Zôo 40:11 - Ŋ̀âla Kɔlɔ Maa Waai

¹¹ Ǹɛɛ ŋaŋ naa dí ílii ŋwânai kaa, í diai díŋɛi tɛ̂ɛi ŋá yéŋ.

Zôo 40:11 ပူးပေါင်းရင်းမြစ်များ

Zôo 20:23

Tɔɔ é ǹáa míi é píla! Ɣâla a pâi ǹíi ŋwânai kpɔ́ mà a ŋánaa é mɔ̃lɛ. Ɣâla ŋɔlii-ŋwanai a pâi kɛ̂i a ŋɔmii-sɛŋ.

Zôo 21:30

Ɣâla a ǹíi ŋwàna à kɛ̀ pâi nûa kula maa kɛ̂i, zɔnyɔ̂ŋ-ƃelai ƃé a dí malôŋ kàa.

Zôo 27:22

Vãai ŋí a pâi vɛ̂ɛi kpɔ́ a ŋa ŋánaa. A kɔ kpɔ́ a ŋánaa a gɛɛ é kúla vãai ŋɔwála-wala-laai perei.

Zôo 4:9

Ɣâla è nɛ̂wo pù dîa dísaa. È dífɛ̀ɛ díkelee dílaŋ.

Zôo 9:5

Ɣâla a ǹyée kpaya-kpayai tûmo-tumo é díwolo. Va mò núu da ma. A díwolo-wolo kpɛ́ni-fei a ǹíi ŋwàna dîa.

Wule-woo-ŋa 144:6

Ŋ̀elei su kɛ́ mãla-mãla, íkpɔara-ƃelai dí pú. Ísɔla-ŋai píli a gɛ́ɛ dí pú.

Wule-woo-ŋa 94:2

Óo ǹɔii ŋɔmɛni ŋá tée Ɣalai, ímu-siɣe, í ǹyoŋka-ƃelai féla fé dítûa-perei ma.

Ɛsedɔ 15:6

“Óo Yâwɛɛ, ílaa-mii-yee maa pɔlɔ-pɔlɔɔi. A íkpɔara ƃelai su kara.

Ɛsedɔ 18:11

Ŋa nâa gɔ́lɔŋ a gɛɛ Yâwɛɛ kɛ̂tɛi é tɛ́ɛ ŋ̀âla-ŋai kélee ǹûai da kɛ̀ vɛlii dîa. Kpɛ́ni fêi, a ǹûai kula Ize-ŋai yée mu, nyii-ŋai dí díŋɛi nàɣiŋ dímɛi.”

Azaya 2:17

A pâi núu-kpune ŋɔsu-mɛni kɛ̂tɛi da ŋɔyoŋka mɛni-ŋai kélee kperâi. Yâwɛɛ ǹyaa tɔ̂nɔ kpéŋ nɔ́ ƃé núu-kpune a pâi kɛ̂i ǹáa maa tɛ̂i, gɛ́ ƃaa kɛ́ maa tɛ̂ɛ bɔ́.

Azaya 22:19

Yâwɛɛ a pâi íkulâi íwala-wala-laai su é ípîlaŋ.’ ”

Azaya 23:9

Yâwɛɛ, Ŋ̀wála-wâla kélee Ɣalai ƃé mɛni kpɛtɛ́ɛi ŋí kɛ̀. È gɛ̀ tí a gɛɛ é ǹyoka-ƃelai díyoŋka tuai kpéra, é ƃâa kula dîa.

Azaya 25:11

Da pâi kɛ̂i díyee tɛ̂i ɣelêi yɛ̂ɛ nûa da kɛ̀ waa-yâi kɛ̂i. Kɛ́lɛ dífe pâi kpɔŋ mâa da sɔlɔ ƃôi Yâwɛɛ yêei. A pâi gɛ̂i díyee su é sáa.

Azaya 26:5

Diai díyoŋkai a díŋa-yèŋ, daa-lêei da zui é maa taa-leei su-kara, ǹaa é lɛ́ɛ a muluŋ su.

