Zôo 2:10 - Ŋ̀âla Kɔlɔ Maa Waai

¹⁰ Zôo è ŋɔnɛnîi wóo su tòo ǹyɛɛi, “Ya lôno nɔ́ yɛ̂ɛ ǹɛnî-ŋai nyii-ŋai dífe Ɣâla kɔ́lɔŋ. À kɛ̀ Ɣâla a mɛni lɛ́lɛɛ tɛ̀ɛ kú pɔ́ kúku yée sée mu, lé mɛni ƃé a mɛni kpɔ̂lu làa la kûa kúfa kúyee sèe mui?” Berei máŋ Zôo è mɛni sôli kàa lai, vé lóno-ni a nyɔ́mɔɔ é pîlaŋ Ɣâla ma.

Zôo 2:10 ပူးပေါင်းရင်းမြစ်များ

Zɛnɛse 3:17

È mò nalôŋ ma ǹyɛɛ, “Náɣaŋ káa ǹɔii ma ílaai su, kpɛ́ni fêi, ƃa íwoli tɔ́ɔ ínɛnîi wóo ma ƃa ŋ̀úru-ƃai mii, nyii ŋa mò yâ a gɛɛ ífe mìi. Ƃa pâi íkɔnɔŋ sɔlɔ ƃôi ǹɔii su a mɛni-soli káa ífulu-laai su.

Samia Veerɛi 13:13

Nɛnî kɛ́ɛ yɛ̂ɛ ńyãa, mí ƃé ŋa pɔri liî naa a ŋ̀umɛ târe kɛ́ɛ ŋíi? À kɛ̀ a yá, ya pâi kɛ̂i nɔ́ a ɣɛ́lɛ-maa-sɛŋ Eezuɛ lɔii su. Kpera yɛ̂, lí í m̀ɛnii ŋí ƃó gâloŋ ma. Ńâai la a pâi faâi.”

Samia Veerɛi 19:22

Kɛ́lɛ Deeƃé ǹyɛɛ m̀ai, “Zeruia ǹônii, lé ƃé ŋa pâi gɛ̂i a káai. Káfe mɛni-ŋai kâai kɛ̂i? Da pɔri núu da paâi sâa Eezuɛ lɔii su? Fé gɔ́lɔŋ a gɛ́ɛ ńyãa ƃa Eezuɛ-ŋai díkâloŋ sâa?”

Samia Veerɛi 19:28

Iî pâi ḿbaâi kwa ŋápɛrɛi mu-ƃelai kélee. Kɛ́lɛ yâ fâai ma a gɛ́ɛ ŋ́gɛ ńaa mii íteƃelei ma. É kúla nyíŋi pôlu lé da kpɛ́ni ƃé ŋa pɔri ímarê kɛ̂i mɛni mai?”

Samia Veerɛi 24:10

Kɛ́lɛ m̀ɛnii ŋí kɛ́ɛ naa pôlu ma Deeƃé líi è ƃèla ma. È mò Yâwɛɛ ma ǹyɛɛi, “Ŋaâ sɔnyɔ̂ŋ kɛ́tɛ kɛ́ a yá. Kɛ́lɛ Yâwɛɛ, ŋa íkperâ fêi a gɛ́ɛ í ńzu mɛni lɛɛ, kpɛ́ni fêi, ŋa ƃoo tûa kɛ́.”

Kɔlɔnikɔ Veerɛi 16:9

Diai kélee da díkili tɔ̀ɔ Yâwɛɛ mai, a ŋɛ́i sìa kpɔ́ ǹɔii gwaa kélee ma gɛ́ dí mɛi kâa gɛ́ dítɔɔ̂i kpanaŋ. Í tùa a ƃoo-pere, mɛni ma kɔ́ fé pâi kpɛɛ̂i ípôlu.”

Zôo 1:10

Ya Zôo da ŋɔnûai dí gɔ̃liŋ kélee mɛi kâai. Ya lûwa láa m̀ɛnii kélee ma nyii a gɛ̂i. Ya gɛ́ ŋɔtaa-tulɛ-ŋai da poo da ǹɔii láa fɛ́ɛ.

Zôo 2:9

Nya ƃe ŋɔnɛnîi è mò ma ǹyɛɛi, “Íkaa nɔ́ niî Ɣâla pôlu a teniŋ ƃô-pere m̀ɛni sãŋ ŋí kɛ́ kɛ̀ a yá? Lé ƃé ífa ípôlu tɔ̀ɔ Ɣâla mà í sáai?”

