Zôo 27:18 - Ŋ̀âla Kɔlɔ Maa Waai

¹⁸ Ŋɔpɛ́rɛi nyii a dɔ̀ɔi a kɛ̂ nɔ́ yɛ̂ɛ ŋɔni-taa, va tûa. À kɛ̂ nɔ́ yɛ̂ɛ kpanâŋ sàa nyii ŋɔni-kpɛ nia-pɛlɛɛ-ŋa da kɛ̂ mù díkɛ vóloi maa kpɛ̂ŋ.

Zôo 27:18 ပူးပေါင်းရင်းမြစ်များ

Azaya 1:8

Zerusâlɛŋ taa-leei nɔ́ ƃé lɛ̀ɛ. Kɛ́lɛ maa mɛ̂ni káa yɛ̂ɛ boo-kpânaŋ da sûa su yeŋkeŋ. Gáa nɔ́ yɛ̂ɛ taa-lêe nyii kɔ-kuluƃa-ŋa da ǹaa pere-lee-ŋai kélee sóŋ.

Azaya 51:8

Da pâi tɛɛ̂i yɛ̂ɛ fili-ŋa da seɣe mîi. Kolo-ŋa da pâi dímiî yɛ̂ɛ da yee fũ̂a m̀ii. Kɛ́lɛ ŋáŋuŋ ma ƃô-laai káa naa ǹúu suu-ŋai kélee mɛni ma wɔ́lɔ-wɔlɔ da wɔ́lɔ-wɔlɔ.”

Zerusâlɛŋ Karáa Maa Wɔ̂lɔ-wooi 2:6

È Ŋɔɣâla-pɛrɛ Kɛ́tɛi su kàra é ǹaa kɛ́ yɛ̂ɛ sûai. È ŋɔɣele kûu maa waa-ŋai kula mɛni kpèra da Vii-tɔɔ-ɣelei. È ǹíi ŋwàna a zu kɛ́tɛ gâloŋ da zâla láa-soŋ-nuui dîa.

Azaya 38:12

Ŋáfulu-laai è kɛ̀ nɔ́ pâi kùla ńyêei yɛ̂ɛ da ƃûu tàa. È kùla nɔ́ ńyêei yɛ̂ɛ yee a kùla gena ma. Ŋá kɛ̀ gâai yɛ̂ɛ Ɣâla a pá ŋáfulu-laai kulâi ńyêei ƃe tí.

Zôo 18:14

Da ŋ̀ála da gula ŋɔpɛ́rɛi mu ƃɛ́i è kɛ̀ naa ŋuŋ ma ƃô sui. Dí ŋ̀ala dí lí la mɛni kpɔ̂lu ŋɔkâloŋ ŋɛ́i-tuɛ.