Zôo 42:2 - Ŋ̀âla Kɔlɔ Maa Waai

² “Ŋá gɔ́lɔŋ a gɛɛ ya pɔ̂ri mɛni sîi kélee kpɔ́ kɛ̂i. M̀ɛnii nyii kélee kpɔ́ gbɛtɛ̂i íkili-ŋai, ya pɔ̂ri gɛ̂i núu da fa pɔ̂ri íkperâi mà.

Zôo 42:2 ပူးပေါင်းရင်းမြစ်များ

Zɛnɛse 18:14

Mɛni da káa naa gbanaŋɔɔ̂i Yâwɛɛ ma? Kóraŋ tɔnɔ à tɛ̀ɛ ŋa pâi pâi pôlu ípɔ. Ǹyaŋ ínɛnîi Seera a pâi lóŋ-surɔ̂ŋ maa sɔlɔ ƃôi.”

Zôo 23:13

“M̀ɛnii nyii Ɣâla a gbɛ̀tɛ gíli-ŋa a gɛɛ é gɛ́i, nya ƃe a gɛ̀. Sɛŋ da kélee fa pɔ̂ri ǹíi maa fálenîi.

Zôo 25:2

“Ɣâla ŋɔkâloŋ-laai su kɛ̂tɛi, m̀ɛni ma ka ƃaa-kɛ-maa tɛ́ɛ bɔ́. A pá a lii seê ŋɔkâloŋ-laai su bɔ́-taai.

Zôo 42:1

Nya ƃe Zôo è Yâwɛɛ wóo su tòo ǹyɛɛ mai,

Wule-woo-ŋa 135:6

M̀ɛni-ŋai kélee a ŋ̀wɛ̂li é gɛ́ ŋ̀elei su, ǹɔii ma, yúo su, da yúo káo ma kéleei, a gɛ̀.

Wule-woo-ŋa 139:2

Í tãi kɔ́lɔŋ ŋa kɛ ḿvii tɔɔ̂i la, kpáa máŋ ŋà kɛ̀ tíi kɛ̂i. Ya lɛ̂ɛ kwaa kôyaa ma í ŋá kili-ŋa sîai kélee kɔ́lɔŋ.

Wule-woo-ŋa 44:21

gɛ̀ nî ya gɔ́lɔŋ, kpɛ́ni fêi, í kúlii su mɛni kélee kɔ́lɔŋ.

Táre-woo-ŋa 19:21

Núu-kpune líi-su-mɛni tâmai, kɛ́lɛ Ɣâla Yâwɛɛ nîa-mɛnii a pâi kɛ̂i.

Ikilisiati 3:14

Ŋá gɔ́lɔŋ a gɛɛ Ɣâla kɛ́ mɛni da maa fa wɔ́lɔ faleŋ. Núu da fa pɔ̂ri da pûi ma kpaa máŋ é da kula ma. È gɛ̀ tí a gɛɛ maa mɛ̂ni kíli é lɛ́ɛ núu-kpune kíli ŋá.

Azaya 14:27

M̀ɛni kpɛtɛɛi ŋí ƃé Ŋ̀wála-wâla kélee Yâwɛɛi a gɛ́. Gbɛ̂ɛ ƃa pɔ̂ri m̀aa fálenîi. A núu-kpune kula maa kɛ̂. Sɛŋ da fa pɔ̂ri gɛ̂i é ǹíi maa fáleŋ.

Azaya 43:13

Ŋ́gaa a Ɣâla, ǹyaŋ ŋa pâi kɛ̂i a Ɣâla wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri kulâi ŋáwala-walai mu. M̀ɛnii ŋa gbɛ̀tɛi, núu da fa pɔ̂ri m̀aa fálenîi.”

Azaya 46:10

M̀ɛni-ŋai pâi kɛ̂i é kúla gɔ́ɔ pîlani é tóo gbɛɛ ŋái mai, ŋá wɔ́lɔ dí maa mɛni ƃò kâa. M̀ɛni-ŋai kɛ̂i ŋá dímaa mɛni ƃò kâa tãi su-kôyaa tɛɛ pôlu ma. Ŋá m̀o kâa a gɛ́ɛ m̀ɛnii kélee ŋa m̀ôi, ŋaa see a kɛ̀. Ŋá m̀o kâa a gɛ́ɛ fa ŋ́oo sìɣe pôlu.

