Zôo 32:2 - Ŋ̀âla Kɔlɔ Maa Waai

² Nya ƃe Ɛliu nyii kɛ̀ tɔɔ̂ni naai è nâa ǹíi ŋ̀wana Zôo ma kpɛ́ni fêi, Zôo è kɛ̀ môi a gɛɛ vé niî mɛni nyɔ́mɔɔ da kɛ́ ní. Kɛ́lɛ Ɣâla ƃé mɛni nyɔ́mɔɔ kɛ̀. Ɛliu è kɛ̀ a Barasiɛ ǹóŋ. Barasiɛ kɛ́ ƃò a Buzi-nuu. È kɛ̀ a Laŋ ŋɔsuui su nuui da.

Zôo 32:2 ပူးပေါင်းရင်းမြစ်များ

Zɛnɛse 22:21

Dínîa-pɛlɛɛi láa ká ŋí. Uzi ƃé kɛ̀ a díloŋ maa-ŋuŋ, Buzi kɛ́ ƃò a ǹêɣe-surɔ̂ŋ da Kemuɛ nyii kɛ̀ a Araŋ ǹâŋ,

Zôo 10:3

À kɛ̀ ya mɛni kpɔ̂lu làa ḿâ, lé ƃé ya pâi gulâi zu? Lé mɛni ƃé ya í pôlu tɔɔ̂i la zɛŋ í gbɛ̀tɛ a íkpîŋ yeei mai? Ya íyee seêi ŋ̀wana-lɔ̂ɔ-ƃelai dímɛni kpɛtɛɛi mu lé mɛni ma?

Zôo 15:5

Ya lônoi a bere-sii tí kpɛ́ni fêi, í ŋwana-lɔ̂ɔi. Ínɛŋ káa íla feerɛ.

Zôo 22:5

Kpao! Ɣâla a íkula maa kɛ̂i kpɛ́ni fêi, yaâ sɔnyɔ̂ŋ támaa kɛ́, ǹyaŋ ísɔnyɔ̂ŋ kɔyaŋ fé ma.

Zôo 27:2

“Ɣâla fé tûa-ní a ńyãa a ǹɛ́lɛɛ. Ŋ̀wála-wâla kélee Ɣalai a ǹíi ŋwána.

Zôo 27:5

È folôŋ kpɔ́ ḿâ, ḿve pâi fâai ma a gɛɛ ka tɔ̃yâ mɛni ƃô. Ḿve pâi wɔ́lɔ fâai ma a gɛɛ ŋá mɛni nyɔ́mɔ da kɛ̀.

Zôo 27:6

Ŋá gɔ́lɔŋ a gɛɛ ŋa teniŋ ƃô tua kɛ̂i. Ḿve pâi teêi mà. Ńii fé nîi mó ní ḿâ a gɛɛ ŋâa mɛni nyɔ́mɔɔ kɛ́ ŋákɛ-ɣeniɛi su.

Zôo 30:21

Ya tûa kpɔ́ a ńyãa a ŋwana-lɔ̂ɔ-pere. Ya ḿɔ̃lɛ a íwala-wala-laai kélee.

Zôo 32:3

Ɛliu è ǹíi ŋwàna Zôo ǹâoi-ni dîa, kpɛ́ni fêi dífe pɔ̂ri ní môi a gɛɛ Zôo è kɛ̀ mɛni nyɔ́mɔɔ kɛ̂i. Dí gɛ̀ yɛ̂ɛ sɛŋ ƃé Ɣâla ƃé kɛ̀ mɛni nyɔ́mɔɔ kɛ̂i.

Zôo 33:8

“Íwoo káa nîi ŋ́ôlii kpɛ́ni fêi, mɛ̀ni tɔnɔ nɔ́ ƃé í mò yɛ̂ɛi,

Zôo 35:2

“Zôo, ílâai la gáa a teniŋ ƃô mɛni í mó Ɣâla ŋɛ́i a gɛɛ íkaa a tɔ̃yâ-nuu?

Zôo 40:8

Tɔ̃yâ ma ya ŋ̀wɛ̂lii í ńɛ a lɛ́ɛ nûu. Ya pâi ŋámɛnii ŋá têei í ǹɛ́ a gɛɛ íwɔ̂i mɛnii lɛ̂lɛɛi?

Wule-woo-ŋa 69:9

Ípɛrɛi Kɛ́tɛi mɛni maa liî a ŋ́gereŋ yɛ̂ɛ ŋɔŋ. Nûa da ílàraŋ, gɛ̀ ní da ńarâŋ.

Mâki 3:5

È kɛ̀ díkâai a lii-ŋwana pere. Ǹíi è kɛ̀ solîi díwoli-kpɔlɔ̂i mɛnii ma. Nya ƃe è m̀o ǹalôŋ ma ǹyɛɛi, “Íyee sã́a.” E ǹyée sã̀a é gáa a gɛ́ɛ a ƃálo.

Lûu 10:29

Kɛ́lɛ, e kɛ̀ ŋ̀wɛ̂lii e gbîŋ kɛ́ a núu sã́a. Nya ƃe e mò Zîsɛ ma, ǹyɛɛi, “Gbɛ̂ɛ ƃa ŋ́gɔlɛ-ma-nuui?”

Ifisiɛŋ 4:26

Kálii à ŋwàna, káfe sɔnyɔ̂ŋ kɛ̀. Kálii-ŋwanai fé lɛ̀ɛ zu fólo é li.