Zôo 42:8 - Ŋ̀âla Kɔlɔ Maa Waai

⁸ M̀ɛni ma, ka niŋa-sirɛ lɔ́ɔlu mɛi-feerɛ da ƃála-sirɛ lɔ́ɔlu mɛi-feerɛ síɣe ká lí a dia ńyee mu-nuui Zôo pɔ́naa ká kéreŋ sala kula ká mɛni ma. À kɛ̀ tí, ńyee mu-nuui Zôo a pâi Ɣâla fɛlîi ká mɛni ma. Gɛ̀ ní ŋa pâi ńyee seêi ŋɔɣâla fɛli-wooi mu, ḿve pà ƃâa kulâi kâa yɛ̂ɛ berei ká tûa-pere káa lai. Káfe lóno ní a tɔ̃yâ-pere é pîlaŋ ḿâ yɛ̂ɛ berei Zôo è gɛ̀ lai.”

Zôo 42:8 ပူးပေါင်းရင်းမြစ်များ

Zɛnɛse 20:17

Nya ƃe Eberaɣɛ̃ɛ è Ɣâla fɛ̀li. Ɣâla é Abimelɛ ƃálo é ŋɔnɛnîi ƃálo máŋ da ǹúɛ nɛyâai a gɛɛ dí nîa-pɛlɛɛ maa sɔlɔ ƃó.

Zɛnɛse 20:7

Mɛni ma, nalôŋ ŋɔnɛnîi tɛ́ɛ pôlu bɔ́, kpɛ́ni fêi, gáa a ŋálono-kɛ-nuu. A pâi ḿvɛlìi ímɛni ma ífulu-laai su é kôyaa. Kɛ́lɛ ƃà wàla ŋɔnɛnîi tɛ́ɛ bɔ́ pôlu, gɛ̀ ní é kɛ́ íkili ŋá a gɛɛ ka ínûai ka pâi saa títi ƃôi.”

Kɔlɔnikɔ Maa-ŋuŋ 15:26

Dí niŋa-sirɛ lɔ́ɔlu mɛi feerɛ da ƃála-sirɛ lɔ́ɔlu mɛi feerɛ kùla a sâla. Dí zâlai ŋí kùla a gɛ́ɛ Ɣâla é kpɔŋ mâa tɛɛ Liiva-ŋai pɔ́ kɛ̀ liî a Yâwɛɛ Ŋɔkpanaŋ-woo-kɛɛ maa Gãlai.

Kɔlɔnikɔ Veerɛi 29:21

Dí pá a niŋa-sirɛ lɔ́ɔlu-mɛi feerɛ, ƃála-sirɛ lɔ́ɔlu-mɛi feerɛ, ƃála-lonii-sirɛ lɔ́ɔlu-mɛi feerɛ da ƃoli sirɛ lɔ́ɔlu mɛi feerɛ. Dí gélee kula a sɔnyɔ̂ŋ-sala galoŋ-laai mɛ̂ni ma, Ŋ̀âla-pɛrɛ Kɛ́tɛi, é pɛlɛ Zuda ma. Galoŋ è mò zâla láa-soŋ-ƃelai nyíi ŋai kɛ a Eelɔŋ ŋɔsuui su-ƃelai dîa a gɛ́ɛ dí zãai ŋí kula a sâla Yâwɛɛ ŋɔ-ɣâla-teƃelei ŋa.

Zôo 1:5

Gúui ŋí kélee a kpɛ̀ɛ, bôlu ma ɣele walai, Zôo a kâa mu sìɣe é sâla kula díkelee dí mɛni ma tɛi-tɛi a gɛɛ é dímaa-waa Ɣâla ŋɛ́i-tuɛ. A kâa m̀ɛnii ŋí kɛ̀ kpɛ́ni fêi a kâa kɛ̀ gíli-ŋa-siai gɛ́ mò ǹyɛɛi, “Tãi da ǹîa-pɛlɛɛi ŋí dɔnɔ è pɔara mâ kɛ̀ é tua-nyɔŋ kɛ́, é Ɣâla larâŋ ǹíi su-pere.”

Zôo 1:8

Yâwɛɛ è Sêtɔŋ marê kɛ̀ ǹyɛɛ mai, “Yâa ŋátii kɛ́-nuui Zôo káa a gɛɛ gáa a núu sã́a, deniŋ ƃôɔɔ é tɛ́ɛ ǹûai kélee dîa ǹɔii ŋí mai? A bôlu tɔɔ mɛni nyɔ́mɔɔ kɛ́ɛ ma gɛ́ yào ḿâ.”