Zɛlemaya 17:10

Ńyãa Yâwɛɛ ƃa núu líi su kàa, ŋ́gɛ núu líi su kɔ̀ɔŋ. Ŋà núu ŋɔmɛnii ŋá tèe yɛ̂ɛ berei ŋɔkɛ-ɣeniɛi káa lai, yɛ̂ɛ berei a tûa lai.”

Zɛlemaya 32:17

“Yá, Ŋ̀wála-wâla kélee Yâwɛɛ, yá ƃé ǹɔii da ŋ̀elei kpɛ̂tɛ a íwala-wala-laa kɛ́tɛi! Mɛni da fé naa nyíi gbanaŋɔɔ̂i ímaa mɛni ma.

Izikiɛ 38:10

“ ‘Ńyãai a Ŋ̀wála-wâla kélee Yâwɛɛi ŋa môi yâ Gɔ̂ɔ yâ, fólo da a pâi serîi, ya pâi mɛni nyɔ́mɔɔ kpɛtɛ̂i íkili ŋá.

Danîa 4:32

Da pâi íkulâi núu-kpune sáma dí ítɛɛ ǹɔɔi su. Ya pâi kɛ̂i naa í kɛ́ kala mîi yɛ̀ɛ fɛnɛ-sɛŋ a kóraŋ lɔ́ɔlu mɛi feerɛ. Ya pâi gɔ́lɔnîi a gɛɛ Ŋ̀âla Kɛ́tɛi ƃa sɛŋ kélee ǹâmu. Ǹyaŋ núui a ŋwɛ̂li é da tɛɛ bɔ́i, maa nûui ƃé a da tɛɛ bɔ́.”

Danîa 4:35

Núu-kpune káa nɔ́ kpɛ́ni-kpɛni ŋ̀ɛ́i. M̀ɛnii kélee a ŋ̀wɛli é gɛ́ a dai, ŋ̀âla-taa kela-ŋai kpaa máŋ a núu-kpune ǹɔii mai, a pɔ̂ri gɛ̂i. Núu da fa pɔ̂ri gberâi kpaa máŋ ǹyɛɛ ma, ‘Í gɛ̀ tí lé mɛni ma?’

Maafîu 19:26

Zîsɛ è díkàa, ǹyɛɛ diai, “Nyiŋi bɔri fé núu-kpune mì, kɛ́lɛ, mɛni kélee bɔri káa Ɣâla mì.”

Mâki 10:27

Zîsɛ è díkàa kpɔ́ sĩ́i ǹyɛɛ dîai, “Bɔri fé núu mi, fɛ̂ɛ nɔ́ Ɣâla ǹyaa tɔnɔ. Mɛni kélee m̀aa pɔ̂ri káa mì.”

Mâki 14:36

È Ɣâla fɛ̀li, ǹyɛɛi, “Aƃa, Ńâŋ, mɛni kélee bɔri káa yɛ̂. Ye mɔ̃lɛ-laa kpele-kɔɛi ŋí siɣe mâ. Vé kɛ̀ a ńîa mɛni kɛ́lɛ, é kɛ́ a ínîa-mɛni.”

Lûu 18:27

Kɛ́lɛ, e mò, ǹyɛɛi, “Mɛnii núu fa wɔ́lɔ pɔ̂ri gɛ̂i, Ɣâla a pɔ̂ri gɛ̂i.”

Zɔ̂ŋ 21:17

È mò ŋɔ́nɔ ma a zaaƃa-ɣelei, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni?” Malôŋ è tòo Pitɛ ma, kpɛ́ni fêi, è m̀arê kɛ̀ a zaaƃa-ɣelei, ǹyɛɛ ma, “Í ŋ́wɛli ni?” Nya ƃe è mò ma, ǹyɛɛi, “Ŋánuu-namui, í mɛni kélee kɔ́lɔŋ. Í gɔ́lɔŋ a gɛɛ ŋá íwɛli ni.” Zîsɛ è mò ma, nyɛɛi, “Ŋáƃala-ŋai ŋá kɔ́ŋ.

Ifisiɛŋ 1:11

Dí kúwɔ̂i lɛ̀ kûa Kôrai kponôi. Dí kúlɛ̀ nàa tuɛ, yɛ̂ɛ berei ŋɔsapoi káa lai, nyíi a mɛni kélee kɛ̀ yɛ̂ɛ berei ŋɔnîa-mɛnii ŋɔmɛni kpɛtɛɛi káa lai.