Zôo 27:5 - Ŋ̀âla Kɔlɔ Maa Waai

⁵ È folôŋ kpɔ́ ḿâ, ḿve pâi fâai ma a gɛɛ ka tɔ̃yâ mɛni ƃô. Ḿve pâi wɔ́lɔ fâai ma a gɛɛ ŋá mɛni nyɔ́mɔ da kɛ̀.

Zôo 27:5 ပူးပေါင်းရင်းမြစ်များ

Zôo 13:15

A nɛ̃ɛ ma Ɣâla é ḿbaa, lé ƃé gbáaŋ káa nâa ḿâi? É máŋ kpîŋ kɛ́ tí, ŋa pâi ŋá mɛnii ƃôi kpɔ́ mà ŋ̀ɛ́i téniŋ ma.

Zôo 17:9

É máŋ kɛ́ tí, ǹúui nyii ǹâai a Ɣâlai a pâi kɛ̂i nɔ́ Ɣâla pôlu. Ǹyaŋ ǹúui nyii ǹyée ma waâi dɔɔ̂i a pâi kɛ̂i nɔ́ a gbanaŋɔɔ a ɣele kélee.

Zôo 2:3

Nya ƃe Yâwɛɛ è Sêtɔŋ marê kɛ̀ ŋɔ́nɔ ǹyɛɛ mai, “Í ŋátii kɛ́-nuui Zôo kàa a gɛɛ gáa a núu sã́a, deniŋ ƃôɔɔ é tɛ́ɛ ǹûai kélee dîa ǹɔii ŋí mai? A bôlu tɔɔ mɛni nyɔ́mɔɔ kɛ́ɛ ma gɛ́ yào ḿâ. Í ŋ́gɛ a gɛɛ ŋá ǹɛɛ naa í vũa-fũa yɛ̂ɛ muluŋ nyii ŋuŋ fé kɛ́ ní ma, kɛ́lɛ vé mɛni nyɔ́mɔɔ kélee da kɛ́ ni.”

Zôo 2:9

Nya ƃe ŋɔnɛnîi è mò ma ǹyɛɛi, “Íkaa nɔ́ niî Ɣâla pôlu a teniŋ ƃô-pere m̀ɛni sãŋ ŋí kɛ́ kɛ̀ a yá? Lé ƃé ífa ípôlu tɔ̀ɔ Ɣâla mà í sáai?”

Zôo 29:14

M̀ɛni lɛ́lɛɛi ŋá gɛ̀i, è kɛ̀ yɛ̂ɛ ŋáseɣe tôo ŋ́gɔŋ ḿâ. Ŋá mɛni ŋá tèe a ǹɛ́lɛɛ, ǹyaŋ è kɛ̀ yɛ̂ɛ ŋà kɛ̀ ḿaa ɣirîi.

Zôo 31:6

Tɔɔ Ɣâla é ŋámɛnii ŋá tée a teniŋ ƃô-pere, é gɔ́lɔŋ a gɛɛ ńzɔŋ fé m̀ɛnii ŋí su.

Zôo 31:7

À kɛ̀ ŋaâ pɔara berei mâ è nɛ̀ ḿâi, ŋ́ɛi a zɛŋ káa nyii ḿve ŋ̀wɛ̂lii ŋá gáai, à kɛ̀ mɛni nyɔ́mɔ kɛ́ɛ a bɔ́ɔ lɛ́ɛ ḿâ,

Zôo 32:1

Zôo m̀araa saaƃai kɛ́ɛ da gáa a gɛɛ è kɛ̀ a maa waa gbîŋ ŋɛ́i, dí nâa dí mɛi sâa dífe ŋɔ́nɔ ŋ̀óo su too ní a dɔnɔ kpîŋ.

