Zôo 27:9 - Ŋ̀âla Kɔlɔ Maa Waai

⁹ À kɛ̀ mɛni kpɔ̂lu su gɛ̀ Ɣâla fɛ̀li kpɔŋ-maa mɛni ma, Ɣâla a pâi ŋ̀óo mɛnîi?

Zôo 27:9 ပူးပေါင်းရင်းမြစ်များ

Wule-woo-ŋa 109:7

Da ŋɔmɛnii su kàa, vé kɛ̀ a maa waa. Tɔɔ ŋɔɣâla fɛli-wooi é kɛ́ a dɔ̂ɔ gbîŋ ma.

Wule-woo-ŋa 18:41

Dí wɔ̀lɔ kpɔŋ mâa mɛni ma, kɛ́lɛ núu da fé kɛ́ ní naa é díŋuŋ ma ƃó. Dí Yâwɛɛ tòli, kɛ́lɛ vé díwoo su tòo ní.

Wule-woo-ŋa 18:42

Ŋá dífũa díkɛ yɛ̂ɛ muluŋ nyii gáa ǹɔii mai, fãa a nòkwa nɔ́ é tɛ́ɛ lai, ŋá dítaŋ yɛ̂ɛ pere-lêe ma para.

Wule-woo-ŋa 66:18

Eêi kɛ̀ fé ŋásɔnyɔ̂ŋ ƃó ní Ǹuu-namui ma, vêi ŋ̀óli tɔ̀ɔ ḿâ.

Táre-woo-ŋa 1:27

Tãi màa yâo mɛni-ŋa da pâi pâi la kápɔ yɛ̂ɛ tuna kpînii, da mɛni kpânaŋ-ŋa yɛ̂ɛ fãa kɛ́tɛi, tãi ka pâi mɔ̃lɛ̂i la mɛni-sôli sui,

Táre-woo-ŋa 1:28

m̀aa tãi tí ƃé ka pâi táre maa mare-kɛɛ kɛ̂i la, kɛ́lɛ fé pâi káwoo su toôi. Ka pâi ŋ́gɔ̂rii kwaa kélee mà, kɛ́lɛ káfe pâi ŋ́gâai.

Táre-woo-ŋa 28:9

Ǹúui va ŋ̀óli tɔ̀ɔ dɔ̂ŋ mai, ŋɔɣâla fɛli-wooi ƃɛlɛ kpɛɛ̂i Ɣâla koi.

Azaya 1:15

“A nɛ̃ɛ ma kpîŋ ká kɛ́ ḿvɛ̀li, kákɛ káyee tɛ̀ ɣelêi, ŋa pâi ŋɛ́i loôi kâa, kpɛ́ni fêi, ŋãa támaa káa káyee ma.

Zɛlemaya 11:11

M̀ɛni ma, ŋa pâi pâi a mɛni nyɔ́mɔɔ dîa nyíi dífe pâi pɔrîi kulâi zu. A nɛ̃ɛ ma díwɔlɔ ḿâ, ḿve pâi ŋ́oli tɔɔ̂i dîa.

Zɛlemaya 14:12

A nɛ̃ɛ ma kpîŋ dísûŋ siɣe, ḿve pâi ŋ́oli tɔɔ̂i díwɔlɔ-woo ma. A nɛ̃ɛ ma kpîŋ díkereŋ-sala da mii-sɛŋ sala kula, ḿve pâi ńyee seêi dímu. Kɛ́lɛ, ŋa pâi dípaâi a kɔ́, puru, da kɔlɔ-fela nyɔ́mɔɔ.”

Izikiɛ 8:18

M̀ɛni ma ŋa pâi ńii ŋwânai ŋá díkula maa kɛ̀. Ḿve pâi dísɔnyɔ̂ŋ-ŋai su mɛ̂ni lɛɛ̂i kpaa máŋ ŋá díŋɛi malôŋ kâa. A nɛ̀ɛ ma díwɔlɔ a ɣelêi pere, ḿve pâi ŋ́oli tɔɔ̂i díwɔlɔ-wôo ma.”

Osia 7:14

Dífa ḿvɛli é kúla dílii su. Kɛ́lɛ da kɛ̂ wɔ̂lɔi dígbìŋ-ŋai ŋá yɛ̂ɛ ǹûai laa-la fé díyêei. Da kɛ̂ wɔ̂lɔi díɣâla-ŋai dîa díkɛ díkpîŋ ŋwàna a gɛɛ díkpɔmɔ kpâlaŋ da díkpâlaŋ-ŋai ŋá é lɛ́lɛ mii-sɛŋ da ŋwã̂ai mɛni ma. Ǹyaŋ da tɔɔ ḿâ.

Maka 3:4

Káai a ǹúu-tuɛ-ƃelai tãi a pâi pâi, ká pâi wɔ̂lɔi Yâwɛɛ ma, kɛ́lɛ vé pâi káwoo su toôi. A pâi ŋ̀ɛ́i loôi kâa kpɛ́ni fêi, ká mɛni nyɔ́mɔɔ kɛ̀.

Zɛkɛrâya 7:13

Tãi ŋá dítòli lai, dífe díwoli tɔɔ ní. M̀ɛni ma tãi dí ńdòli lai, fé ŋ́oli tɔ̀ɔ ní.

Lûu 13:25

Tãi bɛ́rɛi ǹâmu a mu siɣe la e gbôŋ lá tɛi, ka pâi kɛ̂i tɔɔ ni ŋinii ŋá, kakɛ gbôŋ tua, kakɛ mo kâai, ‘Kúnuu-namui, bɛ́rɛi lá ƃó kûɛ.’ Kɛ́lɛ, a pâi m̀ôi, ǹyɛɛi, ‘Fe ƃɛi kɔ́lɔŋ ka kulâi naai.’

Zɔ̂ŋ 9:31

Ku gɔ́lɔŋ a gɛɛ Ɣâla fa ŋ̀wóli tɔ̀ɔ sɔnyɔ̂ŋ-nuu wóo ma. Kɛ́lɛ, ǹúui à Ɣâla fɛ̀li é ŋɔnîa-mɛnii kɛ̂i, ǹyaa ƃe Ɣâla a ŋ̀wóli tɔ̀ɔ ŋ̀óo ma.

Dutɛrɔnome 1:45

Ká lène pôlu ká pá Yâwɛɛ pɔ́ naa ká wɔ́lɔ ma. Kɛ́lɛ vé ŋ̀óli tɔ̀ɔ ní kâa.

Zĩi 4:3

Ka sɛŋ maa-mare-kɛ̂ɛ kɛ̀ káfa zɔlɔ ƃo, kpɛ́ni fêi, káfa maa-mare-kɛɛ kɛ̀ pere sii sãa su. Ka gɛ̀ a gɛɛ ká tíi kɛ́ la kátûa-pere nyɔŋ maa-sɛŋ wɛliɛi mɛni ma.