Zôo 40:4 - Ŋ̀âla Kɔlɔ Maa Waai

⁴ “Ɣâla, ŋa pɔ̂ri íwoo su too-pere kɛ̂i leŋ? Ŋa ńyee pɛ́lɛ ńa a gɛɛ ŋ́oo fa lâ tɛ́ la.

Zôo 40:4 ပူးပေါင်းရင်းမြစ်များ

Zɛnɛse 18:27

Eberaɣɛ̃ɛ è ŋ̀óo su tòo ǹyɛɛi, “Gáa, ńyãai ŋ́gaa nɔ́ a pɔ̂rɔ da lúui, ŋa ńii kpéle ŋa lóno Yâwɛɛ pɔ́.

Zɛnɛse 32:10

Ḿaa fé nɛ̃ɛ ní a gɛɛ ŋá íwɛli-kɛ-maa kpanaŋɔɔi da ísãa-laai da sɔlɔ ƃó. Kpɛ́ni fêi, ŋásia-wuruii nɔ́ ƃé ŋá Zɔdiŋ Ya-leei tîyeŋ la. Ǹyaŋ ŋa nâa kɛ́ a núu-kpulu feerɛ.

Samia Veerɛi 24:10

Kɛ́lɛ m̀ɛnii ŋí kɛ́ɛ naa pôlu ma Deeƃé líi è ƃèla ma. È mò Yâwɛɛ ma ǹyɛɛi, “Ŋaâ sɔnyɔ̂ŋ kɛ́tɛ kɛ́ a yá. Kɛ́lɛ Yâwɛɛ, ŋa íkperâ fêi a gɛ́ɛ í ńzu mɛni lɛɛ, kpɛ́ni fêi, ŋa ƃoo tûa kɛ́.”

Kâloŋ Maa-ŋuŋ 19:4

Ǹyaa kpîŋ è lì vɛ̃ɛ-kpâlaŋ su a ɣele tɔnɔ sia. È pà wúru kɛ́tɛ tɔnɔ mu, è sèe naa gɛ́ víi tɔ̀ɔ. È Ɣâla fɛ̀li a gɛ́ɛ é sáa. È mò ǹyɛɛ, “Yâwɛɛ, ŋa mɛni kpɔ̂lu támaa sɔlɔ ƃó. Nɛ̂wo siɣe kpɛ́ni fêi, ŋ́gaa nɔ́ yɛ̂ɛ ńâŋ pɔlɔ-ŋai.”

Ɛzura 9:15

Óo Yâwɛɛ, Eezuɛ Ŋɔɣâlai, íkaa a teniŋ ƃô Ɣala. Ya fáa ma a gɛɛ kúkɛ ƃò ɣéniɛ. Kwa kúsɔnyɔ̂ŋ-ŋai ƃôi yâ. Kúmaa fé nɛ̃ɛ ní a gɛɛ kú pá íŋɛi túɛ.”

Ɛzura 9:6

Ŋá m̀o ńyɛ̂ɛi, “Óo Ŋáɣâlai, ŋumɛ káa ḿâ a gɛɛ ŋá ŋ́uŋ mu siɣe íŋɛi túɛ. Kúsɔnyɔ̂ŋ su a kɛ́tɛ a tɛɛ kúkpono ma, a tɛ́ ŋ̀ele-kɔlɔŋ su.

Niɛmaya 9:33

M̀ɛni kpɔ̂lu-ŋai kélee kwa tɛɛ zui, ya Ɣâla ísãâi. Kɛ́lɛ a kɛ̀ a kúa, kútûa-pere fé sãa ní.

Zôo 16:21

Ŋa ŋ̀wɛ̂lii a gɛɛ ŋásêrei é lóno Ɣâla pɔ́ ḿaa mɛ̂ni ma. Ŋa ŋ̀wɛ̂lii núu da é lóno kúloai kwa Ɣâla yɛ̂ɛ à kɛ̀ lônoi ḿbarâŋ-nuu mɛni ma.

Zôo 21:5

Ka ŋ́gaa. M̀ɛnii kɛ̂i a ńyãai gáa a laa kpâla maa mɛ̂ni nyii a pɔ̂ri gɛ̂i ká fa pɔ̂ri lônoi.

Zôo 29:9

Ǹúu láa túɛ-ƃelai da ŋ́gàa, da kpêra lônoi, dí díyee pɛ́lɛ díla.

Zôo 31:37

Ŋâi pà m̀ɛni-ŋai ŋá gɛ̀i, gélee ŋá lɛ̂i mà. Ŋâi pà lônoi bɔ́ yɛ̂ɛ kâloŋ nyii zɔŋ fé m̀ɛnii su.

Zôo 37:19

M̀ɛnii lɛ́ kûa nyii kwa pɔ̂ri môi mài. Kúkili-ŋa tɛiɣiɛ̂ɛi kúfa pɔ̂ri mɛni da ƃôi.

Zôo 40:3

Nya ƃe Zôo è Yâwɛɛ wóo su tòo ǹyɛɛi,

Zôo 42:6

Maa mɛ̂ni ma, ŋâa nâa ŋ́oo síɣe pôlu. Ŋa ḿbôlu tɔɔ ńdûa-pere ma ŋa muluŋ da luu pú ŋûa a malôŋ-pere.”

Wule-woo-ŋa 39:9

Ŋa pâi ńa tɛ̂i, fé pâi mɛni da kélee ƃôi. Yá ƃé gɛ̂i ŋ́gɛ m̀ɛni sôlii ŋí sɔlɔ ƃô a dáre kɛ́ɛ ŋí.

