Zôo 7:6 - Ŋ̀âla Kɔlɔ Maa Waai

⁶ Ŋá kɛ̀ ɣéniɛi a tɛɛ̂i a maa félaa yɛ̂ɛ berei seɣe pala-nuu a ŋɔkenai tɛ̀ɛ la a maa félaai. Ŋá ɣele kûui káa tɛɛ̂i a maa félaa. Kɛ ɣéniɛ maa kili kɛ-zu fé ŋɔ́nɔ ńyêei.

Zôo 7:6 ပူးပေါင်းရင်းမြစ်များ

Zôo 13:15

A nɛ̃ɛ ma Ɣâla é ḿbaa, lé ƃé gbáaŋ káa nâa ḿâi? É máŋ kpîŋ kɛ́ tí, ŋa pâi ŋá mɛnii ƃôi kpɔ́ mà ŋ̀ɛ́i téniŋ ma.

Zôo 14:19

Ǹyái a pâi gɔni-ŋai kélee fũai, ǹyá-kpoloŋ a pâi ǹɔii mâ kɔɔ̂i. Gɛ̀ ní ya pâi núu-kpune ŋɔkili-kɛ-zui su-karai.

Zôo 16:22

Ŋá kɛ̀-ɣeniɛi su fé ŋɔ́nɔ kôyaa ni. Ǹyaŋ ŋá máŋ lí, ḿve ŋɔ́nɔ pâi siâi ƃɛ́-pere.”

Zôo 17:1

“Ńɛ̂wo aâ kɛ́ kpɛɛ̂i. Ŋ́âa nâa kɛ́ pâi saâi. Daâ nâa ḿolôŋ tée.

Zôo 17:11

“Ŋá kɛ̀-ɣeniɛi aâ kpɛɛ, ŋá kili-ŋa-siai máŋ aâ kpɛɛ ǹyaŋ kili kɛ-zu fé ŋɔ́nɔ ńyêei.

Zôo 17:15

Lé ƃa ŋá kili-kɛ-zui? Núu da a pɔ̂ri ŋá kɛ-ɣeniɛi ŋɔtínaa tuɛ-pere kâai?

Zôo 17:16

Kwa kili kɛ-zu ƃé pâi liî molôŋ su a tãi tɔnɔi? Ǹyaŋ gili kɛ-zui gáa ńyêei kwa ǹyaa ƃé pâi saâi?”

Zôo 19:10

A ŋ̀olo-wolo yɛ̂ɛ núu a pɛ́rɛ-kâŋ wòlo. A ŋákili tɔɔ-maai ƃúleŋ yɛ̂ɛ núu a wúru ƃùleŋ.

Zôo 6:11

Wála-wala-laa fé ŋɔ́nɔ ńyêei a gɛɛ ŋá kɛ́ ɣele ma. Mɛni ma, lé mɛni ƃé ŋa pâi ńii maa sonîi la tãi kili-kɛ-zu fé ŋɔ́nɔ ńyêei tínaa tuɛ-pere mɛni mai.

Zôo 9:25

Ŋáfulu-laai aâ gbâa kpɛ́ɛ, fé mɛni lɛ́lɛɛ da kula ní zu.

Wule-woo-ŋa 102:11

Ŋáfulu-laai a kɛ́ nɔ́ yɛ̂ɛ fólo a kɛ̀ liî maa ninîŋ. Ŋa kɛ́ nɔ́ yɛ̂ɛ kala kpâla.

Wule-woo-ŋa 144:4

Núu-kpune káa nɔ́ yɛ̂ɛ fãa lâɣi, ŋɔkɛ̀ ɣéniɛi káa nɔ́ yɛ̂ɛ ninîŋ ƃé tɛɛ̂i.

Táre-woo-ŋa 14:32

Ŋ̀wana-lɔ̂ɔ-nuui ŋɔŋwana-lɔ̂ɔ-tuai a ǹyée mɛi ɣâle, kɛ́lɛ tɔ̃yâ-nuu ŋɔtɔ̃yâ-tuai a maa kɔ̃ɔ.

Zɛlemaya 2:25

Ka ká mɛi káa káfe kɛ̀ tɛ̂i, kákɛ yeŋ, kákɔɔ fa lâa saa la, kákɔŋ-la fa lâa kpála la. Kpɛ́ni fêi, kákɛ̀ ɣâla da kpɛ́ni ŋa pôlu. Kɛ́lɛ, ká mò kâai, ‘Ŋ̀uŋ fé ma, ḿve pâi lenêi pôlu. Kpɛ́ni fêi ɣâla da kpɛ́ni-ŋa wɛ́li káa ḿâ. M̀ɛni ma, ŋa pâi lɛɛ̂i dípôlu.’ ”

Ifisiɛŋ 2:12

é lɛ́ɛ kákili ŋá a gɛ́ɛ ká kɛ̀ a kákulaa Kôrai m̀a a maa-tãi ti. Káfe kɛ́ ni a Eezuɛ-ŋai ta. Ká kɛ̀ a ŋɔ̃yâ-ŋa Ɣâla ŋɔkono-teei maa-mɛni kpɛtɛɛi mɛni ma. Kili-kɛ-zu fé kɛ́ ni káyêei, Ɣâla fé tela kɛ́ ni káyêei ŋ̀éniɛi su.

Zĩi 1:11

Kpɛ́ni fêi, vóloi a kûla ŋɔzi-zí kpanaŋɔɔi é galai kpála, boa é pú ǹɛ́lɛ-ŋɛi é kpɛ́ɛ ma. Ǹyaŋ bere nɔ́ ƃe dɔɔ-nûui tí a pâi tɛɛ̂i la ŋɔtûa-perei su.

Zĩi 4:14

Káfe mɛni da kɔ́lɔŋ é pîlaŋ tínaa ma. Káfulu-laai ƃa le? Káai kákaa nɔ́ a lúu nyíi a pɛ̂lɛ nɔ́ a tãi kpua, naa à kɛ̀ tí é táai.

Pitɛ Maa-ŋuŋ 1:13

Mɛni ma ka kákili-ŋa-siai kpɛtɛ ká kɛ́ a káŋuŋ sú séɣeŋɔɔ, ká kákili-kɛ-zui kélee pú m̀ɛlɛ-seei ma nyíi pâi kápɔ a Zîsɛ Kôrai lɛ́ ɣelei.

Pitɛ Maa-ŋuŋ 1:24

Kpɛ́ni fêi, “Núu-kpune kélee káa nɔ́ yɛ̂ɛ kala, núu-kpune kélee ŋɔfólo-laai kɛ́ ƃò yɛ̂ɛ wúru-pôa. Galai a kpâla, boa kɛ́ pù.