɛɛ pôlu ma é pɛ́lɛ ŋ̀ele-kelee kereŋ-salai kuláa ma da maa mii-sɛŋ-salai, bɛ́lɛɛ maa kpele-sɛŋ-salai mâ. Díkaa a kéreŋ-sala kúŋ nɛ̃ɛ Yâwɛɛ mɛni ma.

Kɔleŋtiɛŋ Maa-ŋuŋ 4:1

Tɔɔ núu e gíli ŋá sía é pîlaŋ kûa yɛ̂ɛ Kôrai yée-mu-ƃela da Ɣâla ŋɔkili-ŋa-tɛi mɛni-ŋai mɛi-ƃela.

Kɔleŋtiɛŋ Maa-ŋuŋ 9:13

Káfe gɔ́lɔŋ a gɛ́ɛ diai da tíi kɛ̀ Ŋ̀âla-pɛrɛ kɛ́tɛi mui da dímii-sɛŋ sɔlɔ ƃô Ŋ̀âla-pɛrɛ kɛ́tɛi mu, diai da tíi kɛ̀ teƃele mai, díkɛ zâla-sãai da sɔlɔ ƃo?

Kɔleŋtiɛŋ Veerɛi 11:23

Díkaa a Kôrai yée-mu-ƃela? Berei máŋ ŋ́gaa ƃoo lôno kɛ̂i lai, ńdɛɛ̂i dîa kpɔ́ a ŋ̀ánaa tíi kɛ́ɛ su, kpini-pɛrɛ siɣeɛ su, lókwa su, ŋá kɛ̀ pâi saâi máŋ.

Kɔleŋtiɛŋ Veerɛi 3:6

nyíi a kúkɛ kwa gula kɛ́ a gɛ́ɛ ku kɛ́ a kpanaŋ-woo kɛ́ɛ nina mɛi-ƃelai, ve a tɔ̂ŋ nyíi bɔ̃yɛɛ̂i, kɛ́lɛ, a kulâi M̀ɔlêŋ yêei; kpɛ́ni fêi, dɔ̂ŋ nyíi bɔ̃yɛɛ̂i a núu pàa, kɛ́lɛ, M̀ɔlêŋ a fulu-laa tɛ̀ɛ núu pɔ.

Kɔleŋtiɛŋ Veerɛi 6:4

Kɛ́lɛ, mɛni kélee su kwaa kúkpîŋ lɛ́ a Ɣâla yée-mu-ƃela a fɔlɔ-fɔlɔ mɛni-soli su, mɛni-kpɔ̂lu su, da lii-sɛ̂lɛŋ,

M̀ɛni-lɛɛi 11:3

Ŋa pâi wála-wala tɛɛ̂i ŋásêre feerɛi pɔ́ a gɛɛ dí Ɣâla-woo ƃó ɣele-kuu wála tɔnɔ pôlu ŋuŋ feerɛ pôlu buu lɔ́ɔlu mɛi da (1,260) yée mu, dímaa ɣiriɛ a maloŋ tôo-maa sêɣe.”