Zôo 22:30

A pâi íŋuŋ maa ƃôi à kɛ̀ ísɔŋ fé yâ íkɛ teniŋ ƃô mɛni kɛ̀.”

Zôo 35:8

Í ƃarâŋ-ŋai ƃé da mɔ̃lɛ ísɔnyɔ̂ŋ-ŋai su. Ǹyaŋ m̀ɛni lɛ́lɛɛi ya gɛ̀i ƃé a kpɔŋ mâa tɛ̀ɛ íƃarâŋ nuu-kpune-ŋai pɔ́.

Zôo 42:9

Nya ƃe Ɛlifa, Beeda da Zofa nyii-ŋai kɛ̀ a Tema, Sûa, da Naama-ƃelai dí m̀ɛnii kɛ̂ nyii Yâwɛɛ è mò dîa a gɛɛ dí gɛ́i. Ǹyaŋ Yâwɛɛ è ǹyée sèe Zôo ŋɔɣâla fɛli-wooi mu tãi è Ɣâla fɛ̀li lai.

Wule-woo-ŋa 103:10

Va kúkula maa kɛ̂ yɛ̂ɛ berei kúsɔŋ káa lai, kpaa máŋ é kúfela fé kútûa pere ma.

Ɛsedɔ 18:12

Nya ƃe Zɛtulo è kéreŋ sala da sâla da kpɛ́ni-ŋa kùla Ɣâla ma. Eelɔŋ da Eezuɛ núu pɔlɔ-ŋai kélee dí pà a gɛɛ da dîa-ni dí dílaa mii gîe ma Ɣâla ŋɛ́i-tuɛ.

Azaya 60:14

Diai tí kɛ̀ íluanîi, dílônii da pâi pâi dí dímaa pɛ́lɛ, díƃaa-kɛ maa tɛ́ɛ ípɔ. Diai nyii kélee wɔ́lɔ dípôlu tɔ̀ɔ yâi, da pâi tínanîi, dí pɛlɛ íkɔɔ mu, dí ífɛli. Da pâi ítôlii a ‘Yâwɛɛ ŋɔtaa-lêei,’ ‘Zãiyɔŋ nyii gáa a Eezuɛ Ŋɔɣâla Maa Waai ŋɔtaa-lêei.’

Zɛlemaya 14:11

Nya ƃe Yâwɛɛ è mò ḿâ ǹyɛɛi, “Ífe ḿvɛ̀li dímaa mɛni ma a gɛɛ ŋá kpɔŋ mâa tɛɛ dípɔ.

Zɛlemaya 15:1

Nya ƃe Yâwɛɛ è mò ḿâ ǹyɛɛi, “Eêi kɛ̀ Mose da Samia dîi kɛ̀ tɔɔ̂ni ŋ́ɛi túɛ, dí kɛ́ ǹûai ŋí maa kpêra-fei kɛ̀, ḿvêi ŋ́gili-ŋa sìa é pîlaŋ ǹûai ŋí dîa. Dí kúla ŋ́ɛi. Ǹɛɛ náa dí lí.

Izikiɛ 14:14

A kɛ̀ ǹúu saaƃai ŋí, Nôa, Danîa da Zôo da kɛ̀ m̀aa lɔii tí su, díteniŋ ƃó laai nɔ́ ƃé kɛ̀ pâi dí ƃaloi. Ŋ̀wála-wâla kélee Yâwɛɛi ǹyaa kpîŋ ƃé mò tí.

Izikiɛ 45:23

Ǹyaŋ gáa a sɛŋ a gɛɛ gâloŋ é niŋa sîrɛ lɔ́ɔlu mɛi feerɛ da ƃála sîrɛ lɔ́ɔlu mɛi feerɛ nyii kpɔlɔ̂ŋ fé dîai tɛ́ɛ a kéreŋ-sala sãa Ńyãa Yâwɛɛ ḿɛni ma da ƃoli sîrɛ tɔnɔ sɔnyɔ̂ŋ sala kula mɛ̂ni ma. É zãai ŋí tɛ́ɛ a vólo lɔ́ɔlu mɛi feerɛi tí kélee é lɛ́ɛ la zu vóloi ǹɔ́ɔlu mɛi feerɛ ɣelei é seri.

Nɔŋba 23:1

Nya ƃe Bâlaŋ è mò Bâla mà, ǹyɛɛi, “Ɣâla-teƃele lɔ́ɔlu mɛi feerɛ tɔ́ɔ mî ƃɛ́, í pá a niŋa-sirɛ lɔ́ɔlu mɛi feerɛ da ƃála-sirɛ lɔ́ɔlu mɛi feerɛ.”

