9 È ŋ̀aloŋ mɛi pɛ̂lɛ a ŋ̀ele-kɔlɔŋ kolei.
Nya ƃe Saloma è Ɣâla fɛ̀li ǹyɛɛi, “Yâwɛɛ, í vóloi tɛ̀ ŋ̀elei su kɛ́lɛ ɣele-kɔlɔŋ tɛi su ƃa íkɛ̂i.
Gáa íkili-ŋai a gɛɛ ŋ̀ele-kɔlɔŋ su kpiniɛi a ǹoo va pɔ̂ri sɛŋ da kélee kâai, gɛ́ sìa ŋ̀ele-kɔlɔŋ da ŋ̀ele-kɔlɔŋ kolei loai.
È gɛ̀ ɣele-kɔlɔŋ kole kɛ́ ƃò ŋɔnûai mɛi, ŋɔŋ kɛ́ ƃò dítuɛ pere a kpíni a gɛɛ é kwaa ponoɔɔ tɛ́ɛ dípɔ.
Ɣele-kɔlɔŋ-ŋa da kpíni su pîlaŋɔɔ tinaŋɔɔ̂i m̀a. Tɔ̃yâ da teniŋ ƃô laa ƃa ŋɔkâloŋ-laai kpóŋ seêi.
Ǹûai dí kɛ̀ tɔɔ̂-ni kwaa kôyaa ma, Mose è lɛ́ɣɛ a ŋ̀ele-kɔlɔŋ kole su kpiniɛɛ ƃɛ́i Ɣâla è kɛ̀ naai.
Núu da fé lɛ̀ɛ ípôlu. Núu da kélee fé tɛ̀ ǹyéei ma gwaa kélee, kpaa máŋ taa-tulɛ tɔnɔ kpîŋ é ǹáa míi ǹyéei koo mu.”
Ɣâla ǹyaa tɔnɔ nɔ́ ƃe va sâa, gáa gwaa-ponoɔi su, nyíi núu fa lɛ̂ɣɛ gɔlɛi. Núu da fé niî Ɣâla káa ní, kpaa máŋ núu da fa pɔ̂ri gâai. Ƃaa-kɛ-maa é lí bɔ é kɛ́ sɛŋ kélee mɛi wɔlɔ-wɔlɔ da wɔlɔ-wɔlɔ. É kɛ́ ti.
