Zôo 22:12 - Ŋ̀âla Kɔlɔ Maa Waai

¹² “Ɣâla káa Ɣâla-taa ŋ̀elei su. Ye ŋ̀elei su káa í gáa berei bɛmɛlɛŋ-kao-ŋai díkaa la kwaa kôyaa mai.

Zôo 22:12 ပူးပေါင်းရင်းမြစ်များ

Zôo 11:7

Ya pɔ̂ri târei Ɣâla kɛ́-mɛni maa pɔlɔ-pɔlɔɔ-ŋai su? Ya pɔ̂ri kpîŋ târei Ɣâla maa tɔ̃yâ da ŋɔtárei su?

Zôo 11:8

Ɣâla ŋɔtárei kɛ̂tɛi é tɛ́ɛ ŋ̀elei su ŋɔkɛ́tɛi ma, ɣelêi-pere da saa-taa nyii gáa ǹɔii mu-perei. Ǹyaŋ ífe mɛni da kɔ́lɔŋ é pîlaŋ ma.

Zôo 35:5

“Ye ŋ̀elei su káa í gáa berei ŋ̀ele-kɔlɔŋ kolei káa la ímɛi-pere póŋ-poŋ.

Wule-woo-ŋa 115:16

Ŋ̀elei káa a Yâwɛɛ ǹyaa tɔ̂nɔ pɔ́ɔ. Kɛ́lɛ è ǹɔii tɛ̂ɛ núu-kpune pɔ́.

Wule-woo-ŋa 115:3

Kúɣâlai káa ɣâla-taa. M̀ɛnii kélee a ŋ̀wɛ̂lii, ǹyaa ƃé a gɛ̀.

Ikilisiati 5:1

Kà lì Ɣâla ŋɔpɛ́rɛi mu, ka kámɛi káa. Kà lì ka káwoli tɔ́ɔ a ǹɛ́lɛɛ. Káfe kákili tɔ̀ɔ kásâla kula sãai dîa, yɛ̂ɛ berei m̀oo-ƃelai da gɛ̀ lai. Dífe gɔ́lɔŋ a gɛɛ da mɛni nyɔ́mɔɔ kɛ̂i.

Ikilisiati 5:2

Káfe lòno a maa félaa. Káfe kono-tee kpala kɛ̀ Ɣâla ŋɔpɛ́rɛi mu. Ɣâla káa ŋ̀elei su, ká kɛ́ ƃò ǹɔii ma. Mɛni ma, kà kɛ̀ lônoi Ɣâla ŋɔpɛ́rɛi mu, ka mó a gbua.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔ̂i, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Azaya 66:1

Yâwɛɛ è m̀o ǹyɛɛi, “Ŋ̀elei-su ƃa Ŋákâloŋ see-sɛŋ seêi. Ǹɔii ma ƃé ŋa ŋ́gɔɔ tɔ̀ɔ naa. Pɛ́rɛ sîi lé kɛ́ɛ ƃé ka pɔ̂ri dɔɔ̂i ḿɛni mai? Mí ƃé ka pɔ̂ri gbɛtɛ̂i a gɛɛ ŋ́gɛ ḿvii tɔ̀ɔ naai?