Azaya 42:25

È ǹíi ŋwàna kûa yɛ̂ɛ ŋɔŋ a tèe láa kpâla ma, é gɛ́ kú mɔ̃́lɛ kɔ́ su. Ŋɔlii-ŋwânai è kúai a Eezuɛ-ŋai kúkêreŋ yɛ̂ɛ ŋɔŋ. Kɛ́lɛ kúfe m̀ɛnii ŋá káa ní kɛ̀ kɛ̂i. Kúfe mɛni da maa kɔ́ri ní a dɔnɔ kpîŋ.

Zɛlemaya 48:29

Kwa Môa ŋɔyoŋkai maa mɛ̂ni mɛni. Ŋ̀ɛ́i tɛɛ̂i, ǹíi kɛ̂tɛ, gɛ́tɛɛ gbîŋ ŋɛ́i. A ŋ̀ɛ́i ǹaɣiŋ ǹûai mɛi.

Izikiɛ 28:2

“Núu kpune ǹóŋ, m̀ɛnii ńyãai a Ŋ̀wála-wâla kélee Yâwɛɛi ŋá môi yâi, m̀ó Taya kaloŋ ma. ‘Kpɛ́ni fêi íŋɛi tɛɛ̂i, yaâ íkpîŋ kɛ́ a ɣâla. Yaâ mò ǹyɛɛi, “Ŋa sêe ŋ̀âla-ŋai sêei ǹyái samai. Ya íkili-ŋa siâi yɛ̂ɛ gáa yɛ̂ɛ sɛŋ ƃé ítareɛ̂ɛi yɛ̂ɛ Ɣâla.” Kɛ́lɛ vé tí a dɔnɔ kpîŋ. Íkaa ŋɔ a núu-kpune.

Danîa 4:24

“Zee-wooi su-kulâi ká ŋí óo Gâloŋ. M̀ɛnii ká ŋí Ŋ̀wála-wâla kélee Ɣalai a gbɛ̀tɛ a gɛɛ é gɛ́ a yái.

Danîa 4:37

“Mɛni ma, ńyãa Nɛbukinaza, ŋa ŋ̀elei su Kaloŋ láa ma tɛ̂i a ŋ̀ánaa, ŋ́gɛ ŋɔkɛ́tɛ-laai mɛ̂ni ƃò a gbanaŋɔɔ. Ŋa gɛ̂i tí, kpɛ́ni fɛ̂i, dûa-pere kélee lɛ̂lɛɛi gɛ́ mɛni kélee kɛ̀ a tɔ̃yâ-pere. Ǹyaŋ ǹúui kélee a gbîŋ su-mɛni kɛ̀tɛi, a maa-nuui ŋáa yèŋ.”

Neeuŋ 1:6

Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔ̂ri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

Neeuŋ 1:8

Kɛ́lɛ a pâi ŋɔkpɔara kwaa-ŋai ma su karâi a ya fɛ̂ɛ kɛ́tɛ, é ŋɔkpɔara-ƃelai pú kpînii wɔ́lɔ-wɔlɔ da wɔ́lɔ-wɔlɔ.

Malakai 4:1

Ŋ̀wála-wâla kélee Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i.

Lûu 18:14

Ŋá m̀ó kâa, nalôŋ ŋi e lì bɔ naa a zɔŋ kpɛɛ ma, kɛ́lɛ, m̀arâŋ-nuui fei; kpɛ́ni fêi, ǹúui kélee a gbîŋ kɛ̀tɛi, m̀aa a pâi yenîi. Kɛ́lɛ, ǹúui a gbîŋ maa yêŋ, a pâi kɛ̂i a gɛ́tɛ.”

Dutɛrɔnome 32:22

Ŋá lii-ŋwânai a pâi kɛ̂i yɛ̂ɛ ŋɔŋ é zãai díkaa ɣele mai kélee kéreŋ. A pâi ǹɔii kérenîi é lɛ́ɛ la zu é seri m̀olôŋ kpóŋ ma saa táa. A pâi ǹyée-ŋai kérenîi é tóo ǹɔii tânaŋ ma.

Zĩi 4:6

Kɛ́lɛ, Ɣâla a ƃɛlɛ-sêe támaa tɛ̀ɛ. M̀ɛni ma Ŋ̀âla-kɔlɔi a mò, nyɛɛi, “Ɣâla tɔɔ̂i ǹyoŋka-ƃelai dîa, gɛ ƃɛlɛ-sêe tɛɛ maa-yeŋ-ƃelai pɔ.”