Zôo 27:2 - Ŋ̀âla Kɔlɔ Maa Waai

² “Ɣâla fé tûa-ní a ńyãa a ǹɛ́lɛɛ. Ŋ̀wála-wâla kélee Ɣalai a ǹíi ŋwána.

Zôo 27:2 ပူးပေါင်းရင်းမြစ်များ

Samia Veerɛi 2:27

Zoa ǹyɛɛ m̀ai, “Tɔ̃yâ ma îi wàla lóno ḿbɔ, tãi nɔ́ Ɣâla káa niî la ɣele mai, ǹûai ŋí dí fêi kpèra díkpɛ̂i é lɛ́ɛ la zu ɣele é ƃɔ́.”

Kâloŋ Maa-ŋuŋ 17:1

Ɣâla-ŋɔlóno kɛ́-nuui Ilaiza nyíi kùla Tisibi Gilia lɔii sui è mò Gâloŋ Eɣa ma ǹyɛɛi, “Nyíi nɔ́ Yâwɛɛ, Eezuɛ Ŋɔɣâlai káa la ɣele ma, nyíi ŋ́gaa tíi kɛ̂i mìi, lúu kpaa máŋ tuna fé pâi pûi kóraŋ kpɛ́-kpɛɛ yée mu fɛ̂ɛ nɔ́ ŋá mò a gɛ́ɛ é kɛ́ tí.”

Kâloŋ Maa-ŋuŋ 18:15

Ilaiza è mò ǹyɛɛi, “Yɛ̂ɛ berei ŋ̀wála-wala kélee Yâwɛɛ káa la ɣele mai, nyíi ŋa tíi kɛ̂i m̀ii, tɔ̃yâ ma, ŋa pâi sâa ŋ́gbîŋ lɛ̂i Eɣa ma.”

Kâloŋ Veerɛi 4:27

Tãi è sèri la ŋâla-naloŋ pɔ́naa ǹyéei mai, è tòo gɔ́ɔ mu é gɔ́ɔ sóŋ. Giazi è pà mɛi a gɛɛ é duãŋ kɛ́lɛ ŋâla-naloŋ è mò ma ǹyɛɛi, “Tée bôlu! Gáa lii too pôlu kɛ́tɛ su, kɛ́lɛ Yâwɛɛ fé mó ní mâ.”

Zôo 10:3

À kɛ̀ ya mɛni kpɔ̂lu làa ḿâ, lé ƃé ya pâi gulâi zu? Lé mɛni ƃé ya í pôlu tɔɔ̂i la zɛŋ í gbɛ̀tɛ a íkpîŋ yeei mai? Ya íyee seêi ŋ̀wana-lɔ̂ɔ-ƃelai dímɛni kpɛtɛɛi mu lé mɛni ma?

Zôo 16:11

Ɣâla a ńdɛɛ ŋwana-lɔ̂ɔ-ƃela pɔ́, a ńdoo díyee ŋá.

Zôo 19:6

Ka kɛ́ a gɔ́lɔŋɔɔ a gɛɛ Ɣâla ƃé gɛ̂i ŋ́gɛ mɔ̃lɛ. A ŋɔdeɣaŋ kpíniŋ a ńyãa.

Zôo 23:16

Ŋ̀wála-wâla kélee Ɣalai a gɛ́ ńii a kpɛ̃lîŋ ŋ́goi. Ḿve yaôi gbínii ma, kɛ́lɛ ŋ́gaa yaôi Ɣâla ma. Berei máŋ gbínii a too la ḿa fé pɔ̂rii kwaa kâai, ḿve nîi kpera ní wɔ̂lɔi.

Zôo 34:5

Zôo, í mò yɛ̂ɛi, ‘Ḿve niî mɛni nyɔ́mɔɔ da kɛ́ ní. Ǹyaŋ Ɣâla a ŋátɔ̃yâi kúla ńyêei.

Zôo 35:2

“Zôo, ílâai la gáa a teniŋ ƃô mɛni í mó Ɣâla ŋɛ́i a gɛɛ íkaa a tɔ̃yâ-nuu?

Zôo 40:8

Tɔ̃yâ ma ya ŋ̀wɛ̂lii í ńɛ a lɛ́ɛ nûu. Ya pâi ŋámɛnii ŋá têei í ǹɛ́ a gɛɛ íwɔ̂i mɛnii lɛ̂lɛɛi?

Zôo 9:17

È gɛ̀ vãai é ǹókwa, ŋ́gbono gwaa kélee ma gbimiliŋ é tɛ́, berei máŋ ńzɔŋ fé kɛ́ ní la zui.

Zôo 9:18

Vé ǹɛ̂ɛi naa ŋá ḿvîŋ lá kúla, a ŋá kɛ̀ ɣéniɛi kpona ńyêei.

Azaya 40:27

Eezuɛ, lé mɛni ƃé ya mɛni saâi la a gɛɛ Yâwɛɛ fé ímɛni kpɔ̂lu-ŋai kɔ́lɔŋ lai, kpaa máŋ vé kpáaŋ ní a kɛ̀ da ífilîi?

