Zôo 27:6 - Ŋ̀âla Kɔlɔ Maa Waai

⁶ Ŋá gɔ́lɔŋ a gɛɛ ŋa teniŋ ƃô tua kɛ̂i. Ḿve pâi teêi mà. Ńii fé nîi mó ní ḿâ a gɛɛ ŋâa mɛni nyɔ́mɔɔ kɛ́ ŋákɛ-ɣeniɛi su.

Zôo 27:6 ပူးပေါင်းရင်းမြစ်များ

Zôo 13:18

Íwoli tɔ́ɔ kpɔ́ ḿâ a ǹɛ́lɛɛ kpɛ́ni fêi ŋâa nâa ŋámɛni-saai maa woo-su kula-wooi kpɛtɛ a gɛɛ ŋá mó yâ. Ŋá gɔ́lɔŋ Ɣâla a m̀ɛnii ŋá tèe vé pâi ńzɔŋ kâai zu.

Zôo 17:9

É máŋ kɛ́ tí, ǹúui nyii ǹâai a Ɣâlai a pâi kɛ̂i nɔ́ Ɣâla pôlu. Ǹyaŋ ǹúui nyii ǹyée ma waâi dɔɔ̂i a pâi kɛ̂i nɔ́ a gbanaŋɔɔ a ɣele kélee.

Zôo 2:3

Nya ƃe Yâwɛɛ è Sêtɔŋ marê kɛ̀ ŋɔ́nɔ ǹyɛɛ mai, “Í ŋátii kɛ́-nuui Zôo kàa a gɛɛ gáa a núu sã́a, deniŋ ƃôɔɔ é tɛ́ɛ ǹûai kélee dîa ǹɔii ŋí mai? A bôlu tɔɔ mɛni nyɔ́mɔɔ kɛ́ɛ ma gɛ́ yào ḿâ. Í ŋ́gɛ a gɛɛ ŋá ǹɛɛ naa í vũa-fũa yɛ̂ɛ muluŋ nyii ŋuŋ fé kɛ́ ní ma, kɛ́lɛ vé mɛni nyɔ́mɔɔ kélee da kɛ́ ni.”

Zôo 27:7

“Tɔɔ Ɣâla é ŋ́gbɔara-ƃelai kula maa kɛ́ yɛ̂ɛ berei a ŋ̀wana-lɔ̂ɔ-ƃelai kula maa kɛ̂ lai. Tɔɔ diai kélee dítɔɔ̂i ḿâi Ɣâla é díkula maa kɛ́ yɛ̂ɛ diai dífe a teniŋ-ƃo-ƃelai.

Zôo 29:14

M̀ɛni lɛ́lɛɛi ŋá gɛ̀i, è kɛ̀ yɛ̂ɛ ŋáseɣe tôo ŋ́gɔŋ ḿâ. Ŋá mɛni ŋá tèe a ǹɛ́lɛɛ, ǹyaŋ è kɛ̀ yɛ̂ɛ ŋà kɛ̀ ḿaa ɣirîi.

Zôo 31:6

Tɔɔ Ɣâla é ŋámɛnii ŋá tée a teniŋ ƃô-pere, é gɔ́lɔŋ a gɛɛ ńzɔŋ fé m̀ɛnii ŋí su.

Zôo 31:7

À kɛ̀ ŋaâ pɔara berei mâ è nɛ̀ ḿâi, ŋ́ɛi a zɛŋ káa nyii ḿve ŋ̀wɛ̂lii ŋá gáai, à kɛ̀ mɛni nyɔ́mɔ kɛ́ɛ a bɔ́ɔ lɛ́ɛ ḿâ,

Zôo 32:1

Zôo m̀araa saaƃai kɛ́ɛ da gáa a gɛɛ è kɛ̀ a maa waa gbîŋ ŋɛ́i, dí nâa dí mɛi sâa dífe ŋɔ́nɔ ŋ̀óo su too ní a dɔnɔ kpîŋ.

Zôo 32:2

Nya ƃe Ɛliu nyii kɛ̀ tɔɔ̂ni naai è nâa ǹíi ŋ̀wana Zôo ma kpɛ́ni fêi, Zôo è kɛ̀ môi a gɛɛ vé niî mɛni nyɔ́mɔɔ da kɛ́ ní. Kɛ́lɛ Ɣâla ƃé mɛni nyɔ́mɔɔ kɛ̀. Ɛliu è kɛ̀ a Barasiɛ ǹóŋ. Barasiɛ kɛ́ ƃò a Buzi-nuu. È kɛ̀ a Laŋ ŋɔsuui su nuui da.

Zôo 40:8

Tɔ̃yâ ma ya ŋ̀wɛ̂lii í ńɛ a lɛ́ɛ nûu. Ya pâi ŋámɛnii ŋá têei í ǹɛ́ a gɛɛ íwɔ̂i mɛnii lɛ̂lɛɛi?

Zôo 6:29

Kpera ínîa lono kɛ̂i ḿɛi. Kpera dûa sii ŋí ma, kɛ́ a gɔ́lɔŋɔɔ a gɛɛ fé mɛni nyɔ́mɔɔ da kɛ́ ní.

Táre-woo-ŋa 4:13

Ŋásɛŋ-lɛɛi sóŋ a gbanaŋɔɔ. Ífe tèe ma. Ǹâai kɛ́, kpɛ́ni fêi, gáa a ífulu-laai.

Zia-ƃelai Kɛ́-mɛni-ŋai 24:16

Ŋa kɔ̂i kpɔ́ a gbanaŋɔɔ a tãi kélee a gɛ́ɛ kili-ŋa-sia maa waa é kɛ́ ńyêei Ɣâla ŋɛi da núu-kpune.

Kɔleŋtiɛŋ Veerɛi 12:11

Ŋá ŋ́gbîŋ kùla a ƃoo-nuu! Kɛ́lɛ, káa ƃe ŋ́gɛ ŋá gɛ́ ti, kpɛ́ni fêi, káa ƃêi pɔ̂ri ńɛ̂i. Kpɛ́ni fêi, fé a núu-doo-mu pere sii kélee da su zia-ƃelai ŋí sama nyíi-ŋai da díkpîŋ kɛ́tɛ̂i, berei máŋ ŋ́gaa la nɔ́ kpɛ́ni-kpɛnii.