Wule-woo-ŋa 39:1

Ŋa m̀o ńyɛ̂ɛi, “Ŋa pâi ḿɛi kâai. Fé pâi ǹɛɛ̂i naa ńɛŋ é gɛ́ ŋá píli sɔnyɔ̂ŋ su. Ŋa pâi ḿɛi saâi ŋwana-lɔ̂ɔ-nuu da a kɛ̀ ŋ́gɔlɛ.”

Wule-woo-ŋa 39:10

Ífe ŋɔ́nɔ ŋ́gula maa kɛ̀. Ya ńdûa kpɔ́ a ŋ̀ánaa ŋa kɛ́ saâi.

Wule-woo-ŋa 39:9

Ŋa pâi ńa tɛ̂i, fé pâi mɛni da kélee ƃôi. Yá ƃé gɛ̂i ŋ́gɛ m̀ɛni sôlii ŋí sɔlɔ ƃô a dáre kɛ́ɛ ŋí.

Wule-woo-ŋa 59:12

Ŋ́gbɔara-ƃelai díkaa a lɛ́ɛ-ƃela tee-tee. M̀ɛni ma, ǹɛɛ naa díyoŋka lɛɛ-ŋai dí dílɛɛ mɛ̂nii, kpɛ́ni fêi, da nûa ǹaɣaŋ, díkɛ lɛ́ɛ kɛ̀.

Táre-woo-ŋa 9:13

Ǹúui táre fé ŋuŋ sui, gáa yɛ̂ɛ nɛnî nyii a lôno a ɣelêi-pere vé mɛni da kɔ́lɔŋ, ŋumɛ fé ŋ̀ɛ́i.

Táre-woo-ŋa 9:6

Ka tée ƃoo-mɛni ma ká kɛ́ ɣele ma, ka sía a táre ŋɔperei.”

Ikilisiati 7:14

Ŋ̀éniɛi a ŋ̀ɛ́i lɛ́lɛɛ tìnaŋ ípɔ naa pere, lii-nɛ̃ɛ kula. A tela ŋ̀ɛ́i pôlu fè yɛ̂, yéei sée mu kpɛ́ni fêi, Ɣâla ƃé mɛni feerɛi ŋí kpɛ̀tɛ. Mɛni ma, núu da fé m̀ɛnii kɔ́lɔŋ pâi kɛ̂i tínaai.

Zerusâlɛŋ Karáa Maa Wɔ̂lɔ-wooi 3:37

À kɛ̀ Ǹuu-namui a wàla fáa ma, kwa pɔ̂ri mɛni da ƃôi a gɛɛ é kɛ́, m̀aa mɛ̂nii é kɛ́?

Maafîu 16:23

Nya ƃe è tìnaŋ Pitɛ pɔ-pere, ǹyɛɛ mai, “Sêtɔŋ, síɣe ŋ́gɔlɛ! Íkaa ḿbilîi ƃáre ŋá. Kpɛ́ni fêi, Ɣâla ŋɔmɛni fé íkili ŋá, fɛ̂ɛ núu ŋɔmɛni.”

Maafîu 25:2

Ǹɔ́ɔlu è kɛ̀ a moɔɔ, ǹɔ́ɔlu táreɛ.

Zɔ̂ŋ 18:11

Zîsɛ è mò Pitɛ ma, ǹyɛɛi, “Íƃoai lɔ́ daâi. Ve a sɛŋ a gɛɛ ŋá ŋ́gbele gɔɛi su nyii Ńâŋ a dɛɛ ḿbɔi?”

Lomaŋ 12:12

Ka lii-nɛ̃ɛ kula kákili-kɛ-zui su. Ka kálii kpele mɛni-kpɔ̂lu su. Ka tɔɔ Ɣâla-fɛliɛ su a gbanaŋɔɔ.

Zĩi 1:12

Lûwa káa ǹúui ma a ǹíi kpèle su-kɔɔ̂ŋ yêei, kpɛ́ni fêi, à tɔ̀ɔ zu-kɔɔ̂ŋ tí su, gɛ̀ ní a pâi fulu-laa ŋɔkâloŋ-ƃɔrɔi sɔlɔ ƃôi, nyíi Ɣâla a góno tée la diai yêei dí ŋ̀wɛli nii.

Zĩi 3:2

Kúkelee kwa pɔara-mâa támaa kɛ̀, ǹyaŋ ǹúui va pɔara-mâa kɛ̀ ǹóno-woo sui, maa-nuui maa waâi. Pɔ̂ri káa mì a gɛɛ é gbonoi kélee mɛi káa máŋ.

Samia Maa-ŋuŋ 3:18

Nya ƃe Samia è m̀ɛnii kélee ƃò mà. È mò mà ǹyɛɛi, “Ǹyaa ƃa Yâwɛɛ. Tɔɔ é m̀ɛnii kɛ́ zãâi ŋ̀ɛ́i.”