Zôo 5:10 - Ŋ̀âla Kɔlɔ Maa Waai

¹⁰ Ɣâla a gɛ̀ tuna é pú ǹɔii ma, gɛ̀ yá pù gbâlaŋ-ŋai ŋá.

Zôo 5:10 ပူးပေါင်းရင်းမြစ်များ

Zôo 28:26

Tãi Ɣâla è ƃɛ́i lɛ̀ la a gɛɛ tuna é pú naai, è berei lɛ̂ ƃɛ́i ŋ̀ele-gbana-kao a tɛ̂ɛ naai.

Zôo 36:27

Ɣâla è ǹyá-ŋai sîɣe é dítɛ ɣelêi, é díkɛ a tuna.

Zôo 36:28

Ǹyaŋ a gɛ̀ dunai ŋí é kúla ŋ̀ele-kɔlɔŋ su gɛ́ pù ǹûai dîa kwaa kélee ma.

Zôo 37:6

Ɣâla a sãɔ tɛ̀ɛ ǹɔii ma, é gɛ́ tuna kɛ́tɛ é pú ǹɔii ma.

Wule-woo-ŋa 147:8

È ŋ̀ele-kɔlɔŋ-ŋai pɛ̂lɛ ŋ̀elei su. A gɛ̀ tuna kɛ́ pù, ǹɔii kɛ́ yɔ̀ɔ, é gɛ́ gala-ŋai díkɛ lɛ̀lɛ ǹyée-ŋai ma.

Wule-woo-ŋa 68:9

Ya gɛ̀ tuna kpɛ́ɛ pôlu é pú ǹɔii ma, ǹɔii nyɔ́mɔɔi é lɛ́lɛ sí-sãa kpɛtɛ mɛ̂ni ma,

Zɛlemaya 10:13

Tãi a lôno lai, ŋ̀elei su a dùa, ǹyái nyíi gáa ŋ̀elei sui, a kpêɣe. A gɛ̀ ŋ̀ele-kɔlɔŋ-kolei é síɣe ŋ̀éniɛi kpɛɛ-ŋa. A ŋ̀ele-gbana ŋɔmãla-mãlai kɛ̀ da tuna dípa, é fãa kula ǹâai kɛ̂i.

Zɛlemaya 14:22

Ŋ̀âla-pɔkɔɔŋ-ŋai díkaa ǹɔii-ŋuŋ-ŋai sui, da fa pɔ̂ri gɛ̂i tuna é pú. Ŋ̀ele-kɔlɔŋ fa pɔ̂ri gɛ̂i tuna é pú gbîŋ-yee ma. M̀ɛni ma, yá nɔ́ ƃé kúkili káa yâ, óo Yâwɛɛ, yái íkaa a Kúɣâlai. Kpɛ́ni fêi yá tɔnɔ nɔ́ ƃé ya pɔ̂ri m̀ɛni-ŋai ŋí kɛ̂i.

Zɛlemaya 5:24

Káfe kákili-ŋa sia ní a gɛɛ ká ƃaa-kɛ-maa tɛ́ɛ ḿbɔ, berei máŋ ŋá dunai maa-ŋuŋ da gbɛɛ-ŋai tɛ̀ɛ la ká pɔ́ é gɛ́ ká mii-sãa támaa sɔlɔ ƃó a kóraŋ kéleei.

Emɔ 4:7

“Ŋa dunai sòŋ a ɣáloŋ saaƃa zi-sɛŋ ba kula-tãi é lɛ́ɛ serîi. Ŋa tuna pú taa-lee tɔnɔ su, fé tuna pú ní taa-lee da kpɛ́ni su. Tuna è pù kpâlaŋ tɔnɔ ŋá, ǹyaŋ gbâlaŋ nyii tuna fé pú ní ŋái, ŋ̀á è kpàla.

Zia-ƃelai Kɛ́-mɛni-ŋai 14:17

È máŋ kɛ̀ tí, vé fɛ̀ɣɛ ní gbîŋ m̀aa sêre-faa kɛ̂i m̀ɛni lɛ́lɛɛ-ŋai è gɛ̀i mɛni ma. È tuna tɛ̀ɛ kápɔ, é sí-sãa lɛ́lɛ tãi tɛɛ, é mii-sãa tɛ̀ɛ kápɔ kálii é láa ka kɛ́ lii-nɛ̃ɛ kùla.”