Zôo 32:2

Nya ƃe Ɛliu nyii kɛ̀ tɔɔ̂ni naai è nâa ǹíi ŋ̀wana Zôo ma kpɛ́ni fêi, Zôo è kɛ̀ môi a gɛɛ vé niî mɛni nyɔ́mɔɔ da kɛ́ ní. Kɛ́lɛ Ɣâla ƃé mɛni nyɔ́mɔɔ kɛ̀. Ɛliu è kɛ̀ a Barasiɛ ǹóŋ. Barasiɛ kɛ́ ƃò a Buzi-nuu. È kɛ̀ a Laŋ ŋɔsuui su nuui da.

Zôo 32:3

Ɛliu è ǹíi ŋwàna Zôo ǹâoi-ni dîa, kpɛ́ni fêi dífe pɔ̂ri ní môi a gɛɛ Zôo è kɛ̀ mɛni nyɔ́mɔɔ kɛ̂i. Dí gɛ̀ yɛ̂ɛ sɛŋ ƃé Ɣâla ƃé kɛ̀ mɛni nyɔ́mɔɔ kɛ̂i.

Zôo 33:9

‘Ḿaa waâi ḿve niî mɛni nyɔ́mɔɔ da kɛ́ ní. Ḿve niî mɛni nyɔ́mɔɔ sii kélee da kɛ́ ní ŋákɛ̀-ɣeniɛi su.

Zôo 42:7

Nyíŋi pôlu ma, Yâwɛɛ kɛ́ɛ a kpɛɛ a lónoɔɔ Zôo pɔi, Yâwɛɛ è mò Tema-nuui Ɛlifa ma ǹyɛɛi, “Ńii ŋwânai yâ é pɛ́lɛ Beeda da Zofa dîa, kpɛ́ni fêi, káfe tɔ̃yâ ƃó ní é pîlaŋ ḿâ. Ńyee mu-nuui Zôo nɔ́ ƃé tɔ̃yâ ƃò é pîlaŋ ḿâ.

Zôo 6:29

Kpera ínîa lono kɛ̂i ḿɛi. Kpera dûa sii ŋí ma, kɛ́ a gɔ́lɔŋɔɔ a gɛɛ fé mɛni nyɔ́mɔɔ da kɛ́ ní.

Táre-woo-ŋa 17:15

Ɣâla Yâwɛɛ fa ǹyée sèe mɛni ŋá-tee-nuui mu nyii a tɔ̃yâ-nuu ŋɔmɛni lɛ́lɛɛ pène a mɛni nyɔ́mɔɔi, kpaa máŋ é wôya-nuu ŋɔmɛni nyɔ́mɔɔi pene a mɛni lɛ́lɛɛ.

Kɔleŋtiɛŋ Veerɛi 1:12

Kpɛ́ni fêi, kúyoŋka téɛɛ ká ŋí, kúkili-ŋa-siai m̀aa sêre-faai ƃa a gɛ́ɛ kwa tûa lɛ́lɛɛ kɛ́ ŋ̀éniɛi su a Ɣâla ŋɔmaa-waa-laai da ŋɔtɔ̃yâ laa-lai. Kútûa lɛ́lɛɛi dámaa káa kápɔ-pere. Kúfe gɛ̀ ní a ǹɔii ŋí su-tarei, kɛ́lɛ, kú gɛ̀ a Ɣâla ŋɔƃɛlɛ-sêei.

Galesiɛŋ 2:11

Kɛ́lɛ, tãi Sîfa è pà la Ɛŋtiɔ, ŋá tɔ̀ɔ ma kpɔ́ ŋ̀ɛi, kpɛ́ni fêi, è mɛni nyɔ́mɔɔ kɛ̀.

Dutɛrɔnome 25:1

“À kɛ̀ Kpakolo feerɛ da kɛ̀ laa-sâa kɛ̂i, ma mɛnii a lì m̀ɛni-saa ƃó-ƃelai ŋɛ́i-tuɛ, dia ƃé pâi dímɛnii su kâai dí ŋ̀á tée a tɔ̃yâ-pere. Ǹúui ŋ̀ɔi lɛ̂lɛɛi, dí mó mà. Ǹúui ŋ̀ɔi ńyɔmɔɔ̂i dí mó mà.