Zôo 26:12 - Ŋ̀âla Kɔlɔ Maa Waai

¹² Ɣâla è yúo su-sɛŋ maa pɔlɔ-pɔlɔi nyii da kɛ̂ ma Leɣai pâa a ŋɔwála-walai é gɛ́ yúo é see tɔ̀ŋ.

Zôo 26:12 ပူးပေါင်းရင်းမြစ်များ

Zôo 12:13

Táre da wála-wala-laa káa Ɣâla yêei. Mɛni kpɛtɛɛ da mɛni ŋákaa káa ǹyêei.

Zôo 26:11

À kɛ̀ Ɣâla a ŋ̀ele-kɔlɔŋ sòŋ-sãai maa yào, da kɛ̂ kpɛ̃lînii a yao.

Zôo 9:13

Ɣâla ŋɔlii ŋwânai fa sîɣe dɔɔ̂i. È yúo-zele-kalii ŋɔkpɔŋ maa-ƃelai yée mɛi ɣâle.

Wule-woo-ŋa 29:10

Yâwɛɛ ŋɔwála-wala-laai káa ǹyá-ŋai kélee mɛi. Gáa a kâloŋ wɔ́lɔ-wɔlɔ da wɔ́lɔ-wɔlɔ mɛni ma.

Wule-woo-ŋa 74:13

Í yúo ŋáa kɔ̀lɛ a íwala-wala-laai. Í ǹyúo zere-kalii kɔŋ ɣâle,

Azaya 2:12

Ŋ̀elei tí ƃé Ŋ̀wála-wâla kélee Yâwɛɛi a pâi ŋ̀wála-wala-ƃelai kélee yée mɛi ɣâlei la, é ǹyoŋka-ƃelai da ŋ̀ɛi-tɛ-ƃelai ŋáa yéŋ.

Azaya 51:15

“Ńyãa ƃa Yâwɛɛ, Káɣâlai Ńyãa ƃé yúo tùmo-tumo gɛ́ tòo a gɛ́ɛ díŋ é kúla. Ńaa ƃa Ŋ̀wála-wâla kélee Yâwɛɛ!

Azaya 51:9

Yâwɛɛ, ímu-siɣe, í kpɔ́ŋ kûa! Kúŋuŋ ma ƃó a íwala-walai, yɛ̂ɛ berei í gɛ̀ la kóraŋ támaa tɛɛ pôlu mai. Ƃía fé yúoi zere kalii Leɣa su-tèe-tee a gbua-kpûa?

Zɛlemaya 31:35

Yâwɛɛ a gɛ̀ vóloi é kwaa ponóɔɔ tɛ́ɛ a ɣele-laa ƃoɔɔ, ŋ̀áloŋ da bɛmɛlɛŋ-kaoi dí kɛ́ fòlo a gbínii. A ǹyúoi tùmo-tumo gɛ́ tôo. Ǹáa ƃa Ŋ̀wála-wâla kélee Yâwɛɛi.

Danîa 4:37

“Mɛni ma, ńyãa Nɛbukinaza, ŋa ŋ̀elei su Kaloŋ láa ma tɛ̂i a ŋ̀ánaa, ŋ́gɛ ŋɔkɛ́tɛ-laai mɛ̂ni ƃò a gbanaŋɔɔ. Ŋa gɛ̂i tí, kpɛ́ni fɛ̂i, dûa-pere kélee lɛ̂lɛɛi gɛ́ mɛni kélee kɛ̀ a tɔ̃yâ-pere. Ǹyaŋ ǹúui kélee a gbîŋ su-mɛni kɛ̀tɛi, a maa-nuui ŋáa yèŋ.”

Zĩi 4:6

Kɛ́lɛ, Ɣâla a ƃɛlɛ-sêe támaa tɛ̀ɛ. M̀ɛni ma Ŋ̀âla-kɔlɔi a mò, nyɛɛi, “Ɣâla tɔɔ̂i ǹyoŋka-ƃelai dîa, gɛ ƃɛlɛ-sêe tɛɛ maa-yeŋ-ƃelai pɔ.”