Nɔŋba 23:14

È lì la Zofiŋ ǹɔɔi su Piga yeei tôŋ su. È Ɣâla-teƃele lɔ́ɔlu mɛi feerɛ tɔ̀ɔ naa é niŋa-sirɛ tɔnɔ da ƃála-sirɛ tɔnɔ kula dîa tɛi-tɛi a sâla.

Nɔŋba 23:29

Bâlaŋ è mò mà ǹyɛɛi, “Ɣâla-teƃele lɔ́ɔlu mɛi feerɛ tɔ́ɔ mî ƃɛ́ í pá a niŋa-sirɛ lɔ́ɔlu mɛi feerɛ da ƃála sirɛ lɔ́ɔlu mɛi feerɛ.”

Maafîu 3:17

Nya ƃe wóo è kùla ŋelei su, ǹyɛɛi, “Ŋáwɛli-kɛ-maa-Lóŋ ká ŋi nyii maa-mɛni a ńii láai.”

Ifisiɛŋ 1:6

a gɛ́ɛ kú ŋɔfólo-laa ƃɛlɛ-sêei maa tɛ́, nyíi è dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Temete Veerɛi 4:14

Alezaŋda nyíi gáa a gɔli-ɣale-nuui è mɛni ŋánaa támaa kɛ̀ a ńyãa. Kúnuu-namui a pâi véla fêi dûa-perei tí mɛni ma.

Ibulu 10:4

Kpɛ́ni fêi, niŋa-ŋãa da ƃoli-ŋãa dífa pɔ̂ri wɔlɔ-wɔlɔ-sɔnyɔ̂ŋ kulâi núu ma.

Ibulu 7:25

Mɛni ma, pɔ̂ri káa mì a gɛɛ é diai ƃálo wɔlɔ-wɔlɔ da wɔlɔ-wɔlɔ da lɛ̂ɣɛ Ɣâla kɔlɛ zarâi. Kpɛ́ni fêi, gáa ɣele ma a tãi kélee a gɛɛ é tɔ́ɔ dímɛni mà.

Zĩi 5:14

Kɔlɔ-fela-nuu káa kásama? Tɔɔ é Kôrai-toli-kpɔŋ su-nuu-pɔlɔ-ŋai tóli dí Ɣâla fɛli m̀ɛi dí wúlɔ pu ŋ̀ûa Kúnuu-namui láai su.

Zĩi 5:16

Mɛni ma ka kásɔnyɔ̂ŋ ƃó kákîe-ni dîa ká Ɣâla fɛ̀li kákîe-ni mɛni ma a gɛɛ ká ƃálo. Wála-wala káa tɔ̃yâ-nuu Ŋɔɣâla-fɛliɛɛi ŋɔtíi su.

Zɔ̂ŋ Maa-ŋuŋ 5:16

À kɛ̀ núu da à marâŋ nuu kàa sɔnyɔ̂ŋ kɛ̂i nyíi vé a núu paa sɔnyɔ̂ŋ, ka Ɣâla fɛ̀li, ǹyaŋ Ɣâla a pâi fúlu-laa tɛɛ̂i diai pɔ́ dísɔnyɔ̂ŋ fé a núu paa sɔnyɔ̂ŋ. Sɔnyɔ̂ŋ da káa naa nyíi gáa a núu paa sɔnyɔ̂ŋ, fé m̀ó ni a gɛɛ núu é Ɣâla fɛli nyíti mɛni ma.

Zɔ̂ŋ Maa-ŋuŋ 5:6

Zîsɛ Kôrai è pà yá da ŋãa sarâi. Yá tɔnɔ nɔ́ fêi, kɛ́lɛ, è pà yá da ŋãa sarâi.

M̀ɛni-lɛɛi 3:9

Diai da kûla Sêtɔŋ ŋɔnúu-kpului su nyíi-ŋai da mò a gɛɛ díkaa a Zûu-ŋa, kɛ́lɛ, dífe lai, kɛ́lɛ díkɛ lɛ́ɛ kɛi, gáa, ŋa pâi díkɛ̂i dí pá dí pɛ́lɛ íkɔɔ mu dí gɔ́lɔŋ a gɛɛ ŋá íwɛli ní.

Samia Maa-ŋuŋ 25:35

Deeƃé è mii-sãai soŋ nyíi Aƃigee è pà lai. Nya ƃe è mò ma ǹyɛɛi, “Ílii fé kɔkɔ, ya pɔri liî pôlu ípɛrɛi la. Ŋa pâi mɛnii kɛ̂i nyíi í maa marê kɛ́ɛ kɛ̀ mai.”