Zôo 7:7 - Ŋ̀âla Kɔlɔ Maa Waai

⁷ “Óo Ɣâla, é lɛ́ɛ íkili-ŋa a gɛɛ ŋáfulu-laai káa nɔ́ yɛ̂ɛ fãa. Ḿve ŋɔ́nɔ pâi koi-nɛ̃ɛ kulâi a dɔnɔ kpîŋ.

Zôo 7:7 ပူးပေါင်းရင်းမြစ်များ

Zɛnɛse 42:36

Nya ƃe dínâŋ Zeeka è mò dîa ǹyɛɛi, “Ka pâi ŋánîa-pɛlɛɛi kélee kulâi ńyêei? Zosɛ fé ŋɔ́nɔ naa, Simiɔŋ fé ŋɔ́nɔ naa, ǹyaŋ ka ŋɔ́nɔ kɛ́ liî a Bɛŋsima. Nyíŋi kélee a pú ŋ́ûa!”

Niɛmaya 1:8

Gono têei í gɛ̀ Mose yêei, gíli é lɛ́ɛ í ŋá. Í mò mà yɛ̂ɛi, ‘À kɛ̀ káai a Eezuɛ-ŋai, laa la a wàla kɛ́ káyêei ḿɛni ma, gɛ̀ ní ŋa pâi ká táa-tâai lɔii ŋuŋ da kpɛ́ni-ŋa su.

Zôo 10:20

Ŋá kɛ-ɣeniɛi su fé ŋɔ́nɔ kôyaa-ni. Tée ma a da-loŋ a gɛɛ ŋá fii-tɔɔ loŋ sɔlɔ ƃó,

Zôo 10:9

Ɣâla, kɛ́ a gɔ́lɔŋɔɔ a gɛɛ í ŋ́gbɛ̀tɛ a pɔ̂rɔ. Ya pâi ŋɔ́nɔ ḿvũa-fũai yɛ̂ɛ pɔ̂rɔ?

Zôo 7:16

Ŋá kɛ̀ ɣéniɛi ƃɛlɛ a kpɛɛ ŋ́goi. Ḿve ŋɔ́nɔ ŋ̀wɛ̂lii ŋá kɛ́ ɣele ma. Ye tée ḿâ kpɛ́ni fêi ŋá kɛ̀ ɣéniɛi su fé ŋɔ́nɔ kôyaa-ni.

Zôo 9:25

Ŋáfulu-laai aâ gbâa kpɛ́ɛ, fé mɛni lɛ́lɛɛ da kula ní zu.

Wule-woo-ŋa 39:6

Núu-kpune káa nɔ́ yɛ̂ɛ ninîŋ. Gɛ́ mɛni kélee káa nɔ́ kpɛ́ni-kpɛni. A tɔɔ-sãa sɔlɔ ƃô kɛ́lɛ vé gɔ́lɔŋ gbɛ̂ɛ ƃé a lɛ̂ɛ ǹyêei.

Wule-woo-ŋa 4:6

Núu da-ŋa da kɛ̂ Ɣâla fɛlîi dîyɛɛi, “Óo Yâwɛɛ, ǹɛɛ naa kú mɛni lɛ́lɛɛ sɔlɔ ƃó. Í kúmalôŋ káa.”

Wule-woo-ŋa 74:18

Óo Yâwɛɛ, gáa berei íkpɔara-ƃelai da ɣɛ́lɛ maa kulâi la íkponôi. Dífe a Ɣâla-ƃela. Dífe íkɔlɔŋ. Da díyee kulâi ímu.

Wule-woo-ŋa 74:22

Óo Ɣâla, ímu-siɣe í lóno é pîlaŋ íkpîŋ ma. Gɔ́lɔŋ a gɛɛ diai ímaa mɛ̂ni gbáaŋ fé dîai, da ɣɛ́lɛ maa kulâi íkponôi.

Wule-woo-ŋa 78:39

È gɔ̀lɔŋ a gɛɛ díkaa nɔ́ a núu-kpune-ŋa. Díkaa nɔ́ yɛ̂ɛ fãa nyii a tɛ̀ɛ va ŋɔ́nɔ lène pôlui.

Wule-woo-ŋa 89:47

Gɔ́lɔŋ a gɛɛ ŋáfulu-laai su fé ŋɔ́nɔ kôyaa ní. Í kú kpɛ̀tɛ, kɛ́lɛ kú kɛ̀ ɣeniɛi káa nɔ́ kpɛ́ni-kpɛni.

Wule-woo-ŋa 89:50

Gɔ́lɔŋ diai dífe kpáaŋ ní ímɛni mai, da yola kulâi ńyãai a íyee mu-nuui, ŋ́gbonôi. Da woo nyɔ̂ŋ támaa pilîi ḿâ, ŋ́gɛ mɔ̃lɛ nɔ́ díyêei.

Zɛlemaya 15:15

Nya ƃe ŋá mò, “Yâwɛɛ, ya m̀ɛnii ŋá káa. Ŋ́gili é lɛ́ɛ íŋa í kpɔ́ŋ ḿâ. Tɔ́ɔ diai da mɛni kpɔ̂lu làa ḿâi, ŋá ŋ́ɔ̂i gbà kùla. Ífe í líi kpèle é lɛ́ɛ la zu díyee é tɛ́ɛ ḿâ. Gíli é lɛ́ɛ íŋa a gɛɛ ímaa mɛ̂ni ƃé da ƃâa kulâi la ḿâ.

Zĩi 4:14

Káfe mɛni da kɔ́lɔŋ é pîlaŋ tínaa ma. Káfulu-laai ƃa le? Káai kákaa nɔ́ a lúu nyíi a pɛ̂lɛ nɔ́ a tãi kpua, naa à kɛ̀ tí é táai.