Zɛlemaya 12:16

Tãi tɔnɔ da dí wɔ́lɔ Bêe ɣâlai fɛli-pere lɛ̀ ŋánûai dîa díkɛ dífòo a ǹáa. Kɛ́lɛ à kɛ̀ da ŋánûai díɣâla fɛli-perei maa kɔ̂ri a ǹɛ́lɛɛ, díkɛ dífòo a ńaa dîyɛɛi, ‘À kɛ̀ nɔ́ Yâwɛɛ káa ɣele ma a tɔ̃yâ,’ gɛ̀ ní, ŋa pâi díkɛ̂i kɛ̂i m̀a ŋánûai sáma.

Zɛlemaya 4:2

gɛ̀ ní à kɛ̀ ka káfòo a tɔ̃yâ da teniŋ ƃô pere a ǹáa, gɛ̀ ní ŋ̀éniɛi gwaa kélee a pâi ḿarê kɛ̂i a gɛɛ ŋá lûwa too dîa. À kɛ̀ tí, da pâi ńaa maa tɛ̂i.”

Zɛlemaya 5:2

Berei ka ká fòo la kâa, “Tãi nɔ́ Yâwɛɛ káa la ɣelêi mai,” kɛ́lɛ ka ká fòo a lɛ́ɛ-pere.

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Nɔŋba 14:21

Kɛ́lɛ tɔ̃yâ ma, tãi nɔ́ ŋ́gaa la ɣele mai da tãi nɔ́ ǹɔii láa fɛ̂ɛi la a ŋáfolo-laai,

Lûfi 3:13

Nyii ƃɛ́ sâa. Tínaa ɣele-wala kwa pâi gâai à kɛ̀ a pâi ímaa mɛ̂ni siɣêi a ŋ̀ûa-kpiri. Kɛ́lɛ à wàla gɛ́, gɛ̀ ní ŋa pâi ímaa mɛ̂ni siɣêi a ŋ́ûa-kpiri tãi nɔ́ Yâwɛɛ káa la naai. Láa é lɛ́ɛ la zu ɣele é ƃɔ́.”

Samia Maa-ŋuŋ 14:39

Ŋá ḿvoo a gɛ̀-ɣele-ma Ɣalai Yâwɛɛ a gɛ́ɛ ǹúui nyíi kélee a sɔnyɔ̂ŋ kɛ̀i a pâi saâi, a nɛ̃ɛ ma kpîŋ é kɛ́ a ńoŋ Zonetaŋ.” Kɛ́lɛ núu da fé ŋ̀óo su too ní a dɔnɔ kpîŋ.

Samia Maa-ŋuŋ 14:45

Nya ƃe gɔ-kuluƃa-ŋai dí làɣi dîyɛɛi, “Kpao, Ɣâla è kpɔ́ŋ Zonetaŋ ma é ǹûai yée mɛi ɣále gɔ́i su kúmɛni ma. Kú fé pâi fâai ma í bàa. Yâwɛɛ fé kúmɛi kâa, kúfe pâi lɛɛ̂i ƃɛ́ í bàa, kpaa máŋ í íyee pɛ́lɛ ma.” Gɔ-kuluƃa-ŋai dífe fáa ní ma a gɛ́ɛ Sɔ̂ɔ é Zonetaŋ paa.

Samia Maa-ŋuŋ 20:21

ǹyaŋ ŋa pâi ńyee-mu-nuui tɛɛ̂i a gɛ́ɛ é dɔ̃ai kɔ́ri. Ya pâi gɔ́lɔnîi à kɛ̀ ǹɛ̂lɛɛi a gɛ́ɛ í pá a berei ŋa pâi lônoi la bɔ́ naai. Tɔ̃yâ kpîŋ ma gɛ̀ ɣeniɛ Yâwɛɛ ŋɛ́i ŋa pâi m̀ôi ńyɛ̃ɛi, ‘Dɔ̃a-ŋai díkaa íƃelai nyíŋi ma! Ye dísiɣe!’

Samia Maa-ŋuŋ 25:26

Kɛ́lɛ ye zama-sɛŋ ŋí síɣe í ŋaa kɔ́lɛ ípôlu-ƃelai dîa. Mii-sɛŋ ká tí. Yâwɛɛ a í kpera a gɛ́ɛ ífe ǹûai paa nyíi-ŋai dífe mɛnii ŋí kɔ́lɔŋ. Kɛ́lɛ kili-kɛ-zu káa ńyêei a gɛ́ɛ í kpɔara-ƃelai da diai dítɔɔ̂i yâi dí kpɛɛ-ŋai a pâi kɛ̂i nɔ́ yɛ̂ Neeba. Ŋa nyíŋi ƃôi gɛ ɣéniɛ Yâwɛɛi ŋɛ́i é pɛ́lɛ yâ.

Samia Maa-ŋuŋ 25:34

Eêi kɛ̀ í wàla pá a maa félaa kwa yá kúkɔyɛŋ, Zinaai da zina-nɛyaai díkaa Neeba ŋɔpɛ́rɛi mu, da ŋɔyée mu-ƃelai kélee kpɔ́ ŋai sâa dí pàa a ŋ̀ele-walai. Eezuɛ Ŋɔɣâlai Yâwɛɛ fé ḿvɛli-woo mɛni, nyíi í mɛi kàai, ǹyaŋ gáa a tɔ̃yâ.”