Zôo 42:3 - Ŋ̀âla Kɔlɔ Maa Waai

³ Í marê kɛ̀ yɛ̂ɛ wála-wala-laa lé kɛ́ɛ ƃé ńyêei a gɛɛ ŋá ítɔ̃yâ tua-pere-ŋai maa marê kɛ̀ɛ kɛi. Ŋá lòno é pîlaŋ m̀ɛnii ma ḿve kɛ́ ní a gɔ́lɔŋɔɔi. Ŋá lòno é pîlaŋ mɛni maa pɔlɔ-pɔlɔɔ-ŋa dîa nyii ḿva târe zui.

Zôo 42:3 ပူးပေါင်းရင်းမြစ်များ

Zôo 11:7

Ya pɔ̂ri târei Ɣâla kɛ́-mɛni maa pɔlɔ-pɔlɔɔ-ŋai su? Ya pɔ̂ri kpîŋ târei Ɣâla maa tɔ̃yâ da ŋɔtárei su?

Zôo 11:9

Ɣâla ŋɔtârei kɛ̂tɛi é tɛ́ɛ ǹɔii ŋɔkɛ́tɛi ma. Gɛ̂tɛi máŋ é tɛ́ɛ yúo ŋɔŋa kɛ̂tɛi ma.

Zôo 13:1

M̀ɛni-ŋai nyii kélee ŋa môi, ŋa gélee káa a ŋ́gbîŋ ŋɛi-gao, ŋá mɛ̀ni a ŋ́gbîŋ woli, ǹyaŋ ŋá tàre zu.

Zôo 38:2

“Lé wala-wala-laa ƃé íyêei a gɛɛ í ŋámɛni kpɛtɛɛi kpéra a í ƃoo lôno-ŋai?

Zôo 5:9

Kúfa târe gili-ŋa tɛ̂i mɛni kpaya-kpaya-ŋai su Ɣâla a gɛ̀i, ǹyaŋ ŋɔzugbɛrɛ-gbɛrɛ mɛni-ŋai kóyaŋ fé ma.

Wule-woo-ŋa 131:1

Óo Yâwɛɛ, ŋa ńyee kúla ŋá ŋɛi-tɛ̂-tuai su, ŋá ḿbôlu tɔɔ ŋá wôya tua-ŋai ma. Ŋ́gili fé tɔɔ ní mɛni kpaya-kpaya-ŋa dîa, kpaa máŋ mɛni mĩli-mĩliɛɛ ŋaa ma.

Wule-woo-ŋa 139:6

Ítareɛ̂ɛi ḿaa mɛ̂ni kélee su, ḿva táre zui.

Wule-woo-ŋa 40:5

Óo Yâwɛɛ Ŋáɣâlai, ya mɛni lɛ́lɛɛ támaa kɛ́ kûɛ. Núu da fé naa zeriɛɛ ípɔ. Ya mɛni mĩli-mĩliɛɛ támaa kpɛ̀tɛ kúmɛni ma. M̀ɛni-ŋai ya gɛ̀ kûɛi fa pɔ̂ri gélee ƃôi, kpɛ́ni fêi, dítâmaai, dí mĩli-mĩliɛɛ.