Zôo 5:5 - Ŋ̀âla Kɔlɔ Maa Waai

⁵ Diai puru káa dîai da pâi m̀oo-ƃelai dímii-sãai kélee miî, é máŋ kɛ́ a nyii-ŋai ŋ̀alêŋ-kpɔlɔi sui. Mii-sɛŋ wɛli-ƃela da pâi tɔɔ̂i dîa dígɔ̃liŋ mɛni ma.

Zôo 5:5 ပူးပေါင်းရင်းမြစ်များ

Kɔlɔnikɔ Veerɛi 33:11

Nya ƃe Yâwɛɛ è gɛ Asiria kaloŋ ŋɔkɔ-kuluƃa ŋai dí pa dí Manasɛ sòŋ a kɔ-sôŋ dí kpawɔ pili zũai, Dí bili ƃara-kpɔnɔ ŋá díli la Babelɔŋ.

Zôo 1:15

Nya ƃe ŋúma-ƃela dí kùla Siƃa-ŋai sáma dí pá dítoo kúsama dí ítii-kɛ-ƃelai kélee kpúŋ páa, dí díi kɛ́-niŋa-sirɛ-ŋai da ŋ̀wɛlɛ-sôo-ŋai kélee kpúŋ síɣe. Ńyãa tɔnɔ nɔ́ ƃé pù ŋá pá a gɛɛ ŋá mó yâ!”

Zôo 1:17

Gélai veerɛi è kɛ̀ nɔ́ pâi ŋ̀óo-ŋuŋ lâai, dɔnɔ kɛ́ ŋɔ́nɔ pà ǹyɛɛ mai, “Too-maa kɛ́-ƃela dí kùla Babelɔŋ dí díŋa kɔ̀lɛ a díkpulu saaƃa dí pá dítoo kûa dí ítii kɛ́-ƃelai kélee kpúŋ páa dí zoo-faleŋ-ŋai kélee kpúŋ síɣe, ńyãa tɔnɔ nɔ́ ƃé lɛ̀ɛ a gɛɛ ŋá pá ŋá mó yâ.”

Zôo 12:6

Ŋúma-ƃela da diai yao maa fé díyêei Ɣâla mɛni mai, díkaa lii-see su. Dí kíli tɔɔ̂i díkpîŋ wala-wala-laai ma a díɣâla.

Zôo 2:3

Nya ƃe Yâwɛɛ è Sêtɔŋ marê kɛ̀ ŋɔ́nɔ ǹyɛɛ mai, “Í ŋátii kɛ́-nuui Zôo kàa a gɛɛ gáa a núu sã́a, deniŋ ƃôɔɔ é tɛ́ɛ ǹûai kélee dîa ǹɔii ŋí mai? A bôlu tɔɔ mɛni nyɔ́mɔɔ kɛ́ɛ ma gɛ́ yào ḿâ. Í ŋ́gɛ a gɛɛ ŋá ǹɛɛ naa í vũa-fũa yɛ̂ɛ muluŋ nyii ŋuŋ fé kɛ́ ní ma, kɛ́lɛ vé mɛni nyɔ́mɔɔ kélee da kɛ́ ni.”

Zôo 20:15

Gáa a wôya-nuu, a ǹûai kɔ̃liŋ kùla díyêei, kɛ́lɛ va pɔ̂ri m̀ɛi kâai. Ɣâla a ǹûai kɔ̃liŋ kùla ǹyêei.

Zôo 20:22

A nɛ̃ɛ ma é dɔɔ-sãai kélee sɔlɔ ƃó, lii-see fé pâi kɛ̂i ǹyêei. Ŋɔmɔ̃lɛ-laai su a pâi nɔ́ kɛ̂tɛi.

Zôo 22:10

Maa mɛni ma, mɛni-kpɔlu a tínaŋ yâ. Ǹyaŋ íkaa nâa yaôi a ŋánaa.