Táre-woo-ŋa 30:32

À kɛ̀ ƃà íkpîŋ kɛ̀tɛ a ƃoo-pere kpaa máŋ íkɛ mɛni nyɔ́mɔɔ kpɛ̀tɛ ílii su, ǹɛ̂lɛi a gɛɛ íkpera tí ma.

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Azaya 6:5

Nya ƃe ŋá mò ńyɛɛi, “Kili-kɛ zu fé ŋɔ́nɔ ńyêei! Ńaŋɔɔ̂i. Ḿaa fé waa ní. Diai ŋ́gaa dísamai dia máŋ dímaa fé waa ní. Kɛ́lɛ ŋaâ Ŋ̀wála-wâla kélee Yâwɛɛi káa nyíi gáa a zɛŋ kélee mɛi Kâloŋ.”

Azaya 64:6

Sɔnyɔ̂ŋ káa kúkelee kûa. Kútûa-pere lɛ̂lɛɛi káa nɔ́ yɛ̂ɛ seɣe-sâa maa liƃiɛɛ. Kúsɔnyɔ̂ŋ a kúkɛ nɔ́ yɛ̂ɛ láa ƃé a kpála, fãa kɛ́ nâa pà doôi.

Zerusâlɛŋ Karáa Maa Wɔ̂lɔ-wooi 3:29

Fɛ̂ɛ kú pɛ́lɛ gɔ́ɔ mu a ƃɛlɛ-pere. Tãi da kili kɛ-zu a pâi kɛ̂i naa kúmɛni ma.

Izikiɛ 16:63

Ŋa pâi ká ŋɛ́i maloŋ kâai m̀ɛni nyɔ́mɔɔi ka gɛi m̀ɛni ma. Kɛ́lɛ, m̀ɛni nyɔ́mɔɔi kpîŋ kíli a pâi lɛɛ̂i ká ŋá a gɛɛ kà lòno é pîlaŋ m̀a, ŋumɛ é kásoŋ.” Ŋ̀wála-wâla kélee Yâwɛɛi ƃé mò tí.

Danîa 9:5

“Kwa sɔnyɔ̂ŋ kɛ́ a yá. Kwa mɛni nyɔ́mɔɔ-ŋa kɛ́ kwa tɔɔ yâ. Kwa tɔɔ mɛni-ŋai dîa í mò kûai, kúfe ŋɔ́nɔ siâi a ítɔ̂ŋ-ŋai lá-woo.

Danîa 9:7

Ǹuu-namui, ísãâi. Kɛ́lɛ kúai a Zuda, Zerusâlɛŋ, Eezuɛ da Eezuɛ-ŋai kpéli-ŋai nyii-ŋai dítaa-taai kúkɔlɛ ma da ǹɔii-ŋûŋ-ŋai su nyii-ŋai díkaa kwaa kôyaa mai, ŋumɛ a kúpaa a berei kúfe la a tɔ̃yâ-ƃela ímɛni mai.

Levetekɔ 13:12

À kɛ̀ gbôdoi a ǹúui kpono gwaa kélee síɣe a sɛŋ nyii zâla láa soŋ nuui a pɔ̂ri gâai,

Maka 7:16

Ǹɔii-ŋuŋ-ŋai da pâi nyíŋi kâai dílii é tóo pôlu berei máŋ díwala-wâlai lai. Da pâi díyee pɛlɛ̂i díwoli lá dí díla tɛ́ a ŋumɛ pere.

Abaku 2:20

Kɛ́lɛ Yâwɛɛ káa ŋɔpɛ́rɛ maa waai mu. Tɔɔ ǹɔii kélee é m̀ɛi sáa ŋ̀ɛ́i túɛ.

Zɛkɛrâya 2:13

Kákelee ka kámɛi sáa Yâwɛɛ ŋɛ́i túɛ, kpɛ́ni fêi, a pâi kulâi ŋɔkwaa maa waai ma.

Lûu 18:13

Kɛ́lɛ, ŋ̀uŋ-fela-fei kula-nuui è kɛ̀ tɔɔ̂ni a zu-kúlaa ma, vé ŋ̀ɛ́i tɛ́ ní ŋelei su. Kɛ́lɛ, gɛ geŋe-la tua, ǹyɛɛ, ‘Ɣâla, zɔnyɔ̂ŋ-nuui ŋi a ńyãai, ḿalôŋ káa!’

Lûu 5:8

Samaŋ Pitɛ kɛ́ɛ a gáai, è pɛ̀lɛ Zîsɛ kɔ́ɔ mu, ǹyɛɛ mai, “Ye ímaa kúla mâ, Kúnuu-namui, kpɛ́ni fêi, ŋ́gaa a sɔnyɔ̂ŋ-nuu.”

Temete Maa-ŋuŋ 1:15

M̀ɛnii da mòi gáa a tɔ̃yâ. Maa nɛ̃ɛ̂i kú kúyêei see mu a gɛ́ɛ Zîsɛ Kôrai è pà ǹɔii su ƃɛ a gɛ́ɛ é sɔnyɔ̂ŋ-ƃela ƃálo. Ǹyaŋ ńyãa ƃa zɔnyɔ̂ŋ gɛ́tɛ-kɛ-nuu.

M̀ɛni-sâa Ƃó-ƃelai 18:19

Dîyɛɛ m̀ai, “Ímɛi sáa! Íyee pɛ́lɛ íla. Ye pá kwa káa-ni kú lí a gɛ́ɛ íkɛ a kúsâla láa soŋ-nuu íkɛ kúlîa wôo ƃò. Ǹɛ̂lɛɛi íkɛ a sâla láa soŋ-nuu Eezuɛ nuu-suui kélee mɛni ma, é tɛ́ɛ la íkɛɛ a káayɔɔ tɔnɔ su-ƃela dísâla láa soŋ-nuu.”