8 Ya ǹûai dílɔii kúla díyêei a íwala-wala-laai.
A zâla láa-soŋ-ƃelai díwala-wala-laai kùla díyêei, é núu mɛi-ƃelai díwala-wala-laai kpera.
Ka pâi mɛni lɛ́lɛɛ kɛ̂i Ɣâla mì a maa kɔ̃ɔ m̀ɛni sâa ƃó kerei mu?
Ḿve kɛ́ ní seêi ŋápɛrɛi lá mɛi-saa, kpɛ́ni fêi ŋá kɛ̀ yaôi ǹûai dîa a gɛɛ dífa lâa ńaa ƃó la, kpaa máŋ dí mɛni nyɔ́mɔɔ ƃó a ńaa.
Ɣâla a ǹɔii tɛ́ɛ ŋ̀wana-lɔ̂ɔ-ƃelai pɔ́. A ǹyée pɛ́lɛ m̀ɛni-sâa ƃó-ƃelai ŋɛ́i a gɛɛ dífe mɛni-sâa ƃò a teniŋ ƃô-pere. À kɛ̀ Ɣâla fé mɛni-ŋai ŋí kɛ́ ní, gɛ̀ ní gbɛ̂ɛ ƃé dí kɛ̀i?
Kúkaa ŋwana-lɔ̂ɔ-ƃela tee-tee sáma. Ŋwana-lɔ̂ɔ mɛni-ŋa nɔ́ ƃé da díyee sèe m̀u.
díkɔ kɔ́-ƃela láa túɛ-ƃelai nyii-ŋai díkaa kɔkuluƃa buu lɔ́ɔlu mɛi, núu láa-tuɛ ƃelai, ǹia-woo-ƃô kɛ́-ƃelai, é pɛ́lɛ bóniŋ kɛ́-ƃelai dîa.
Díŋuŋ ƃa ǹúu pɔ̂lɔ-ŋai da diai nûa da ƃaa kɛ́-maa tɛ̂ɛ dípɔ dílɔii sui, díwoŋ ƃa ǹɛ́ɛ ɣâla-woo ƃó-ƃelai,
Dí kélee dí táreɛɛ̂i sɔnyɔ̂ŋ kɛ̀ pere su. Gâloŋ da mɛni ŋá-tée-ƃelai díkɛ yee-pɛlɛ ǹá sɛŋ-kao sòŋ. Dɔɔ-ƃelai dí kɛ́ mò dîa zɛŋ da ŋ̀wɛ̂lii, ǹyaŋ da dîa-ni dí woo kɛ́ ƃò zu tɔnɔɔ.