Wule-woo-ŋa 109:11

Tɔɔ kpa soŋ-ƃela dí gɔ̃liŋ kula ǹyêei. Zãâi kélee a kôloi m̀ɛni mai, é kɛ́ a ŋɔ̃́ya-ŋa pɔ́ɔ,

Azaya 62:8

Yâwɛɛ a kono-têe kpanaŋ kɛ́ Zerusâlɛŋ mɛni ma. Ǹyaŋ vé pâi ŋ̀óo siɣêi pôlu ŋɔwála-wâla laai mɛ̂ni ma. È m̀o ǹyɛɛi, “Fé pâi ǹɛɛ̂i naa kási-sãai m̀á da é kɛ́ a kákpɔra-ƃelai kɔ́nɔŋ. Ŋɔ̃́ya-ŋa dífe ŋɔ́nɔ pâi kákpɔmɔ kpâlaŋ-ŋai m̀á ŋ̀aa-nɛ̃ɛ kulâi.

Zɛlemaya 51:34

Babelɔŋ kaloŋ è Zerusâlɛŋ su-tee, é m̀ii, È daa lêei su ƃò yɛ̂ɛ zimi-zɔŋ, é gbele yɛ̂ sɛŋ sîrɛ. Zãâi nyíi è kɛ̀ ŋ̀wɛ̂lii, è zìɣe, é gbéli píli kwaa kôyaa ma.

Zɛlemaya 51:44

Ŋa pâi Babelɔŋ ɣalai Bêe kula-maa kɛ̂i. Ŋa pâi zãâi è zìɣei kélee kpɔ́ kulâi ǹyêei. Ǹyaŋ, lɔii-ŋuŋ da fé ŋɔ́nɔ pâi vɛlîi. “Babelɔŋ ŋɔsiɣãŋ a wólo.

Zerusâlɛŋ Karáa Maa Wɔ̂lɔ-wooi 2:16

Íkpɔara-ƃelai da díla tɔ̀ɔ yâ. Da ɣɛ́lɛ-maa kûla íkponôi dí dísĩ̂a mii a yá dîyɛɛ yâi, “Kwaâ zu kara. Ŋ̀ele kûui ŋí ƃé kú kɛ̀ maa kpɛ́nîi. Kwaâ lɛɛ ɣele ma kwa gáa.”

Zerusâlɛŋ Karáa Maa Wɔ̂lɔ-wooi 2:5

Ǹuu-namui è Eezuɛ su-kara yɛ̂ɛ berei núu kpɔara-nuu a gɛ̀ la lai. È ŋɔkili tɔɔ maa kwaa-ŋai ma kélee su kàra, é ŋɔkâloŋ pɛrɛ-ŋai kélee wólo. È Zuda ŋɔmaloŋ toô-maai da ŋɔwɔ́lɔi su kɛ̀tɛ.

Osia 8:7

À kɛ̀ da vãai sî, da pâi m̀á kulâi a fãa. Sí-sɛŋ nyii mɛi teɛɛ̂i, va ƃà. À kɛ̀ máŋ a ƃà, ŋɔ̃ya-ŋa nɔ́ ƃé pâi m̀á miî.

Dutɛrɔnome 28:33

Núu da kpɛ́ni-ŋa ƃé pâi káfɔnɔ-kpɔrɔi ŋ̀á-nɛ̃ɛ kulâi díkɛ kálùaŋ.

Dutɛrɔnome 28:51

Da pâi kátaa-tulɛ-ŋai da kási-sãai kélee mîi kpɔ́ kpɔlɔwɔ. Mii-sãa, ŋwãai, taa-tûlɛ kpaa máŋ ɔle wúlɔ da fé pâi lɛɛ̂i naa kámii mɛni ma. Ǹyaŋ ka pâi puru siɣêi é lɛ́ɛ la zu káŋuŋ lá é píli kpɔ́ kpɔlɔwɔ.

M̀ɛni-sâa Ƃó-ƃelai 6:11

Ɣele tɔ̂nɔ da Yâwɛɛ ŋɔkélai dɔnɔ è pà é sée ôo wuruii mu Ofura taai kɔlɛ. Ôo wuruii ŋí è kɛ̀ a Zoasi pɔ́ɔ. Zoasi è kɛ̀ a Abiezɛ suui su-nuui da. Zoasi ǹóŋ Gidiɔŋ è ǹoo Midiɛŋ-ŋai dîa é lí ƃɛ́i da kâa ŋwã̂ai kpɛtɛ naai, gɛ́ wîi tàŋ.