Zôo 24:7 - Ŋ̀âla Kɔlɔ Maa Waai

⁷ Da nyîi a díkaŋ gbínii su kɔ́lɛ kɛ́ tɛ̀ dîa kpɛ́ni fêi, seɣe fé díyêei dí bɛlɛ dí mɛi.

Zôo 24:7 ပူးပေါင်းရင်းမြစ်များ

Zɛnɛse 31:40

Tãi támaa ŋá mɛni-soli kàa vóloi yêei da kɔ́lɛ a gbínii. Fa kâa nyii.

Zôo 22:6

Í mɛni nyɔ́mɔɔ kɛ̀ a sɛŋ-kao piliɛɛ ínûai dîa a kpa íkɛ dísãâi kùla díyêei kpɛ́ni fêi dífa pɔ̂ri gbai têei. Íkɛ díseɣe-ŋai kùla dîa díkɛ lɛ̀ɛ a díkaŋ.

Zôo 24:10

Gôlo-ƃelai da kɛ̂ tɛ̂i díkɛ yèŋ a díkaŋ, kpɛ́ni fêi seɣe fé díyêei. Díkɛ ǹûai dímii-sãai tĩyɛ a díkoi fôlo.

Zôo 24:6

Da díkɔnɔŋ kùla núu da kpɛ́ni-ŋa díkpâlaŋ ŋá. Ǹyaŋ da kɛ̂ nɔ́ díkɔnɔŋ kɔ̂rii ŋ̀wana-lɔ̂ɔ-ƃelai díkpâlaŋ-ŋai ŋá.

Zôo 24:8

Ǹyéei su tunai a dí yɔ̂ɔ, díkɛ kpùlɔŋ gɔni-ŋai dîa a gɛɛ díkponôi é fãa, kpɛ́ni fêi pɛ́rɛ fé díyêei.

Táre-woo-ŋa 31:21

Va yâo kɔ́lɛ ma ŋɔpɛ́rɛi-mu-ƃelai mɛni ma. Kpɛ́ni fêi, kɔ́lɛ-sêɣe káa ǹyêei ŋɔnûai kélee mɛni ma.

Azaya 58:7

M̀ii-sãai káyêei, ka da-ŋa tɛɛ diai pɔ́ puru a dípaâi, ká kwaa ma-ŋa tɛɛ diai pɔ́ díkɛ̂i fé mai. Ka káseɣe-ŋai da-ŋa tɛɛ diai pɔ́ dímaa sêɣe fé m̀ai. Kákaayɔɔ-ŋai da kɛ̀ kpáaŋ su, káfe kápôlu fè dîɛ.

Zia-ƃelai Kɛ́-mɛni-ŋai 9:31

Kôrai-toli-kpɔŋ-ŋai kɛ̀ Zuda, Galalii da Sameria dí nâa kɛ̀ lii-sêe su. Dí ƃɔlɔ kpɔ́ a zu kɛ́tɛ. Zu-ƃelai dí tàma, kpɛ́ni fêi, ŋumɛ mâa è kɛ̀ díyêei dífulu-laai su Kúnuu-namui mɛni ma da M̀ɔlêŋ Maa Waai.