Zôo 7:4 - Ŋ̀âla Kɔlɔ Maa Waai

⁴ Tãi ŋà kɛ̀ lâai lai, ŋa kɛ̂ ŋ́gili-ŋa siâi, ŋ́gɛ mò ńyɛɛ, ‘Lé tãi ƃé ɣele a pâi ƃɔ̂i lai?’ Gbínii su kôyaai, láa fé ḿâ, ŋa lɛ̂ɛ kpɔ́ penêi ńaa gbìŋ ŋá é lɛ́ɛ la zu ɣele é ƃɔ́.

Zôo 7:4 ပူးပေါင်းရင်းမြစ်များ

Zôo 17:12

Ḿarâai dífe kpíni da ɣele-ƃɔɔ loai kɔ́lɔŋ. Tãi gbínii a kɛ̂ pɛlɛ̂i lai, da mò dîyɛɛ kwaa ponoɔɔ aâ kɛ́ pâi.

Zôo 30:17

Kpíni a pɛ̀lɛ, ŋ́gao kélee a kɛ̂ sôlii ŋ́gbonôi. Zɛŋ sôli-maai a mɔ̃lɛi kpɔ́ gɔ́yaŋ fé ma.

Wule-woo-ŋa 109:23

Ŋ́gaa nɔ́ yɛ̂ɛ ɣele-wulii niniŋ, ŋáfulu-laai su kpuaa, ŋ́gɛ ƃò yɛ̂ɛ koôŋ-kolo nyii kpâlaŋ ŋá tii kɛ́ nuu a ǹokwa nɔ́ ŋɔsí-sãai ǹáa ma é tóo ǹɔii mai.

Wule-woo-ŋa 130:6

Ŋá Ǹuu-namui maa kpɛ̂ŋ a ŋánaa, é tɛ́ɛ ziɣãŋ mɛi káa nuui ma nyii a kɛ̂ ɣele ƃɔ́ɔ maa kpɛ́nii, é tɛ́ɛ bere ziɣãŋ mɛi káa nuui a kɛ̂ ɣele-ƃɔ́ɔ maa kpɛ́nii lai.

Wule-woo-ŋa 6:6

Ŋa nyîɛi ŋ́gɛ wɔ̀lɔ a kpíni kélee ǹyaŋ kɔlɔ a kpɛɛ ḿâ. Ŋágbìŋ seɣei kélee yɔɔ̂i a ŋ́ɛi-ya.

Wule-woo-ŋa 77:4

Ƃa gɛ̀ fa nyîi a kpíni. À kɛ̀ tí, ńii a kɛ̂ sɛ̂lɛnii fa pɔ̂ri lônoi.

Azaya 54:11

Yâwɛɛ a m̀ôi ǹyɛɛi, “Óo Zerusâlɛŋ taa-leei, yái pɔ̂ri mâa fé yɛ̂, íkɛ mɔ̃lɛi, nyii núu da fé naa é íŋa-nɛnɛi, ŋa pâi íkpoŋ seêi sãai kɛ̂i a kɔni sɔ̃ɔ kpanaŋɔɔ-ŋa.

Dutɛrɔnome 28:67

Ɣele-wâla à kɛ̀ ka pâi m̀ôi kâa, ‘Vêi kpîŋ kɛ̀ a ɣele-wûlii.’ Ɣele-wûlii à kɛ̀ ka m̀ó kâai, ‘Vêi kpîŋ kɛ̀ a ɣele-wâla.’ Ka pâi m̀ôi tí kpɛ́ni fêi ka pâi mɛni kpaya-kpaya támaa kâai.