Zôo 41:10 - Ŋ̀âla Kɔlɔ Maa Waai

¹⁰ Núu da fé naa é yúo zele-kali maa fóo é tɔ́ɔ ŋ̀ɛ́i. M̀ɛni ma gbɛ̂ɛ ƃé naa a pɔ̂ri ḿaa fôoi é tɔ́ɔ ŋ́ɛi-tuɛi?

Zôo 41:10 ပူးပေါင်းရင်းမြစ်များ

Zɛnɛse 49:9

Zudasi káa yɛ̂ɛ yala-sulu-loŋ. A kpɛɛ ŋɔsuai miɛɛ ma, a lî pôlu bɔ́ taai. A lâa é sãa yɛ̂ɛ yala-sulu. Ǹyaŋ núu da fé naa é lɛ́ɣɛ ma.

Zôo 3:8

Tɔɔ dia-ŋai da fólo náɣaŋ làai dí vóloi kpîŋ náɣaŋ láa. Tɔɔ diai da lôno yúo-zele-kali pɔ́i dílono bɔ́ é vóloi kpîŋ kpele.

Zôo 3:9

Tɔɔ ɣele-ƃɔi pɛmɛlɛŋ-kao fé fòlo a gbínii dí ḿaa kôo sìɣe lai ŋɔɣele ƃɔ̂i tãi. Tɔɔ gbínii é kɛ́ nɔ́ a doɔ́ɔ ɣele fé ŋɔ́nɔ ƃɔ̀.

Zôo 40:9

Íwala-wala-laai seriɛɛ̂i ŋ́ɔ̂i pɔ́? Íwoo a pɔ̂ri tɛ̂i ɣelêi yɛ̂ɛ ŋ́ɔ̂i?

Zôo 41:9

“M̀ɛni ma, núu-kpune gɔkili kɛ́-zui su a kara é tóo ǹɔii ma tãi a yúo zele-kali kàa laâ-ni lai.

Zôo 9:4

Ɣâla táreɛɛ̂i, ŋ́wala-wala. Núu da a pɔ̂ri tɔɔ̂i Ɣâla ma é Ɣâla yée mɛi ɣále? É folôŋ mà.

Zɛlemaya 12:5

Yâwɛɛ è mò ǹyɛɛi, “À kɛ̀ í ǹûai kpɛ́ dí kɛ̀ ƃò dí kɔ́ɔ ŋá ífe dísoŋ ní, ya pɔ̂ri soo kpɛ̂i í zòŋ? À kɛ̀ íkaa siâi kwaa ponoɔɔ ma, íkɛ tòo, lé ƃé yà pâi gɛ̂i ŋ̀olâai su Zɔdiŋ Ya-leei kɔlɛi?

Zɛlemaya 49:19

Ŋa pâi pâi dîa yɛ̂ɛ yala-sulu a kùla ǹɔɔi su Zɔdiŋ Ya-leei kɔlɛ a pɛ̀lɛ ƃála-ŋa dîa gala ŋûnui ŋá ƃɛ́i da dílaa-mii naai. Ŋa pâi pâi ŋá Idɔŋ-ƃelai kɛ́ dí pú a maa félaa dí kúla dílɔii su. Gɛ̀ ní, ŋa pâi dílaa túɛ-nuu lɛ̂i nyíi pâi dímɛi kâai. Gbɛ̂ɛ ƃé ka pɔ̂ri gɔɔ̂ni ḿâi? Gbɛ̂ɛ ƃa pɔ̂ri tɔɔ̂i ŋ́ɛi túɛi?

Zɛlemaya 50:44

“Ńyãa Yâwɛɛ, ŋa pâi pâi yɛ̂ɛ yala-sulu ƃé kulâi wolâai Zɔdiŋ Ya-leei kɔlɛ, ŋá pá gala ŋûnui ŋá, ŋá gɛ́ Babelɔŋ é pú a maa félaa é kúla daa lêei su. Gɛ̀ ní ǹúu mɛi-nuui ŋa pâi ziɣêi, ǹyaa ƃé pâi ǹɔii-ŋuŋ tí mɛi kâai. Gbɛ̂ɛ ƃé ka pɔ̂ri gɔɔ̂nii ḿâi? Gbɛ̂ɛ ƃa pɔ̂ri tɔɔ̂i ḿâi? Kâloŋ nênɛ ƃa pɔ̂ri tɔɔ̂i ŋ́ɛi?

Nɔŋba 24:9

Eezuɛ káa yɛ̂ɛ yala-sulu wála-walaa. A kɛ̀ nyîi, núu da fé naa é lɛ́ɣɛ mà. Ǹúui a lûwa làa Eezuɛ mai lûwa káa mà. Ǹúui a Eezuɛ fooi, foo-woo a pâi kɛ̂i maa ǹúui ma.”

Kɔleŋtiɛŋ Maa-ŋuŋ 10:22

Kwa kɔ́i a gɛ́ɛ kú Kúnuu-namui kɛ́ é tólo? Kúwala-walaai é tɛ́ɛ mà?